相信好多Sis一M到都會出現唔同程度嘅M痛,無論係間歇性咁陰住陰住痛,定痛到翻天覆地返唔到工都好,為咗自己身體著想,點都要袋定D舒緩M痛嘅tips喺身,乖乖哋照住做,一定可以幫你減少M到時所受嘅痛苦!

 

一、敷暖水袋

由於經痛係子宮收縮引起,呢個時候用暖水袋甚至暖包熱敷就可以有助放鬆肌肉,改善血液循環,令到經痛冇咁犀利~用嘅時候記得將暖水袋或者暖包放喺下腹覺得痛嘅位置,而且為免燙傷,記得唔好直接將暖包或者暖水袋就咁貼住皮膚,記得用暖蛋殼或者專用嘅袋裝一裝住佢先,咁就唔怕會無意中燙傷肌膚啦!

 

二、按摩穴位

如果臨急臨忙搵唔到暖水袋嘅話,亦都可以試下按摩穴位,都有助舒緩M痛。首先介紹嘅係血海穴,喺大腿內側近膝頭嘅骨頭位置對上2寸左右,大腿內側肌隆起嘅地方就係啦。另一個穴位就可以試下合谷穴,合谷穴就喺手掌虎口位置,用手指喺以上2個穴位按5-10分鐘就得,如果喺M到前1星期就開始按,更加可以有效預防劇烈嘅經痛添!

 

三、謝絕凍飲

如果本身有手足冰冷問題嘅話,嗜飲凍飲就更加係經痛嘅元凶!想舒緩經痛,除咗喺經期期間唔好掂凍飲之外,平時亦都應該盡量少飲凍飲。覺得難戒嘅話,可以先由少冰、走冰做起,慢慢培養習慣,咁M到嘅時候就冇咁辛苦啦!

 

四、攝取維他命

平時攝取足夠嘅維他命亦都可以有助舒緩經痛,例如維他命B1同維他命E。最方便當然係食綜合維他命,一次過滿足身體所需嘅維生素啦!如果平時經痛問題好嚴重嘅話,亦都可以試下食魚油,經研究證明係有效減輕經痛!

 

五、適量運動

平時做適量嘅運動,亦都有助減輕經期時嘅痛楚,而且經期時亦都唔使剩係瞓同坐,簡單去做下慢跑、瑜珈等冇咁劇烈嘅運動亦都可以幫助放鬆身心,令到M 痛可以有效咁舒緩,所以M到時記得唔好畀藉口自己,要郁動下身體啦~

 

想M 到時可以搣甩止痛藥?咁就要記住以上5個小tips,仲要改善日常生活習慣唔好成日夜瞓,咁就自己身體都健康D,可以打低M痛呢隻惡魔啦~

相信好多Sis一M到都會出現唔同程度嘅M痛,無論係間歇性咁陰住陰住痛,定痛到翻天覆地返唔到工都好,為咗自己身體著想,點都要袋定D舒緩M痛嘅tips喺身,乖乖哋照住做,一定可以幫你減少M到時所受嘅痛苦!   一、敷暖水袋 由於經痛係子宮收縮引起,呢個時候用暖水袋甚至暖包熱敷就可以有助放鬆肌肉,改善血液循環,令到經痛冇咁犀利~用嘅時候記得將暖水袋或者暖包放喺下腹覺得痛嘅位置,而且為免燙傷,記得唔好直接將暖包或者暖水袋就咁貼住皮膚,記得用暖蛋殼或者專用嘅袋裝一裝住佢先,咁就唔怕會無意中燙傷肌膚啦!   二、按摩穴位 如果臨急臨忙搵唔到暖水袋嘅話,亦都可以試下按摩穴位,都有助舒緩M痛。首先介紹嘅係血海穴,喺大腿內側近膝頭嘅骨頭位置對上2寸左右,大腿內側肌隆起嘅地方就係啦。另一個穴位就可以試下合谷穴,合谷穴就喺手掌虎口位置,用手指喺以上2個穴位按5-10分鐘就得,如果喺M到前1星期就開始按,更加可以有效預防劇烈嘅經痛添!   三、謝絕凍飲 如果本身有手足冰冷問題嘅話,嗜飲凍飲就更加係經痛嘅元凶!想舒緩經痛,除咗喺經期期間唔好掂凍飲之外,平時亦都應該盡量少飲凍飲。覺得難戒嘅話,可以先由少冰、走冰做起,慢慢培養習慣,咁M到嘅時候就冇咁辛苦啦!   四、攝取維他命 平時攝取足夠嘅維他命亦都可以有助舒緩經痛,例如維他命B1同維他命E。最方便當然係食綜合維他命,一次過滿足身體所需嘅維生素啦!如果平時經痛問題好嚴重嘅話,亦都可以試下食魚油,經研究證明係有效減輕經痛!   五、適量運動 平時做適量嘅運動,亦都有助減輕經期時嘅痛楚,而且經期時亦都唔使剩係瞓同坐,簡單去做下慢跑、瑜珈等冇咁劇烈嘅運動亦都可以幫助放鬆身心,令到M 痛可以有效咁舒緩,所以M到時記得唔好畀藉口自己,要郁動下身體啦~   想M 到時可以搣甩止痛藥?咁就要記住以上5個小tips,仲要改善日常生活習慣唔好成日夜瞓,咁就自己身體都健康D,可以打低M痛呢隻惡魔啦~