秋天又係野餐郊遊的日子,想整靚個頭去影下靚相但又無 Idea ? 一於睇下小編今次準備的 5 種簡單編髮造型,全部都有片可以照跟,幾分鐘就可以完成,容易整得嚟又有氣質!

 

拳擊手鬢辮 Boxer Braid  (Million Dollar Baby 《擊情》中女主角髮型)

 

 

呢種造型最適合趕時間或者當日打算去做運動的 Sis ! 首先你需要將頭髮平均分成兩邊 (用梳分會準 D ),將其中一邊先綁/夾起,避免它會混入另一邊。再由前面開始辮然後順著落去紮。 另外一邊亦都係重覆咁樣做,咁就完成呢個簡單的辮造型啦!

 

魚骨辮 Fishtail Braids

 

 

魚骨辮成日俾人感覺好刁鑽好難整,但學識左就會發覺其實唔難! 首先將頭髮平均分成兩邊,將兩邊的頭髮都係放係手入面,然後用另外一隻手由一大束頭髮入面抽一小束出嚟,再將佢係外面圍繞住另一大束頭髮。另外一邊亦都重覆一樣咁就完成㗎啦!

 

復古新娘盤髮

 

 

如果想做呢種造型就要令到頭髮越散越好,如果太整齊望埋去反而會變得老套! 首先將所有頭髮放到中間,再由左邊的頸部位置沿著髮尾開始反方向咁紮辮,一直沿住自己個頭圍住咁紮,直到紮完晒 D 頭髮後再將條辮最尾的部份夾番係頭後面咁就完成了! 呢種紮法難的地方在於 D 頭髮會遮左你塊面,所以各位 Sis 最好訓練到已經可以瞇埋眼都紮到辮時先挑戰呢種造型呀!

 

女神瀑布頭

 

 

呢種瀑布頭望埋去的感覺好優雅好有仙氣,好多 Sis 以為佢好難紮,事實上唔係㗎! 你只需要好似平時咁紮辮,但整個過程中你需要不停咁重覆每次拎一小紮頭髮咁樣紮,完成後的頭髮就好似瀑布咁,氣質造型話咁易就完成!

 

公主頭 (《權力遊戲》Daenerys 髮型)

 

 

呢個造型有睇Game of Thrones《權力遊戲》的 Sis 應該唔會陌生的了! 如果你都係呢套劇的 Fans 的話可以考慮下紮呢個頭啊!

你只需要簡單咁分開一束頭髮做兩部分,之後圍著你個頭將佢地重疊,係過程中慢慢咁係每一束上加多 D 頭髮咁就完成啦!

 

提提各位 Sis,係紮辮造型時係頭髮上面搽 D 髮型用品效果會更好,因為咁樣會令到你條辮更加固定唔會咁容易走樣! 洗乾淨左同順滑的頭髮反而係會令你難左造型㗎!

 

如果睇完後都係覺得好難唔識紮? 你亦可以去 BloomMe 當中睇下吹頭造型入面開放的 Salon,搵一間近你又啱心水的 Salon 去整番個靚頭啦!

 

秋天又係野餐郊遊的日子,想整靚個頭去影下靚相但又無 Idea ? 一於睇下小編今次準備的 5 種簡單編髮造型,全部都有片可以照跟,幾分鐘就可以完成,容易整得嚟又有氣質!