上次介紹咗3種各有唔同功效嘅健康醒神飲品,個魂魄返咗一半未?有冇blue少咗?今次小編就介紹更多喺office都做到嘅簡單小動作等你全方位踢走Blue Monday

 

拉拉筋 醒醒神

 

飲完嘢,頭腦好似係醒神咗,但總係覺得身體每一個細胞都仲沉睡中,咁你就要搵個機會簡單咁拉吓筋!事關氣血唔暢通都會令人好攰,冇乜精力咁,拉吓筋,令肌肉同筋骨都可以得到充份嘅舒展,血氣循環好咗,自然個人都精神d~

 

喺office未必做到好大幅度嘅伸展,但坐喺位,簡單咁拉吓手臂同肩頸位都好有用架(上圖)。

 

Move!喚醒全身細胞

 

除咗拉筋,偷個短短嘅時間俾自己行開吓,都一樣有用,例如行去pantry倒杯水、去吓廁所咁,同樣可以令全身細胞動起來,肌肉都唔會因為坐得太耐而過份繃緊,個人就冇咁攰啦!到咗lunch time,就算帶飯都好,食完飯都可以落去行個圈,等自己呼吸吓新鮮空氣,身體亦都可以郁動吓,唔駛成日困喺同一個環境,精神爽利好多,心情都好d

 

Lunch記緊7-8分飽

 

雖然做齊咁多嘢,但好多時食完飯,飯氣攻心搞到個人成日都昏昏欲睡,最簡單直接嘅做法就係記得食飯唔好食得太飽,食得太飽時,身體就要動用更多嘅能量同時間去進行消化,令腦部好容易想瞓覺,所以食7-8分飽就最好,仲可以減輕腸胃負擔,避免消化不良添。如果真係唔好彩消化不良,咁就要睇吓呢篇教你點消滯喇!

 

深呼吸 氧氣進駐夠精神

 

返到office如果做做吓嘢真係頭昏腦漲咁的話,先跟上篇沖杯啱飲嘅醒神飲品,然後再喺位連續做幾次深呼吸,如果識得做的話,腹式呼吸更好,可以幫助你帶更多氧氣俾身體,個人不但更醒神,肌肉仲會喺深呼吸嘅過程中得到鬆弛,情緒都可以得到好好嘅舒緩,冇咁blue。
咁多種方法,總有一種幫到你對抗Blue Monday吧?如果你個人依然攰賴賴、唔想郁、全身聚住聚住好重咁,就要留意吓會唔會唔止係魂魄唔齊,而係休息不足,或者濕氣太重,要去濕喇~即睇去濕3大法

上次介紹咗3種各有唔同功效嘅健康醒神飲品,個魂魄返咗一半未?有冇blue少咗?今次小編就介紹更多喺office都做到嘅簡單小動作,等你全方位踢走Blue Monday!