香港天氣好難預測,時好時壞。夏天個個都想游水玩水,係沙灘享受陽光與海灘。而初夏就係開始打風嘅季節,不過我地當然唔可以俾天氣影響到啦!所以大家星期六日見到出面落雨唔洗咁灰,其實香港有好多室內嘅好去處,等大家唔洗落雨就要毒係屋企!

 

LOSTHK ─ 同朋友一齊逃出香港啦!

 

密室逃脫係近年相當流行,最適合約埋成班friend玩啦!首先可以選擇間房嘅主題,每一間房都有線索要解開,先可以逃出密室,完成遊戲。如果你認為自己又聰明,解謎能力媲美福爾摩斯,仲唔嗌堆成班朋友嚟玩!當中仲有唔同難度可以選擇,有自信嘅你等係要挑戰高難度嘅房間啦!

 

地址:香港銅鑼灣勿地臣街15號 (耀華街入口)

價錢:$150 一個人(星期一至四) $180 一個人(星期五六日)

 

Ryze Hong Kong ─ 一起跳出落雨天氣!

 

小朋友最鍾意跑跑跳跳,但係出去玩最怕發生意外,或者曬傷,被蚊咬。 Ryze 室內彈床樂園有 18,000 平方尺大,想點跳都得,一定可以滿足到小朋友!Ryze 室內彈床樂園有幾個區域可以玩,分別係彈床區、 閃避球區、籃球、鋼綫區同跳遠區。落雨唔知去邊,去呢度就最適合一家大細啦!

 

地址: 香港北角渣華道321號3樓

門票價錢: 周一至日 $150 (1 hr) / 周一至五$200 (1.5 hrs);6歲或以下:$95 (1hr);2歲或以下免費

 

Dialogue Experience 對話體驗 ─ 享受不一樣的感官刺激:黑暗中對話

 

香港人生活節奏忙碌,有無幻想過失去視覺會係點呢?黑暗中對話帶你走過香港不同刺激嘅旅遊景點,體驗失去視覺嘅感受。黑暗中對話令你可以係黑暗嘅環境入面感受日常生活,例如食飯同睇戲等等。帶領活動嘅導遊都會分享自己作為真正失去視覺嘅人係日常生活中嘅體驗。

 

地址:九龍美孚景荔徑8號盈暉薈2樓215室

價錢:平日(星期一休息)$160; 週末和公眾假期 $180

體驗時間:75分鐘

 

BloomMe ─ 即興發掘平靚正SPA!

 

如果你有用過BloomMe apps,你就知道即興發掘平靚正嘅係SPA有幾容易!任何時間登入app就可以book任何spa 療程,仲有好多種類選擇。落雨無地方去,同朋友做spa輕鬆下啦!

 

第一次用個app可以用code: talk88,即減$88!係咪好吸引呢?快啲下載BloomMe同朋友即興發掘平靚正嘅SPA啦!

 

Aura Art ─ 激起創意細胞,一齊Art Jamming!

 

天氣灰,心情都跟住灰,最適合去自由繪畫輕鬆下!最近香港越來越多自由繪畫嘅地方,所以唔需要擔心地方問題!銅鑼灣呢邊嘅Aura 唔單只平,仲送杯免費飲品!下次落雨就可以約埋班朋友一齊去畫畫啦!

 

地址:銅鑼灣勿地臣街18號2樓

價錢:每人$210起(包括材料及一款飲品)

 

所以宜家落雨就唔洗怕留係屋企好無聊啦!以上嘅活動動靜皆宜,一定有個適合你!

 

*以上活動確實開放時間和價格僅供參考,如需要更詳細資訊請和店家聯絡。

 

你可能感興趣:

Weekend提案: 教您 DIY 6 款簡單 Cocktail

29+1重「心」出發 5個心靈療癒活動

香港 4 間必試正宗泰式按摩

香港天氣好難預測,時好時壞。夏天個個都想游水玩水,係沙灘享受陽光與海灘。而初夏就係開始打風嘅季節,不過我地當然唔可以俾天氣影響到啦!所以大家星期六日見到出面落雨唔洗咁灰,其實香港有好多室內嘅好去處,等大家唔洗落雨就要毒係屋企!