日本嘅櫻花季又嚟啦~去日本去到好似返鄉下咁密咁嘅香港人當然一早已經book定機票飛過去睇櫻花啦~不過唔知各位Sis又有冇諗過,原來除咗靠對眼去賞櫻之外,其實連肌膚都可以賞櫻!唔講唔知,原來櫻花對美容護膚都好有功效架,一齊睇下有咩正功效啦~

 

一、美白抗氧化

 

由櫻花之中可以提煉出櫻花苷同櫻花素兩大抗氧美白原素,可以有效抑制黑色素嘅形成,仲可以幫助對抗紫外線嘅侵擾,達到美白抗氧化同去色斑嘅效果~呢幾種相信係好多Sis都面對嘅肌膚問題,原來用含有櫻花苷同樱花素嘅護膚品就可以同時針對呢三種咁令人困擾嘅問題!

 

二、緊緻抗痘痘

 

除咗美白抗氧化之外,含櫻花萃取成份嘅護膚品仲會有緊緻收毛孔嘅功效~由於櫻花含有維他命B,所以有助緊緻肌膚,令肌膚毛孔粗大嘅情況得以改善;而櫻花油入面嘅櫻花酵素仲有抗炎嘅功效,對抗痘痘都有一定嘅作用架!

 

三、抗皺補濕

 

櫻花除咗含有維他命B之外,仲含有維他命E嘅成份,維他命E可以幫助細胞嘅修復同更新,可以針對皮膚嘅皺紋同鬆弛等嘅問題,仲可以幫肌膚儲水補濕,回復水嫩潤澤嘅感覺~想減淡皺紋嘅Sis不妨試下~

 

櫻花其實功效多多,喺中醫學嚟講,佢仲有潤肺、化痰止咳等嘅功效,想預防感冒可以試下沖返杯櫻花茶~而且而家仲有唔少以櫻花製作嘅食物,真係由內服到外用到觀賞都係咁正!仲唔趁櫻花季湊下熱鬧,揀返件啱自己嘅櫻花護膚產品,等皮膚都一齊賞下櫻啦~

 

日本嘅櫻花季又嚟啦~去日本去到好似返鄉下咁密咁嘅香港人當然一早已經book定機票飛過去睇櫻花啦~不過唔知各位Sis又有冇諗過,原來除咗靠對眼去賞櫻之外,其實連肌膚都可以賞櫻!唔講唔知,原來櫻花對美容護膚都好有功效架,一齊睇下有咩正功效啦~