對於唔少Sis嚟講,按摩最緊要就係方便就腳,一想按就喺附近有得按就最好,唔通腰痠背痛仲山長水遠走嚟走去咩?要講方便,相信港鐵沿線一定最冇得輸,所以小編今次特登精選咗8間荃灣線沿線嘅按摩推介,幾時想按就隨時即book即去啦!

 

香馨兒養生美容 Carnation Health & Beauty

 

位於葵涌廣場,喺葵芳地鐵站D出口行幾分鐘就到,啱晒鍾意喺葵廣血拼掃街嘅Sis放縱完就上去抖一抖~佢哋有多種按摩選擇,例如淋巴按摩、舒緩按摩、泰式草藥球按摩,甚至比較少聽嘅夏威夷能量石按摩都有,價錢仲好相宜,連埋BloomMe而家嘅7折優惠只係百幾蚊就按到!今次小編就推介佢哋嘅生薑精油身體按摩,冬天驅寒就最啱啦~

 

BloomMe 推介療程:生薑精油身體按摩 $200

 

沁靈坊 So Soul Simple

 

離荔枝角站只係2分鐘路程,佢哋係一間專為女士服務嘅按摩養生專門店,約埋好閨蜜一齊去就最開心~佢哋每個時期都會有精選住家湯加埋特製小食,每種都用心配搭,非常足料,希望客人可以身心都得到舒緩,上到去真係好似返屋企咁親切溫暖~按摩技師仲有三十年經驗,邊度攰都幫到你鬆一鬆!仲唔快D上去飲返碗住家靚湯?

 

BloomMe 推介療程:穴位按摩 $480

 

金象泰式按摩

 

正宗嘅泰式按摩,喺太子站B2出口一出,行1分鐘就到,真係唔覺唔覺就行到過去!佢哋招待男女賓,約埋男朋友去都得~全部按摩師都係泰國籍,輕輕鬆鬆就可以用優惠嘅價錢享受到正宗嘅泰式按摩,仲駛乜去泰國?唔少客人試過都話呢度嘅按摩師技術一流,又夠正宗,價錢仲好合理!

 

BloomMe 推介療程:45分鐘泰式按摩 $178

 

Me Beauty Group

 

離油麻地站只係3分鐘,佢哋嘅裝修優雅時尚,除咗按摩服務之外,仲有岩盤浴同醫學美容服務,非常多選擇~有客人反映話畀佢哋嘅按摩師按完之後,疲勞盡消,條腰仲即刻冇咁痛!岩盤浴亦都係佢哋另一大賣點,瞓喺度就可以出汗排毒瘦身,未試過嘅Sis不妨試下~

 

BloomMe 推介療程:45分鐘芳香全身按摩 $298

 

Nutri Slim Spa 展望大廈

 

一樣係位於油麻地,離油麻地站5分鐘路程,呢度採用泰國風嘅裝修、田園式嘅設計,全部女按摩師都喺泰國接受過正式訓練,亦都有晒認可,可以安心喺咁舒壓嘅環境之下享受正宗嘅泰式按摩服務~~小編亦都推介呢度嘅古法瘦身服務,佢哋會根據不同客人嘅體質去揀選最適合嘅纖體方法,非常可靠~

 

BloomMe 推介療程:古法泰式按摩 $178

 

Beaute Life 佐敦

 

佐敦站4分鐘路程,亦都好近柯士甸站,除咗按摩同美容纖體之外,特別在佢哋亦都係產前產後孕媽媽護理嘅專門店,即使係踏入人生新階段嘅Sis都好適合去~佢哋嘅美容師有國際認可嘅美容文憑,佢哋仲定期會有中西醫學、產後護理等嘅訓練畀員工,務求令客人可以享受到最專業嘅服務~

 

BloomMe 推介療程:淋巴排毒按摩 $380

 

Dazzllab 尖沙咀

 

鄰近尖沙咀站A2出口,行3分鐘就到,簡約嘅裝修係用米白色同棕色做主調,配搭埋木紋嘅設計,令人一入去就覺得非常舒暢同放鬆。佢哋嘅按摩服務都有多種不同嘅選擇,例如傳統指壓按摩、熱石按摩、頭頸按摩等等,佢哋嘅淋巴按摩更加會用西班牙尊貴品牌Alqvimia嘅精油,輕柔咁加強淋巴嘅血液循環~

 

BloomMe 推介療程:Alqvimia – 淋巴身體按摩 $328

 

杏林經絡美肌 Esteem Anti-Aging Centre

 

位於尖沙咀厚褔街,喺港鐵站行5分鐘就到,附近食肆林立,按完即刻可以周圍覓食!佢哋對經絡護理非常有研究,有獨家嘅經絡復位療法,會配合中醫療法同純正精油去按摩,30分鐘就可以幫助消除痛症~而今次推介嘅就係負離子身體排毒療程,可以有助促進腸胃蠕動同改善酸性體質,加快新陳代謝,減肥都見效D啦~

 

BloomMe 推介療程:負離子身體排毒療程(30分鐘) $500

 

以上嘅推介全部都非常就腳,唔使驚因為太遠要舟車勞頓~經BloomMe 預約除咗有折扣優惠之外,如果係第一次預約,申請帳戶時入返優惠碼 TALK75,首次預約仲可以即減$75!即刻搵齊朋友去按一按啦!

 

對於唔少Sis嚟講,按摩最緊要就係方便就腳,一想按就喺附近有得按就最好,唔通腰痠背痛仲山長水遠走嚟走去咩?要講方便,相信港鐵沿線一定最冇得輸,所以小編今次特登精選咗8間荃灣線沿線嘅按摩推介,幾時想按就隨時即book即去啦!