經過咁多日嘅大雨洗禮之後,猛烈嘅陽光又出嚟啦!喺呢個時候,我哋就要更加注意我哋防曬嘅程序,以免曬傷皮膚,同埋預防頑固雀斑嘅形成。市面上嘅防曬產品琳琅滿目,點揀先為之最適合自己呢?

 

搽防曬點解咁重要?

 

由於而家大部份化妝品都含有防曬成份,所以有化妝嘅 Sis 基本上都唔會忽略面部防曬,但係就會唔記得幫頸部同埋手腳等會暴露喺陽光之下嘅部份搽上防曬。不過無論有冇化妝,防曬對各位 Sis 嚟講都係咁重要。而家嘅防曬產品主要都係對抗 UVA(長波紫外線)同 UVB(短波紫外線),UVA 會令皮膚老化、產生皺紋,UVB 就會令皮膚發紅、灼傷,甚至會刺激黑色素分泌,形成我哋最唔想見到嘅雀斑。如果冇好好咁去防曬,唔單止會產生以上嘅後果,嚴重嘅甚至會導致皮膚癌出現,所以搽防曬對我哋嚟講幾時都咁重要!

 

咩係 PA 同 SPF ?

 

頭先講過防曬產品主要嘅功效係對抗 UVA 同 UVB ,PA (Protection Grade of UVA防曬系數) 同 SPF  (Sun Protection Factor日光保護系數) 就係分別對應返防曬產品對 UVA 同 UVB 嘅防護效果。 PA 值嘅等級係用+嚟表示,最多嘅 4 個+就係防護能力最好嘅等級。而 SPF 值就係顯示產品延緩皮膚畀太陽曬紅嘅時間嘅倍數,例如SPF15 就可以延緩 15 倍嘅曬傷時間。正如假設你冇用嗰件產品時,10 分鐘就會曬紅,用咗之後就 150 分鐘先會曬紅。PA 值通常比較常見於亞洲的品牌,仲有一樣叫廣譜 (Board Spectrum),即係抵禦到大部份會傷害皮膚嘅 UVA 同 UVB 兩種紫外線,多見於歐美的防曬產品。美國食品及藥品管理局 2012 年發出嘅指引表示,要 UVA 同 UVB 保護性能相若嘅產品先可以用「廣譜」呢個字,大家選購嘅時候記得盡量揀廣譜防曬產品先夠全面!

 

物理防曬 VS 化學防曬

 

咁呢排聽得比較多嘅物理防曬同化學防曬又係咩一回事呢?物理防曬嘅原理係利用反光粒子,使用物理遮擋嘅方法去反射或者散射紫外線,物理防曬通常只會留喺皮膚表面,所以對於肌膚嘅刺激會比較細,缺點係產品搽出嚟嘅效果會比較白同埋笠。而化學防曬就唔同,佢比較容易畀皮膚吸收,感覺會清爽 D ,原理係產品中嘅化學成份吸收紫外光,減輕對皮膚嘅傷害,但就比較容易引起皮膚過敏。其實市面上大部份嘅產品都係混合咗物理同化學防曬嘅成份,不過對於皮膚比較容易有敏感症狀嘅 Sis 嚟講,就建議選擇專畀敏感肌膚使用嘅純物理防曬產品,但價錢相對上就會比較貴啦。

 

一款防曬搽到老?

 

出門在外,配合返唔同嘅活動就應該用唔同嘅防曬產品,一般日常活動嘅話其實只需要使用 SPF15 、 PA++ 嘅防曬產品就足夠,而長期喺戶外活動嘅話就應該用 SPF30 或以上同埋高 D PA 值嘅防曬產品。如果係皮膚易敏感嘅Sis更加要小心 D ,唔好一味追求高防曬指數嘅產品,因為指數越高嘅產品都比較容易有刺激性,所以日常使用嘅話係唔需要用到好高指數嘅產品架!不過搽咗防曬之後都唔代表可以肆無忌憚咁長時間暴露喺熱烈嘅陽光之下,因為防曬產品始終唔可以百分百咁阻擋到紫外線。另外記得要喺出門前 15 – 30 分鐘就搽定防曬,每 2 – 3 個鐘或者流完汗都要補搽一次,陰天同雨天亦要注意防曬,咁就萬無一失啦!

 

假如咁唔好彩 D 頑固雀斑已經出現咗咁可以點?坊間有好多偏方,例如用白醋洗面、香蕉皮擦面等,但 Work 唔 Work 真係眾說紛紜,如果搞到自己皮膚敏感就無謂啦! 小編就會建議各位 Sis 去做激光去斑療程,以科學方法直接 KO 雀斑!

 

Dr. Reborn

Dr. Reborn 實景

 

為知名的醫學美容品牌,以專業、安全、有效為服務宗旨,由經驗豐富嘅醫生同優秀專業醫護人員嚴格主理,令你喺美容嘅時候同時感到放心!而且多區都有分店,包括銅鑼灣、旺角、屯門等,唔需要舟車勞頓就可以輕鬆去斑!

 

BloomMe推介療程:激光嫩膚美白療程 $1,650

 

Young Aesthetics

Young Aesthetics 實景

 

有全面嘅國際醫學美形同埋嫩膚療程,引入多部經國際專業認可嘅醫學美容儀器,提供專業、貼心同一絲不苟嘅高效醫學美容服務,同樣令你安心扮靚!

 

BloomMe推介療程:激光嫩膚美白療程 $3,000

 

如果第一次經 BloomMe 預約,記得係申請帳戶時入番優惠碼 TALK75 ,首次預約可以即減 $75 !

經過咁多日嘅大雨洗禮之後,猛烈嘅陽光又出嚟啦!喺呢個時候,我哋就要更加注意我哋防曬嘅程序,以免曬傷皮膚,同埋預防頑固雀斑嘅形成。市面上嘅防曬產品琳琅滿目,點揀先為之最適合自己呢?