越嚟越多人崇尚純天然產品,希望令自己靚得健康。雖然多左討論,但亦有唔少人覺得呢個係美容產品製造商嘅營銷策略,將仍然含有有害化學物質嘅產品標榜為「全天然」。 BloomMe 非常希望向各位 Sis 介紹更多關於純天然、對皮膚同環境無害嘅美容產品同服務,係扮靚的同時亦都出一分力善待自己同地球。

 

首先要知道,純天然其實係咩?

 

通常我地聽到「純天然」,我地都會幻想到一個素顏清新嘅樣,但其實呢一種理解並唔能夠完全表達「純天然」。「純天然」更加係關於使用不含有有害化學物質嘅產品,並避免破壞環境。化妝同美甲亦可以係天然嘅,所以你唔需要擔心「天然」,以為你需要將生活習慣完全顛倒。

 

事實上,唔係所有化學物質都係有害。所有野都係由化學物質組成,包括大家每日飲用嘅水。所以,我唔需要怕所有化學物質,而係要分清邊一啲化學物質係有害同點解佢地有害。

 

邊啲化學物質有害?點解?

 

我地時常都聽到人話要避開 Paraben,即係全名 Para-hydroxybenzoic acid (對羥基苯甲酸酯)嘅化學物質。佢通常用作防腐劑以抗菌同保護大部份液態同奶油狀嘅化妝品。Paraben 曾經用作模擬雌激素,並可以係身體入面嘅細胞搵到,亦同部份乳癌有關。雖然並無實質嘅證據能夠肯定 Paraben 為致癌物,研究亦都仲係好初步的階段,但有唔少個案都發現 Paraben 係乳腺腫瘤入面。

 

要遠離 Paraben,我地只要避開Paraben字尾嘅成份或產品,例如 butylparaben 同 methylparaben。好多製造天然化妝品嘅公司都會用植物性酒精呢個相對較安全的成份嚟代替 Paraben。

 

Sulfates(硫酸鹽)係另一種時常被人討厭嘅化學物質。佢通常會出現係洗髮露同牙膏入面,作為起泡劑。硫酸鹽有一個相當大嘅問題,就係會令細胞膜退化。呢個現象係源於蛋白質會被硫酸鹽分解,並係心臟、肺同腦入面留低殘留物。

 

硫酸鹽對頭髮都係好有害。佢唔單只會令你嘅頭皮乾燥、脫色,嚴重時更加會導致脫髮。不過,我地亦需要小心注意,產品標籤上寫明「無硫酸鹽」(sulfate free) 並唔意味著佢就一定好,因為有好多公司會用其他化學物質化替硫酸鹽。 所以各位 Sis 買野之前最好都係清楚檢查產品成份標籤啊!

 

如果各位 Sis 願意花時間係購買前做資料搜集,亦可以去CosDNA (亞洲品牌為主) 或者 EWG’s Skin Deep (歐美品牌為主) 度搵下你想買的產品的成份!

 

要天然好容易!

 

首先,一開始學習檢查標籤並唔係一件易事,我地大部份人一路以嚟都無養成呢個習慣。當你知道自己嘅喜好,件事就會容易得多。 好多人鍾意天然產品嘅人都鍾意製作自己嘅用品。若果你好似BloomMe用家一樣,生活忙碌,我地仍然有唔少選擇。 我地特別鍾意瑞典人手製嘅身體護膚產品,全部都係上環嘅廚房入面製作,並且香味清新,為您滋潤皮膚同頭髮!

 

修甲亦都可以好「天然」。 有唔少美容中心唔會特別對外表明佢地提供不經動物測試(Cruelty Free)或無毒害嘅修甲,所以有心嘅話不妨問多一問。 如果你鍾意一個更直接嘅方法,可以選擇係 BloomMe 中受到好評的 Melomist Spa,佢地提供不含七種毒素嘅修甲服務。如果想知道更多有關不經動物測試美甲服務嘅資訊亦可以睇下我地早前的一篇英文文章

 

係香港已經越來越多 Spa 響應生態保育,各位 Sis 成日都會做的 Facial 亦都已經有純天然的選擇。  Emmanuel F 係其中一個最佳例子,佢地所使用的產品都係天然、有機同不經動物測試。 佢地亦係 2016 年度 BloomMe 用戶選擇獎嘅最佳生態保育 Spa 。

 

 

總括而言,走向純天然美容其實唔難,但唔好對自己要求太高,想一下子就將所有用品都轉為天然 。改變唔會咁簡單係一夜之間發生,慢慢過渡一齊向純天然邁進啦!

 

你可能感興趣: 

減肥但又口痕? 4 種高營養堅果推介

顯白無難度? 必看 6 款日系夏日髮色

彩光VS激光? 脫毛 8 個快問快答

 

越嚟越多人崇尚純天然產品,希望令自己靚得健康。雖然多左討論,但亦有唔少人覺得呢個係美容產品製造商嘅營銷策略,將仍然含有有害化學物質嘅產品標榜為「全天然」。 BloomMe 非常希望向各位 Sis 介紹更多關於純天然、對皮膚同環境無害嘅美容產品同服務,係扮靚的同時亦都出一分力善待自己同地球。