2017年可以話係乾燥玫瑰色嘅天下,差唔多每個女仔都一人拎住一支,踏入2018年,就當然要花D小心思轉變下形象啦~今年唔少品牌出嘅唇妝產品都令人可以輕鬆打造甜蜜雙唇!想知今年有咩大熱唇色?又有邊隻啱自己?就即刻睇下小編嘅介紹啦!

 

酒紅色

Nina Still(@stillthestyle)分享的貼文 張貼

Shelly 푸이(@shelly_story)分享的貼文 張貼

 

鍾意妝感明顯D,又或者擁有健康膚色嘅Sis,不妨買返支酒紅色嘅唇膏袋喺手袋入面~酒紅色冇正紅色咁誇張,低調少少,但又可以keep住個氣場,仲將性感度提升添!霧面嘅酒紅色會增加神秘感同個性,但小編就推薦酒紅色嘅唇彩,因為性感之餘仲會令人感覺更平易近人,冇咁惡架!

 

珊瑚色

✨✨✨TBN, Pháp Sales✨✨✨(@petitchou.fr)分享的貼文 張貼

水袖(@miaa666666)分享的貼文 張貼

 

珊瑚色嘅唇色最啱就係皮膚比較偏黃嘅Sis,搽完之後會令皮膚顯白,所以一直都深受各位Sis歡迎,今年都唔例外!珊瑚色顏色百搭,如果素顏嘅時候搽一搽,即刻就可以有好氣色出門口,帶妝嘅時候搽又可以增加可愛感,咁又點可以唔入返一支傍身呢?

 

啡紅色

@amocha20_ 分享的貼文 張貼

郭涵吉💕(@kro_hangi)分享的貼文 張貼

 

啡紅色簡直係由上年秋冬延續到今年嘅大熱色調,但呢隻色就比較難駕馭,所以想試嘅Sis不妨揀D啡得嚟比較偏紅嘅色,咁會比較適合亞洲人嘅膚色,咁就唔驚畀人問做咩食完朱古力唔抹嘴啦!仲係怕嘅話就記得搽嘅時候唔好太貪心,慢慢一層一層加上去,啱色就停手啦~

 

玫瑰色

zu(@zusmakeup)分享的貼文 張貼

 

玫瑰色可以話係永恆嘅色調,歷久不衰,特別適合皮膚白嘅Sis用,今年唔少品牌都特別出咗唔少玫瑰色,真係剩係揀都花多眼亂~但如果想出嚟嘅感覺比較純真少女嘅話,揀比較粉嫩嘅玫瑰色就最啱啦~

 

今年嘅大熱唇色咁多,仲唔快D去揀返支又啱自己,又可以跟得上潮流嘅唇妝產品?想個嘴keep住甜甜蜜蜜、引死人嘅話,最好就係揀D唇彩,或者亮面嘅產品啦~搽住咁靚嘅唇色,個人心情都靚D,做嘢都有朝氣D啦!

 

 

2017年可以話係乾燥玫瑰色嘅天下,差唔多每個女仔都一人拎住一支,踏入2018年,就當然要花D小心思轉變下形象啦~今年唔少品牌出嘅唇妝產品都令人可以輕鬆打造甜蜜雙唇!想知今年有咩大熱唇色?又有邊隻啱自己?就即刻睇下小編嘅介紹啦!