個太陽日日都咁曬,熱到溶!點可以由得對腳俾密頭鞋包到實架,咁焗!識著緊係買番幾對靚涼鞋襯短裙小背心啦~不過解放雙足享受舒爽 Feel 之前,睇吓有冇做足以下 4 個小動作,對腳夠靚先襯得起對靚涼鞋架嘛!

 

細心清潔不可少

 

最基本但又最易做得唔夠好嘅,就係清潔!大家或者會話「我日日沖涼架喎!」,但其實每次沖涼我哋都特別容易忽略腳部清潔,通常好求其咁洗過就算,其實對腳根本就冇仔細咁洗乾淨,於是積埋積埋好多污糟嘢,平時著鞋遮住晒就話睇唔到姐,但一著涼鞋,D 灰灰黑黑嘅污垢就俾人睇到晒!

 

今日返到屋企,望吓自己對腳,係咪腳跟位、腳指位都有 D 灰灰黑黑咁?唔駛猶豫喇,就係唔夠乾淨!沖涼時要仔細咁用沐浴球或者絲瓜絡擦吓佢,但對腳可能仲有好多老化角質,積聚得太多亦唔係咁易就咁擦得甩,咁就要做吓磨砂!如果積得好耐,試吓浸浸熱水,會容易 D 磨走架!磨走污糟嘢,對腳白白淨,又唔會再「鞋拾拾」咁,即刻靚晒!

 

Body Lotion 滋潤雙足

 

磨走老化角質之後,對腳仲係好似唔夠滑,有 D Sis可能想試市面上一 D 幫對腳退走舊皮,變到好似 BB 腳咁嘅產品,又白又滑的確好吸引,不過小編就擔心咁做會令皮膚變得太嫩太薄,失去腳部應有嘅保護性,好易受傷,所以唔太建議。其實腳部經常承受我哋全身嘅重量,絕對需要一定厚度嘅皮膚保護;覺得唔夠滑,可以多 D 幫對腳搽 Body Lotion,滋潤吓佢,自然就唔會又乾又「鞋」。

 

爽身仲要爽埋腳

 

夏天容易出汗,大家或者會為腋下、頸背位噴止汗劑保持乾爽,以免出汗搞到成陣臭味,不過我哋又會好易唔記得咗對腳,保持雙足乾爽,著涼鞋先唔怕俾人聞到對腳有異味,最簡單嘅方法可以著鞋前灑少許爽身粉,甚至加少量喺鞋度。唔鍾意爽身粉,坊間都有 D 幫助吸走鞋內異味,或者令腳部乾爽嘅香味粉劑出售,部份甚至更強效咁控制腳汗,不妨揀件啱自己用嘅產品。

 

靚靚指甲夠 Sharp 醒

 

日常護理照顧好肌膚,就到指甲部份喇!畢竟著涼鞋露晒 D 腳指出嚟,緊係要幫佢哋扮到靚一靚先得啦!BloomMe 精選咗 3 間優質足部美甲店,等各位 Sis 可以同腳指甲舒舒服服扮靚靚~

 

Rainbow Nails

Rainbow Nails 實景

 

 

如果腳部有 D 自己處理唔到嘅問題,不如嚟中環嘅 Rainbow Nails 試試,佢哋提供全套修腳連迷你足浴服務,採用美式修甲技術,會幫客人處理指甲唔同毛病、修整理想甲型,如果有腳部厚枕自己搞唔到嘅,可以安心咁交俾佢咃用專業修甲器處理。舒舒服服俾人幫你修甲,做埋個足浴放鬆對腳,一舉兩得!

 

Lisa Nail

Lisa Nail 銅鑼灣分店實景

 

 

Lisa Nail 提供多種美甲服務,由紫外光硬質凝膠甲,到 LED 可卸式樹脂甲、啫喱甲都有,一共有三間分店,分別位於銅鑼灣、上環同大角咀,方便喺唔同區返工/居住嘅 Sis 都可以享受到美甲服務,每套美甲服務完成後仲會貼心幫你搽果油同潤膚露,確保指甲有充份滋潤。

 

Elsa Nail

Elsa Nail 實景

 

 

Elsa Nail 同樣提供唔同類型嘅美甲服務,有硬質凝膠甲、啫喱甲、法式啫喱甲等,位於尖沙咀,地點仲非常方便。佢係一人小店,確保每個客人上到去都係享受同一個美甲師提供嘅優質美甲服務,小編睇過佢 Facebook 幫客人整完嘅美甲相,款款都好靚,而且咩 Style 都有,有自然款式,又有 Elegant 路線,甜美 Style 亦得,去搵美甲師傾吓想點整啦!

 

咁多位Sis,快 D 整靚晒十隻腳甲,著住涼鞋靚靚迎夏日啦!第一次預約嘅 Sis ,記得輸入「TALK88」優惠碼,即減 $88 架!

 

仲未有BloomMe? 立刻下載

個太陽日日都咁曬,熱到溶!點可以由得對腳俾密頭鞋包到實架,咁焗!識著緊係買番幾對靚涼鞋襯短裙小背心啦~不過解放雙足享受舒爽 Feel 之前,睇吓有冇做足以下 4 個小動作,對腳夠靚先襯得起對靚涼鞋架嘛!