相比起夏天,相信好多Sis都會鍾意冬天多D,點解?除咗溫度之外,好大原因都係因為冬天靚衫多D~每日都可以襯到靚一靚咁返工,真係人都sharp醒D!不過香港嘅冬天衰就衰咗氣溫變幻莫測,今日仲係十幾二十度著緊秋裝,隨時下星期就跌到得返幾度!成日都聽人講話濕凍嘅天氣係特別凍,咁點樣可以喺呢種天氣之下著得又靚又保暖?睇下小編嘅tips啦~

 

一、保暖內衣要識揀

 

而家保暖內衣大行其道,唔少時裝品牌都會出自家品牌嘅保暖內衣,真係花多眼亂,唔知點揀好!不過好在消委會最近同不同品牌嘅保暖內衣做咗測試,發現原來越貴嘅未必越保暖,反而平嘅保暖內衣保暖度更高,最平嘅仲只係$99添,仲越洗越保暖!有興趣嘅Sis不妨去睇返消委會嘅報告,睇下邊隻最啱自己~而一D比較怕凍嘅Sis就記得揀返D內有絨毛或者刷毛嘅保暖內衣啦~

 

二、中層衣物唔好太貼身

 

好多人以為越貼身嘅衫會越保暖,其實正正相反!如果件衫太貼、緊身嘅話,反而會阻住熱力傳導,所以保暖內衣同中層衣物一樣,留少少寬鬆位係最好~咁就又活動自如又保暖啦~天氣寒冷嗰陣千祈唔好著針織衫,因為針織衫嘅保暖效果其實好有限~所以各位Sis記住揀返D有少少厚度嘅毛衣, 咁就可以keep住D熱力喺身啦~

 

三、外層最緊要防風

 

香港最麻煩就係又濕又凍嘅天氣,D風輕輕一吹就覺得好凍,而好多時氣溫一低嘅時候仲要非常大風~真係諗下都覺得凍!所以天氣凍時記得著返件防風嘅大褸,唔好著D毛冷質地嘅外套,咁D風就隨時有機可乘,著幾多衫都冇用架啦!所以一件防風嘅大褸係最緊要~

 

四、貪靚要加薄羽絨

 

好多Sis都為咗靚而點都唔肯著D會令到自己又肥又腫嘅羽絨上身,不過唔緊要~而家D品牌實在係太貼心,出咗唔少又薄又輕便嘅羽絨,怕凍又貪靚嘅Sis就可以喺靚靚大褸入面加返件,咁就唔驚變「米芝蓮」之餘,又可以著返自己D靚衫啦!

 

想喺天氣凍時仲可以keep住個靚look,記得跟住小編以上嘅小tips著衫啦~同埋記得衫唔係著得越多越保暖,其實著三四層已經好夠,著得越多反而會令自己郁動時窒住窒住,喺室內隨時會覺得太侷添架!

 

相比起夏天,相信好多Sis都會鍾意冬天多D,點解?除咗溫度之外,好大原因都係因為冬天靚衫多D~每日都可以襯到靚一靚咁返工,真係人都sharp醒D!不過香港嘅冬天衰就衰咗氣溫變幻莫測,今日仲係十幾二十度著緊秋裝,隨時下星期就跌到得返幾度!成日都聽人講話濕凍嘅天氣係特別凍,咁點樣可以喺呢種天氣之下著得又靚又保暖?睇下小編嘅tips啦~