成日都聽人講話25歲就係肌膚年齡一條唔可以忽視嘅分界線,因為喺25歲之後新陳代謝就會開始減慢,如果唔及早保養,可能有一日會發現原來自己已經喺不經不覺間同以前滑嫩到彈吓彈吓嘅少女肌膚講咗bye bye!想keep住充滿活力嘅美麗肌膚,就要好好記住令肌膚逆齡嘅三大法門,好好實行,唔好坐以待斃!

 

一、做好肌膚清潔

 

有冇Sis試過放工太攰,妝都唔落求其洗個面就去咗瞓覺?咁就大錯特錯啦!身為都市人嘅我哋,每日出入、甚至坐喺屋企都會沾染到空氣中嘅塵埃或者污染物等等,加埋我哋嘅肌膚分泌出嘅油脂同汗水,就會阻塞毛孔,呢個時候就要為我哋嘅肌膚進行深層嘅清潔,維持返正常嘅新陳代謝。有化妝習慣嘅 Sis 就更加要每日徹底咁卸妝先可以令肌膚得到休息,之後嘅護膚程序,例如補濕、美白、去斑、抗皺等等嘅護膚品會更加吸收,所以清潔好我哋嘅肌膚可以話係逆轉肌膚年齡嘅第一步!

 

二、進行適量運動

 

做運動除咗令身體好之外,仲可以美顏添!因為做運動可以令到身體嘅新陳代謝有效咁運作,加快血液循環,令肌膚充滿彈性,仲有抗氧化嘅效果。咁做咩運動係最有效呢?就係帶氧運動啦,行樓梯、踩單車、游水同慢跑等等都屬於帶氧運動,冇做開運動嘅 Sis 可以試吓每星期搵兩三日做 15 – 20 分鐘嘅中等強度帶氧運動,然後再按需要調整;而唔太鍾意做戶外運動嘅 Sis 就可以轉為選擇喺室內做 7 分鐘 Workout 嘅運動鍛鍊,不過記得運動量要適中,唔好突然不停咁做運動,咁樣唔單止會加重身體嘅負擔,亦都可能會整傷自己,咁就得不償失啦!有興趣了解多D嘅 Sis 不妨去問下專業嘅健身教練,制定最適合自己嘅運動模式~

 

三、飲食均衡節制

 

相信各位 Sis 都覺得美食嘅誘惑係好難抵抗,見到好味嘅嘢點忍到口?但好味嘅嘢好多時都暗藏陷阱,小編當然唔係叫大家唔好食,不過要記得兩個字:節制。大家都知道加工嘅食物其實對健康冇乜益處,對肌膚都一樣,呢D食物隨時仲係加速衰老嘅元兇!尤其係各位Sis最難抗拒嘅甜品,當中嘅精製糖其實有機會影響膠原蛋白發揮正常嘅功能,所以唔好一見到甜品就忘晒形,甚至甜品當正餐呀!如果想肌膚更靚,就應該食多D唔同嘅蔬菜同生果,亦都可以食一D具有抗氧化功效嘅食物,例如士多啤梨、綠茶、黑朱古力等,減慢皮膚老化速度。而維他命C都有幫助清除身體過多自由基嘅功效,所以補充維他命C都好重要!

 

 

其實要逆轉肌膚年齡除咗以上需要持之以恆嘅三大法門,如果可以配合埋充足嘅睡眠、適度嘅防曬,加埋開朗嘅心境等,都會對我哋對抗衰老有莫大益處!而科技嘅進步亦都令我哋更容易保持肌膚活力年輕,如果想比較快速見到效果,就要依靠科技,幫助我哋延緩肌膚衰老嘅速度。

 

如果想體驗一下抗衰老 Facial ,即刻download BloomMe app,睇吓小編以下三間同樣位處中環嘅推介,預訂適合你嘅療程!

 

Glow Spa

Glow Spa 實景

 

由一位澳洲女士創立,服務態度親切而且高質素,我哋嘅同事親身試過之後都讚不絕口!

 

BloomMe推介療程:Aromatherapy Associates芳香療法抗衰老面部護理 $980

 

Melomist Spa

Melomist Spa 實景

 

呢間係喺BloomMe入面好受歡迎嘅Spa,有超過百位用家分享評價,雖然價錢略高但係絕對值得!

 

BloomMe推介療程:Sela – 礦物金特效抗衰老面部護理 $1,380

 

Ayurveda Day Spa

Ayurveda Day Spa 實景

 

提供印度教及佛教的傳統醫學─阿育吠陀(Ayurveda)水療服務,使用天然、不含人造材料嘅產品,療程包括按摩、面部美容、脫毛同美甲服務。 如果想體驗下香港少有的療程就要試下啦!

 

BloomMe推介療程:智選逆齡面部美容療程 $1,080

 

如果第一次經 BloomMe 預約,記得係申請帳戶時入番優惠碼 TALK75 ,首次預約可以即減 $75 !

 

你可能感興趣:

謝絕雀斑!炎夏防曬大作戰

OL必備:10款番工美甲款

彩光VS激光? 脫毛 8 個快問快答

成日都聽人講話25歲就係肌膚年齡一條唔可以忽視嘅分界線,因為喺25歲之後新陳代謝就會開始減慢,如果唔及早保養,可能有一日會發現原來自己已經喺不經不覺間同以前滑嫩到彈吓彈吓嘅少女肌膚講咗bye bye!想keep住充滿活力嘅美麗肌膚,就要好好記住令肌膚逆齡嘅三大法門,好好實行,唔好坐以待斃!