一講到想令頭髮柔順亮澤,好多人都會第一時間諗起護髮素,洗完頭用一用好快就可以令毛燥嘅頭髮變得順滑!不過最近又聽講其實護髮素可能係令頭髮容易脫落嘅元兇,咁究竟應唔應該用護髮素呢?

 

護髮素導致脫髮?

如果本身頭髮比較薄,髮量少嘅話,簡直深深感受到咩叫每條頭髮都是生命一部份,只要稍為甩多少少頭髮已經牙痛咁聲!但又聽講護髮素會增加脫髮機會,咁點算好?其實大部份護髮素都係含油性,如果用完之後沖洗得唔乾淨嘅話,的確會大大增加阻塞毛囊嘅機會,導致脫髮出現!所以用護髮素時,記得只可以用喺髮尾大約5cm嘅位置,用完之後再徹底沖洗乾淨!

 

改變護髮程序

如果驚洗極都唔洗唔走D護髮素,最好嘅方法就係將洗頭同護髮嘅次序調轉!洗濕個頭之後,就用少量護髮素護髮,之後先再用洗頭水清潔,咁就一定可以徹底洗乾淨殘留嘅護髮素,唔驚阻塞毛囊啦~另外喺洗頭嘅時候亦都謹記要用指腹輕輕按摩頭皮,清潔頭皮上嘅油脂同污垢!

 

有咩代替品?

嫌護髮素太多化學成份?原來有唔少比較天然嘅嘢都可以代替護髮素,仲慳返唔少錢添!例如可以喺髮尾搽上椰子油,滋潤髮絲;或者洗頭後用1:10嘅白醋水浸頭髮1分鐘左右先沖洗,可以減少頭髮出油同柔滑順澤頭髮;仲可以用茶葉水沖洗一下頭髮,洗走頭皮污垢同令頭髮冇咁乾旱,真係又經濟又實惠,當中白醋水洗頭仲受到最多人追捧添!

究竟用唔用護髮素,或者用咩嚟護髮好難一概而論,最好都係跟返自己需要去揀~而無論係用市面上買到嘅護髮素定其他代替品護髮都好,記得最好都係一星期用1-2次左右,以免頭髮太大負擔,咁就反而會越護越衰啦!

如果想再護理得深入啲,不妨睇下小編之前仲有講過既其他 Tips 呀!

延伸閱讀: 打理受損髮質 3大順滑頭髮護理Tips

一講到想令頭髮柔順亮澤,好多人都會第一時間諗起護髮素,洗完頭用一用好快就可以令毛燥嘅頭髮變得順滑!不過最近又聽講其實護髮素可能係令頭髮容易脫落嘅元兇,咁究竟應唔應該用護髮素呢?   護髮素導致脫髮? 如果本身頭髮比較薄,髮量少嘅話,簡直深深感受到咩叫每條頭髮都是生命一部份,只要稍為甩多少少頭髮已經牙痛咁聲!但又聽講護髮素會增加脫髮機會,咁點算好?其實大部份護髮素都係含油性,如果用完之後沖洗得唔乾淨嘅話,的確會大大增加阻塞毛囊嘅機會,導致脫髮出現!所以用護髮素時,記得只可以用喺髮尾大約5cm嘅位置,用完之後再徹底沖洗乾淨!   改變護髮程序 如果驚洗極都唔洗唔走D護髮素,最好嘅方法就係將洗頭同護髮嘅次序調轉!洗濕個頭之後,就用少量護髮素護髮,之後先再用洗頭水清潔,咁就一定可以徹底洗乾淨殘留嘅護髮素,唔驚阻塞毛囊啦~另外喺洗頭嘅時候亦都謹記要用指腹輕輕按摩頭皮,清潔頭皮上嘅油脂同污垢!   有咩代替品? 嫌護髮素太多化學成份?原來有唔少比較天然嘅嘢都可以代替護髮素,仲慳返唔少錢添!例如可以喺髮尾搽上椰子油,滋潤髮絲;或者洗頭後用1:10嘅白醋水浸頭髮1分鐘左右先沖洗,可以減少頭髮出油同柔滑順澤頭髮;仲可以用茶葉水沖洗一下頭髮,洗走頭皮污垢同令頭髮冇咁乾旱,真係又經濟又實惠,當中白醋水洗頭仲受到最多人追捧添! 究竟用唔用護髮素,或者用咩嚟護髮好難一概而論,最好都係跟返自己需要去揀~而無論係用市面上買到嘅護髮素定其他代替品護髮都好,記得最好都係一星期用1-2次左右,以免頭髮太大負擔,咁就反而會越護越衰啦! 如果想再護理得深入啲,不妨睇下小編之前仲有講過既其他 Tips 呀! 延伸閱讀: 打理受損髮質 3大順滑頭髮護理Tips