眼睛作為我哋嘅靈魂之窗,我哋應該好好保護佢,但現代人成日手機不離手,咁對眼又點會可以好好休息呢?想知點樣可以好好咁護眼,就要跟住以下5大護眼秘訣嚟做啦,包你對眼即刻bling bling,神采飛揚!

1. 適當按摩

想快速舒緩雙眼疲勞?按摩係其中一個好方法~有唔少穴位按完都有助雙眼放鬆,消除疲勞,例如太陽、瞳子髎(位置喺眼角,眼眶骨外嘅凹陷位)、四白(位置喺瞳孔對落嘅眼眶骨下方凹陷位)同陽白(位置喺眉毛正中間再對上一吋嘅地方)穴等,每個穴位每日可以按2次,每次按5分鐘就得啦~

2. 掌心敷眼

得閒嘅時候可以合埋雙眼,快速摩擦手掌,搓熱掌心之後就輕輕蓋住雙眼,熱力消失之後再重複做多幾次,咁就可以有效改善眼部嘅血液循環同新陳代謝啦~

3. 做眼球操

眼球運動可以消除眼部嘅疲勞,只需要喺再身放鬆嘅情況下轉動眼球,由正下方開始慢慢順時針轉6-9個圈,再慢慢逆時針轉6-9個圈,每日做幾分鐘就得啦。不過對於本身視網膜較脆弱嘅人嚟講就唔太適合啦,隨時因為拉扯嘅力量導致視網膜剝落,想做嘅話就要問下醫生意見先啦!

4. 飲護眼茶

想護眼,食療都係一種幾易入手嘅方法,最常見嘅就係焗菊花杞子茶嚟飲啦。杞子有玉米黃質同葉黃素,可以預防老花同白內障等,亦都可以舒緩眼睛疲勞同改善視力模糊。而菊花就可以散風熱,對於改善眼睛乾澀特別有效~不過如果本身有感冒發燒或者喉嚨痛嘅話就唔適合飲啦~

5. 多眨眼

如果覺得眼睛乾澀,眨多D眼都有助雙眼保持濕潤,唔少Sis 返工都長戴con,都可以眨多D眼等對眼冇咁乾~想效果再好D嘅話,就最好每用半個鐘電腦就畀對眼休息幾分鐘,望下遠嘢,都可以幫助減輕眼睛疲勞感~

想對眼幾時都咁有神,未必要靠化妝,只要跟住以上5個護眼秘訣嚟做,就可以好好保護雙眼,令對眼可以健健康康繼續為自己服務啦~

眼睛作為我哋嘅靈魂之窗,我哋應該好好保護佢,但現代人成日手機不離手,咁對眼又點會可以好好休息呢?想知點樣可以好好咁護眼,就要跟住以下5大護眼秘訣嚟做啦,包你對眼即刻bling bling,神采飛揚! 1. 適當按摩 想快速舒緩雙眼疲勞?按摩係其中一個好方法~有唔少穴位按完都有助雙眼放鬆,消除疲勞,例如太陽、瞳子髎(位置喺眼角,眼眶骨外嘅凹陷位)、四白(位置喺瞳孔對落嘅眼眶骨下方凹陷位)同陽白(位置喺眉毛正中間再對上一吋嘅地方)穴等,每個穴位每日可以按2次,每次按5分鐘就得啦~ 2. 掌心敷眼 得閒嘅時候可以合埋雙眼,快速摩擦手掌,搓熱掌心之後就輕輕蓋住雙眼,熱力消失之後再重複做多幾次,咁就可以有效改善眼部嘅血液循環同新陳代謝啦~ 3. 做眼球操 眼球運動可以消除眼部嘅疲勞,只需要喺再身放鬆嘅情況下轉動眼球,由正下方開始慢慢順時針轉6-9個圈,再慢慢逆時針轉6-9個圈,每日做幾分鐘就得啦。不過對於本身視網膜較脆弱嘅人嚟講就唔太適合啦,隨時因為拉扯嘅力量導致視網膜剝落,想做嘅話就要問下醫生意見先啦! 4. 飲護眼茶 想護眼,食療都係一種幾易入手嘅方法,最常見嘅就係焗菊花杞子茶嚟飲啦。杞子有玉米黃質同葉黃素,可以預防老花同白內障等,亦都可以舒緩眼睛疲勞同改善視力模糊。而菊花就可以散風熱,對於改善眼睛乾澀特別有效~不過如果本身有感冒發燒或者喉嚨痛嘅話就唔適合飲啦~ 5. 多眨眼 如果覺得眼睛乾澀,眨多D眼都有助雙眼保持濕潤,唔少Sis 返工都長戴con,都可以眨多D眼等對眼冇咁乾~想效果再好D嘅話,就最好每用半個鐘電腦就畀對眼休息幾分鐘,望下遠嘢,都可以幫助減輕眼睛疲勞感~ 想對眼幾時都咁有神,未必要靠化妝,只要跟住以上5個護眼秘訣嚟做,就可以好好保護雙眼,令對眼可以健健康康繼續為自己服務啦~