近排其中一個多人討論嘅Youtuber一定係健身女神Emi Wong!Emi當初透過佢拍既 Youtube片紀錄住佢嘅轉變,由從來唔做運動,有不良好嘅健康飲食習慣,到而家身心都健康美麗。 BloomMe 今次非常榮幸邀請到Emi專訪,俾大家更加了解Emi多啲!

妳平時拍片嘅靈感會由邊度嚟? 有時會唔會覺得好難諗到比較有創意嘅內容?

我拍片靈感係由生活上既瑣碎事情而嚟,例如我近排同Chad訂左婚都多左幾個拍片嘅靈感。我算係好遲先開始接觸YouTube,所以我其實有好多ideas。反而我有好多野想拍都未拍到,所以暫時都未遇到太大困難。平時如果我突然間有新嘅idea我就會即刻寫低,所以我依家個list都好長。依家最難係我唔夠時間去拍,所以我會逐漸拍多啲。

新年岩岩過左而農曆新年又就到,妳有冇任何特別方法去keep fit?

我覺得一個短暫既休息係冇問題嘅,新年時間我會俾自己照食多少少,因為始終值得慶祝, 而我係依段時間會keep住做運動。我近排因為要不斷飛嘅關係都有兩三個禮拜冇辦法做到好多運動,但係我會提醒自己人生有好多其他重要既野要做,所以唔會俾太多壓力自己。最重要係記住完左個短break之後要翻去自己既routine!

你平時係點樣繼續推動自己去做運動又食得健康?特別係又凍又落雨嘅日子?

依家對我黎講做運動已經變成一個生活習慣,我唔需要一個特別嘅動力先去做運動。就好似每日刷牙洗面咁,因為變成一個生活習慣所以好自然就會去做。我依家持續運動左幾年,所以反而唔做會覺得奇怪。而我飲食方面就真係需要控制食慾,有時我都會想食完飯再食甜品。我嘅解決方法就係儘量食完飯就刷牙或者儘量早D訓就可以控制到。

你平時嘅skincare routine 係點樣架? 有冇推介嘅產品或者tips呢?

我自己平時每日都會敷面膜,原因係我幾年前聽到范冰冰會每日都敷面膜所以就開始試下。我覺得我既皮膚真係因為咁樣而好左好多,所以我從來都唔會有一日唔記得敷。我用嘅面膜大部分係台灣牌子,例如Dr.Wu。 同埋我發現我依排少左化妝都有幫助到我嘅皮膚, 因為我覺得連薄薄嘅foundation 都會令到毛孔阻塞,影響皮膚健康。我依家主要一個禮拜化妝一兩次,原因都係為左拍片嘅。

最後想問下你有冇對於 2019 stay fit 同 healthy 既建議俾我地呢?

第一個tips亦都係我自己嘅目標,就係將全部野都睇開啲,唔好俾一件事過度影響我哋嘅心情,例如唔開心幾個禮拜就唔係咁好。我覺得做人可以輕鬆一啲,唔好俾太多壓力自己。

第二係我好希望我可以達到早啲訓,而我知道好多香港人都好夜訓。我依家好多事就算忙完,都會睇電話碌下碌下就幾個鐘。 我知道夜訓其實對身體皮膚都有好差嘅影響,所以我真係好想改依樣野,亦都係我覺得大家都應該做嘅。

近排其中一個多人討論嘅Youtuber一定係健身女神Emi Wong!Emi當初透過佢拍既 Youtube片紀錄住佢嘅轉變,由從來唔做運動,有不良好嘅健康飲食習慣,到而家身心都健康美麗。 BloomMe 今次非常榮幸邀請到Emi專訪,俾大家更加了解Emi多啲! 妳平時拍片嘅靈感會由邊度嚟? 有時會唔會覺得好難諗到比較有創意嘅內容? 我拍片靈感係由生活上既瑣碎事情而嚟,例如我近排同Chad訂左婚都多左幾個拍片嘅靈感。我算係好遲先開始接觸YouTube,所以我其實有好多ideas。反而我有好多野想拍都未拍到,所以暫時都未遇到太大困難。平時如果我突然間有新嘅idea我就會即刻寫低,所以我依家個list都好長。依家最難係我唔夠時間去拍,所以我會逐漸拍多啲。 新年岩岩過左而農曆新年又就到,妳有冇任何特別方法去keep fit? 我覺得一個短暫既休息係冇問題嘅,新年時間我會俾自己照食多少少,因為始終值得慶祝, 而我係依段時間會keep住做運動。我近排因為要不斷飛嘅關係都有兩三個禮拜冇辦法做到好多運動,但係我會提醒自己人生有好多其他重要既野要做,所以唔會俾太多壓力自己。最重要係記住完左個短break之後要翻去自己既routine! 你平時係點樣繼續推動自己去做運動又食得健康?特別係又凍又落雨嘅日子? 依家對我黎講做運動已經變成一個生活習慣,我唔需要一個特別嘅動力先去做運動。就好似每日刷牙洗面咁,因為變成一個生活習慣所以好自然就會去做。我依家持續運動左幾年,所以反而唔做會覺得奇怪。而我飲食方面就真係需要控制食慾,有時我都會想食完飯再食甜品。我嘅解決方法就係儘量食完飯就刷牙或者儘量早D訓就可以控制到。 你平時嘅skincare routine 係點樣架? 有冇推介嘅產品或者tips呢? 我自己平時每日都會敷面膜,原因係我幾年前聽到范冰冰會每日都敷面膜所以就開始試下。我覺得我既皮膚真係因為咁樣而好左好多,所以我從來都唔會有一日唔記得敷。我用嘅面膜大部分係台灣牌子,例如Dr.Wu。 同埋我發現我依排少左化妝都有幫助到我嘅皮膚, 因為我覺得連薄薄嘅foundation 都會令到毛孔阻塞,影響皮膚健康。我依家主要一個禮拜化妝一兩次,原因都係為左拍片嘅。 最後想問下你有冇對於 2019 stay fit 同 healthy 既建議俾我地呢? 第一個tips亦都係我自己嘅目標,就係將全部野都睇開啲,唔好俾一件事過度影響我哋嘅心情,例如唔開心幾個禮拜就唔係咁好。我覺得做人可以輕鬆一啲,唔好俾太多壓力自己。 第二係我好希望我可以達到早啲訓,而我知道好多香港人都好夜訓。我依家好多事就算忙完,都會睇電話碌下碌下就幾個鐘。 我知道夜訓其實對身體皮膚都有好差嘅影響,所以我真係好想改依樣野,亦都係我覺得大家都應該做嘅。