臨近農曆新年,好多Sis都會想整返個新髮型,換個新形象去拜年。呢幾年韓風大熱,所以好多時髮型趨勢都好受韓風影響,不過上年最流行嘅空氣瀏海真係未必人人都carry到,一唔小心就會變「空氣油海」又或者「barcode瀏海」,真係諗下都驚!好彩今年嘅大勢髮型都係比較簡單易carry嘅款式,仲無論長髮短髮都一樣啱添,即刻睇下有咩髮型適合自己啦~

 

一、慵懶感波浪曲髮

 

A post shared by 설리가진리 (@jelly_jilli) on

 

2018年嘅曲髮最興就係比較慵懶隨性嘅曲髮,即係曲髮唔會電得太整齊,有D地方電得曲,有D地方又電得冇咁曲~捲度又唔會太一致,有少少似啱啱起身嘅狀態咁,但唔好以為好易整呀,呢種髮型先係最難整,一不小心就會令人以為你真係未瞓醒!呢種髮型除咗可以擺脫工整、沉悶嘅感覺之外,亦都可以突出個人風格,顯示自然性感嘅一面~

 

二、顯個性眉上瀏海

 

 

今年亦都好流行喺眉上嘅瀏海,唔好以為好似好蝦人剪咁,其實只要根據面形略為修改一下眉上瀏海嘅剪法就得~就好似方形面咁,剪嘅時候記得要喺瀏海兩側斜剪上去,咁就修飾到面形,顯得塊面細D同冇咁方架啦~眉上瀏海會畀到人smart同俐落嘅感覺,更加有個性添架~如果短髮加埋眉上瀏海,仲會特別型格!

 

三、中分短髮添女人味

 

A post shared by @yoona__lim on

 

上年唔少韓星已經率先剪咗呢種髮型,就好似少女時代嘅潤娥、f(X)嘅Krystal,仲有雪莉等等,都紛紛剪咗及耳長度嘅中分短髮,熱潮到今年都繼續燃燒!中分冇瀏海嘅短髮唔單止簡潔易打理,仲可以隱隱透出女人味,提升個人氣質。無論係將呢種短髮嘅髮尾打理成內彎定外翹,都可以畀到人一種優雅可愛,又富女人味嘅感覺,鍾意留短髮嘅Sis一定要試下!

 

四、復古8:2分界

 

 

潮流嘅嘢就係不停輪轉,所以今年又興返早幾年嘅復古8:2分界。8:2分界嘅髮型最好就係配合埋捲曲嘅長髮,咁樣復古嘅味道就會更加濃。雖然話復古,但亦都有時尚嘅感覺,呢種髮型都特別係偏向歐美風多D,鍾意歐美風格嘅Sis不妨試一試~如果襯嘅係大捲曲嘅長髮,仲會特別華麗性感!而襯小捲曲嘅話,就會畀到人容易親近嘅感覺啦~

 

五、永遠不敗黑長直髮

 

 

無論潮流點變,黑長直髮永遠都冇得輸!畀到人純真嘅感覺,仲寧舍有氣質~不過鍾意留呢種髮型嘅Sis記得都要落足功夫保養一下,一把順滑亮麗嘅黑長直髮先至係呢種髮型嘅靈魂所在~如果頭髮好乾燥又毛燥嘅話,就唔會好睇架啦!平時要用多D護髮產品,亦都要定期修剪一下先keep到個靚靚髮型架~

 

睇完以上5大2018年大勢髮型之後諗到想試邊隻未呢?驚唔識整?搵專業人士一定幫你搞得掂!

 

Slogan 2

 

位於銅鑼灣,環境闊落。唔少BloomMe用戶去完都覺得,呢度嘅髮型師非常有熱誠同友善,成個氣氛都令人好舒服。呢度嘅髮型師團隊有成十年以上嘅經驗,會專業咁幫客人分析咩髮型最適合~唔少客人喺新一年想換新裝嘅時候都特登嚟呢度,絕對可以放心將個頭交畀佢哋自由發揮~

 

BloomMe推介療程: 剪髮 $228

 

AUBE Hair Salon

 

一樣係位於銅鑼灣,係一間日系嘅美髮salon,佢哋喺日本已經有成140間分店,海外有8間分店,香港就係其中一間啦~佢哋全部染髮劑、護髮劑同電髮嘅器材都係特別由日本進口嘅日本製產品,務求令客人即使身處喺香港,都可以享受到同日本一樣嘅專業服務~佢哋嘅髮型師係日本人,但會有人幫手翻譯,唔怕表達唔到想要嘅髮型,鍾意日系髮型嘅Sis唔可以錯過!

 

BloomMe推介療程: 剪髮及染髮 $880

 

想擺脫沉悶形象?不妨跟住小編嘅2間推介去搵專業髮型師幫幫手!一定畀到人耳目一新嘅感覺~如果係第一次預約,申請帳戶時入返優惠碼 TALK75,首次預約仲可以即減$75!

 

臨近農曆新年,好多Sis都會想整返個新髮型,換個新形象去拜年。呢幾年韓風大熱,所以好多時髮型趨勢都好受韓風影響,不過上年最流行嘅空氣瀏海真係未必人人都carry到,一唔小心就會變「空氣油海」又或者「barcode瀏海」,真係諗下都驚!好彩今年嘅大勢髮型都係比較簡單易carry嘅款式,仲無論長髮短髮都一樣啱添,即刻睇下有咩髮型適合自己啦~