初夏來臨,小編已經準備好今年流行嘅一字領、夏天必備嘅吊帶裙同小背心,當然唔少得三點式啦!不過背脊好似仲爭咁d,暗瘡同痘印仲stay喺度,唔夠白滑細嫩,想show都唔敢show,一於逐步逐步KO佢哋,還原滑嘟嘟嘅背脊!

 

Step 1: 消滅粒粒

背脊時不時都會有粒粒,甚至係更嚴重嘅暗瘡,一般都係因為油脂分泌旺盛所致,加埋天熱導致我哋成日出汗,兩者混合好容易令皮膚毛孔閉塞,導致暗瘡出現。

 

 

出現暗瘡最緊要唔好手多走去唧佢,亦都唔好做磨砂,咁樣好易製造傷口,有可能不停感染細菌一路都唔好,之後亦好容易形成疤痕。最好方法都係搽暗瘡膏,等佢慢慢消失。另外都可以試吓喺油脂粒或者暗瘡位置敷清潔泥mask,加速消炎,等佢快d好。

 

暗瘡出現可能都同濕熱有關,飲食上最好食得清淡d,少食油膩生冷野,減輕脾胃負擔,等濕氣運化得好d,皮膚都好d。維持正常嘅作息時間、有充足休息、適時減減壓、多飲水,都有一定嘅幫助架~當然啦,如果情況比較嚴重,例如出現嘅頻率好高或者範圍好大,最好都係睇醫生。

 

Step 2: 清除痘印

搞掂粒粒,又或者你之前已經清好粒粒,但就留低好多印,搞到背脊一撻撻印咁好醜樣,咁就要除.痘.印!一般嚟講痘印會慢慢自然淡化,不過有時如果血液循環唔好或者新陳代謝比較慢,痘印可能就會比較難消失,咁最好方法當然係做運動,帶動全身嘅氣血循環啦~

 

 

沖涼時,不妨用絲瓜絡或者沐浴球輕輕擦吓痘印部份,做到的話,用磨砂膏或者砂糖局部磨砂,令表皮老化嘅角質層脫落,促進新陳代謝,從而慢慢減淡痘印。不過磨砂不能夠經常做,大約一星期1-2次就可以,記住溫和d輕輕力,以免刺激皮膚。當然都可以去美容院做身體磨砂,仲舒服!
磨砂之後,幫面部搽完護膚品,可以順手將美白精華點少少喺痘印上面,等佢慢慢減淡色素。如果痘印真係好嚴重的話,可以考慮做激光去印嘅療程,效果會比較快同明顯。Download BloomMe app,揀身體護理呢個類別,入面就有超過 30 間美容院俾你揀,揀個啱你心水同需要嘅背部treatment*,好好relax等專人幫你護理~

 

Step 3: 後續保養+預防

白滑背肌當然都要好好保養先keep得持久,所以出街記得搽防曬,只要係會露出嘅身體部份都要搽,咁梗係唔少得背脊啦,陽光中嘅紫外線絕對係令皮膚老化嘅元兇之一,而且仲會令黑色素沉澱,如果身上有痘印未消除,更加要搽防曬好好保護佢,唔係就會越嚟越深色。更加要記得時不時補搽,流汗同落水都會令防曬慢慢流失架!
夏天易出汗,油脂分泌又特別多,所以睡衣要勤d換;另外要選擇通爽嘅衣服,尤其是明知自己將會大量流汗(例如做運動),最好就揀d有吸汗速乾功能嘅衫,令皮膚冇咁容易被汗水油脂焗住,減低堵塞毛孔嘅機會。

 

 

天熱相信大家都會日日沖涼,一日沖一次一般都足夠,不過可以留意選用清爽型嘅沐浴露,避免太滋潤嘅類型,以免滋養成份堵塞毛孔。做足咁多步驟,背部自然又白又滑,著咩衫露邊度都咁有自信!

 

*第一次用BloomMe預約,記得輸入「BODY88」優惠碼,療程即減$88。

 

你可能感興趣:

夏日清爽感 UP ! 必看 5 款簡約美甲!

8個解救面油Dos & Don’ts

初夏來臨,小編已經準備好今年流行嘅一字領、夏天必備嘅吊帶裙同小背心,當然唔少得三點式啦!不過背脊好似仲爭咁d,暗瘡同痘印仲stay喺度,唔夠白滑細嫩,想show都唔敢show,一於逐步逐步KO佢哋,還原滑嘟嘟嘅背脊!