唔知各位Sis諗好萬聖節嘅造型未?仲未?咁就啱喇!萬聖節最驚就係化到鬼唔似鬼,搵專業嘅化妝服務,就包保你想化咩造型都滿足到你,點變身都得,似鬼得嚟仲要鬼火咁靚添!即刻睇下小編嘅6間萬聖節化妝服務推介啦~

 

Spa Beaute Par Zai

 

呢間喺中環嘅 Spa 擁有知名化妝師 Nigar Q ,佢曾經同一 D 大型活動,例如環球小姐合作;亦幫過唔少國際級名人,好似楊紫瓊同張曼玉化妝,可見經驗豐富,係明星級嘅化妝師!佢喺化妝之前會根據客人嘅膚色、膚質去揀最適合嘅化妝品,絕對可以放心將個妝交畀佢!

 

BloomMe推介服務: 派對化妝 (90分鐘) $1,600

 

Emilie Beauty & Makeup

 

亦都係位於中環,曾經為唔少名人明星,例如劉嘉玲、馬詩慧提供化妝服務。呢度嘅化妝服務仲包埋 set 頭,唔使擔心個頭同個妝唔襯!唔止呀~呢度仲有美甲服務,化完個鬼咁靚嘅妝,仲可以整埋指甲襯返一套,咁成個造型就完整晒啦!

 

BloomMe推介服務: 化妝及頭髮造型 $880

 

Lune Lapin

 

位置喺銅鑼灣,主打嘅係日系彩妝,如果有 Sis 想化嘅萬聖節妝係帶點日系甜美嘅話,呢度就啱晒你!佢哋嘅化妝師 Anna 曾經去過日本深造,仲通過咗日本化妝協會 JMA 嘅化妝技術鑒定考試,鍾意日式妝容嘅你記得嚟試下~

 

BloomMe推介服務: 晚宴化妝與髮型 (105分鐘) $880

 

Looks Beauty & Ayurveda

 

喺尖沙咀嘅呢間 Spa 提供印度美容療程,所以呢度嘅化妝服務係會有好特別嘅印度手部彩繪揀~如果你萬聖節唔想扮鬼,但想化 D 具東南亞風格,又有點神秘氣息嘅妝嘅話,呢度就最適合!呢度仲有一站式嘅服務,按完摩先再化妝都仲得!

 

BloomMe推介服務: 派對化妝 (90分鐘) $500, 派對頭髮造型 (30分鐘) $313

 

She Make Up Studio

 

呢間 Studio 正正位置就係喺蘭桂坊,真係好方便!佢哋嘅創辦人 Sara Wong 係喺澳洲接受化妝同髮型嘅訓練,除咗擅長新娘化妝之外,時尚妝、雜誌妝等都難唔到佢!所以佢都同唔少名人雜誌合作過,當中都不乏一 D 高雅派對妝,值得一試!

 

BloomMe推介服務: 活動化妝及髮型 $1,400

 

MOD MakeUp Academy

 

座落中環,佢哋會幫國際品牌,例如 Estée Lauder 同 Tom Ford 嘅內部員工做專業化妝訓練,非常可靠!而且一入佢哋嘅 Facebook page 一睇,就知佢哋化一 D 舞台、派對嘅妝容完全係出神入化,想扮骷髏定動物都得!想萬聖節當日受全場矚目點可以唔嚟呢度?!

 

BloomMe推介服務: 化妝服務 (包造型) (化妝師) $800

 

以上介紹嗰 6 間專業化妝服務全部嘅位置都係喺中環,又或者鄰近中環,一化完個妝即刻行/搭車去蘭桂芳玩都好快!有佢哋幫手,萬聖節嗰日想唔做眾人焦點都難啦!記得如果第一次經 BloomMe 預約,申請帳戶時入返優惠碼 TALK75 ,首次預約可以即減 $75!

 

 

 

唔知各位Sis諗好萬聖節嘅造型未?仲未?咁就啱喇!萬聖節最驚就係化到鬼唔似鬼,搵專業嘅化妝服務,就包保你想化咩造型都滿足到你,點變身都得,似鬼得嚟仲要鬼火咁靚添!即刻睇下小編嘅6間萬聖節化妝服務推介啦~