啱啱過咗嘅端午節除咗係紀念屈原之外,最重要嘅當然係食糭啦~而家越出越多新款嘅糭,傳統嘅鹹肉糭、鹼水糭梗係必食啦,但新口味嘅糭例如抹茶紅豆呢類甜糭又非常吸引,食晒咁多真係隨時食滯!想消滯?即刻睇下小編推介嘅解滯良方啦~

 

一、飲茶消滯

 

想消滯,最方便梗係焗杯茶嚟飲,掉D材料入去焗15分鐘咗右就飲得~而消滯嚟講,山楂可以話係最幫得手。山楂除咗含有豐富嘅蛋白質同維他命C之外,中醫認為山楂可以消食健胃,對食慾不振同消化不良寧舍有效,食滯咗嘅時候焗D山楂茶飲下,咁就好快消滯啦~不過留意平時個胃比較虛弱嘅人同孕婦都要小心食用,最好問下家庭醫生先~如果連焗山楂都嫌麻煩或者霎時間冇材料喺手,咁都可以試下飲綠茶,不過功效就未必咁顯著啦。

 

二、生果助消化

 

食飽糭之後,食返D高纖水果可以幫助消化,而當中又以食奇異果、木瓜、菠蘿等等效果最好,可以幫助促進大腸蠕動,又可以消除食滯嘅感覺,減少肚脹,但都唔好食太多喎,大約一碗左右份量嘅生果就夠架啦~

 

三、穴位按摩

 

除咗靠茶飲同生果幫助消化之外,亦都可以靠按摩身體嘅一D特定穴位嚟解除胃脹氣同消化不良。首先推介嘅就係足三里穴,佢嘅位置喺膝頭對落大約4隻手指嘅地方,可以調理脾胃健康,按嘅時候可以將隻腳平伸,用拇指輕輕按壓就得啦~另一個推介嘅穴位就係內關穴,佢嘅位置喺手腕大約3隻手指距離闊,中間嘅凹陷位度,一樣有緩解脹氣嘅效果~留意以上嘅穴位按3-5分鐘就夠架啦。

 

咁唔好彩喺端午節食滯咗嘅話,就快D試下以上嘅方法,解救胃脹肚脹啦!同埋記得食得清淡D,嚴重嘅就要睇醫生啦

啱啱過咗嘅端午節除咗係紀念屈原之外,最重要嘅當然係食糭啦~而家越出越多新款嘅糭,傳統嘅鹹肉糭、鹼水糭梗係必食啦,但新口味嘅糭例如抹茶紅豆呢類甜糭又非常吸引,食晒咁多真係隨時食滯!想消滯?即刻睇下小編推介嘅解滯良方啦~   一、飲茶消滯   想消滯,最方便梗係焗杯茶嚟飲,掉D材料入去焗15分鐘咗右就飲得~而消滯嚟講,山楂可以話係最幫得手。山楂除咗含有豐富嘅蛋白質同維他命C之外,中醫認為山楂可以消食健胃,對食慾不振同消化不良寧舍有效,食滯咗嘅時候焗D山楂茶飲下,咁就好快消滯啦~不過留意平時個胃比較虛弱嘅人同孕婦都要小心食用,最好問下家庭醫生先~如果連焗山楂都嫌麻煩或者霎時間冇材料喺手,咁都可以試下飲綠茶,不過功效就未必咁顯著啦。   二、生果助消化   食飽糭之後,食返D高纖水果可以幫助消化,而當中又以食奇異果、木瓜、菠蘿等等效果最好,可以幫助促進大腸蠕動,又可以消除食滯嘅感覺,減少肚脹,但都唔好食太多喎,大約一碗左右份量嘅生果就夠架啦~   三、穴位按摩   除咗靠茶飲同生果幫助消化之外,亦都可以靠按摩身體嘅一D特定穴位嚟解除胃脹氣同消化不良。首先推介嘅就係足三里穴,佢嘅位置喺膝頭對落大約4隻手指嘅地方,可以調理脾胃健康,按嘅時候可以將隻腳平伸,用拇指輕輕按壓就得啦~另一個推介嘅穴位就係內關穴,佢嘅位置喺手腕大約3隻手指距離闊,中間嘅凹陷位度,一樣有緩解脹氣嘅效果~留意以上嘅穴位按3-5分鐘就夠架啦。   咁唔好彩喺端午節食滯咗嘅話,就快D試下以上嘅方法,解救胃脹肚脹啦!同埋記得食得清淡D,嚴重嘅就要睇醫生啦