天氣越嚟越熱,代表住又準備換季啦~不過皮膚有濕疹問題嘅Sis一到轉季就好煩惱,因為一轉季,D濕疹又開始嚟料!皮膚唔止痕癢,仲又紅又腫,點先可以擺脫呢個問題?咁就即刻睇下以下嘅濕疹皮膚護理貼士啦~

一、注意補濕

濕疹皮膚應該注意皮膚嘅補濕,最好就係揀一D不含油脂、香料、防腐劑同溫和低敏嘅補濕產品~揀啱之後仲要勤力D搽,因為濕疹皮膚通常都好乾燥,勤做補濕嘅功夫就可以幫助皮膚重建天然屏障啦~所以記得袋定D補濕產品出街,隨時補搽~亦都要留意返,濕疹患者用嘅所有護膚品成份越簡單越好,最好就係不含香料同防腐劑,咁就冇咁易引起敏感啦!

二、暖水沖涼

有濕疹問題嘅Sis沖涼嘅時候記得盡量唔好浸浴,改為用花灑沖涼。而且沖涼嘅時間唔好太長,亦都要注意水溫,唔好用太熱嘅水沖涼同洗面,因為太熱嘅水唔止會刺激到肌膚,仲令肌膚表面嘅水份好快流失,更加容易誘發濕疹!沖完涼之後亦都唔好用毛巾太大力抹乾皮膚,輕印一下就得架啦~

三、著棉質衫

患有濕疹嘅話,喺買衫方面都應該多加留意,唔止要揀款,亦都要揀啱質料~所以最好就係揀著棉質衫,因為棉係一種天然物料,唔止比較柔軟親膚,亦都非常透氣,對皮膚嘅刺激性亦冇咁大,所以如果濕疹比較常發作嘅話,就試下由衣物嘅質料入手啦~

四、均衡飲食

相信有Sis嘅濕疹係由食物引起,咁就要留意唔好食嗰D會令自己嘅濕疹發作嘅食物。除此之外,亦都要盡量食得清淡D,避免進食刺激性嘅食物,例如辛辣、煎炸同生冷嘅食物。但唔好以為食菜就得呀,有D 菜都要避免食架,例如係韮菜、芫茜、芹菜等等嘅辛香食物就盡量唔好食啦~

五、家居清潔

除咗食物之外,致敏原亦都有可能係空氣中嘅塵埃、塵蟎等等,所以想濕疹乖乖聽話,就要勤D清潔家居,亦都盡量避免用地氈同擺放太多毛公仔喺屋企。而室內環境亦都要保持通爽涼快,唔好太侷促,減少出汗嘅機會~

 

有齊以上5個小貼士,又乖乖哋跟住做嘅話,咁就可以減少濕疹發作嘅機會,皮膚唔會又痕又腫,舒舒服服咁迎接夏天嘅來臨啦~

天氣越嚟越熱,代表住又準備換季啦~不過皮膚有濕疹問題嘅Sis一到轉季就好煩惱,因為一轉季,D濕疹又開始嚟料!皮膚唔止痕癢,仲又紅又腫,點先可以擺脫呢個問題?咁就即刻睇下以下嘅濕疹皮膚護理貼士啦~ 一、注意補濕 濕疹皮膚應該注意皮膚嘅補濕,最好就係揀一D不含油脂、香料、防腐劑同溫和低敏嘅補濕產品~揀啱之後仲要勤力D搽,因為濕疹皮膚通常都好乾燥,勤做補濕嘅功夫就可以幫助皮膚重建天然屏障啦~所以記得袋定D補濕產品出街,隨時補搽~亦都要留意返,濕疹患者用嘅所有護膚品成份越簡單越好,最好就係不含香料同防腐劑,咁就冇咁易引起敏感啦! 二、暖水沖涼 有濕疹問題嘅Sis沖涼嘅時候記得盡量唔好浸浴,改為用花灑沖涼。而且沖涼嘅時間唔好太長,亦都要注意水溫,唔好用太熱嘅水沖涼同洗面,因為太熱嘅水唔止會刺激到肌膚,仲令肌膚表面嘅水份好快流失,更加容易誘發濕疹!沖完涼之後亦都唔好用毛巾太大力抹乾皮膚,輕印一下就得架啦~ 三、著棉質衫 患有濕疹嘅話,喺買衫方面都應該多加留意,唔止要揀款,亦都要揀啱質料~所以最好就係揀著棉質衫,因為棉係一種天然物料,唔止比較柔軟親膚,亦都非常透氣,對皮膚嘅刺激性亦冇咁大,所以如果濕疹比較常發作嘅話,就試下由衣物嘅質料入手啦~ 四、均衡飲食 相信有Sis嘅濕疹係由食物引起,咁就要留意唔好食嗰D會令自己嘅濕疹發作嘅食物。除此之外,亦都要盡量食得清淡D,避免進食刺激性嘅食物,例如辛辣、煎炸同生冷嘅食物。但唔好以為食菜就得呀,有D 菜都要避免食架,例如係韮菜、芫茜、芹菜等等嘅辛香食物就盡量唔好食啦~ 五、家居清潔 除咗食物之外,致敏原亦都有可能係空氣中嘅塵埃、塵蟎等等,所以想濕疹乖乖聽話,就要勤D清潔家居,亦都盡量避免用地氈同擺放太多毛公仔喺屋企。而室內環境亦都要保持通爽涼快,唔好太侷促,減少出汗嘅機會~   有齊以上5個小貼士,又乖乖哋跟住做嘅話,咁就可以減少濕疹發作嘅機會,皮膚唔會又痕又腫,舒舒服服咁迎接夏天嘅來臨啦~