一踏入秋天,意味住冬天好快就嚟!到咗秋冬,唔單止個人會容易覺得唇乾舌燥,連皮膚都dry爆咁!唔想咁樣,可以點樣?咁就要袋定D秋冬補濕妙法,乖乖哋跟住做,就唔使個人由內到外都好似「人乾」咁啦!

 

點解秋冬要補濕?

 

秋冬嘅時候,由於濕度會低咗,咁樣皮膚就好易會出現乾燥同繃緊嘅情況,需要著重補濕嘅程序。反而喺夏天,控油先至係重點,因為皮膚喺夏天嘅時候會分泌多D油分。由於秋冬同夏天,護理肌膚嘅側重點係好唔同,所以秋冬係唔可以用返夏天嘅護膚品架!喺秋冬,跟住以下呢 3 個方法好好做返補濕嘅動作,皮膚先唔會乾燥脫皮又好似成日都「猛猛緊」咁!

 

一、內服

 

要做好補濕,最好係由內而外咁做,如果齋靠用補濕產品,內在冇調理好嘅話,好可能會事倍功半!講到有補濕作用嘅食物,其實有好多選擇,例如含有不飽和脂肪酸嘅食物,好似三文魚、吞拿魚、合桃等,可以保護細胞膜、幫助保存身體嘅水分;而含有維他命A、C嘅食物都係好嘢嚟,維他命A嘅食物可以平衡油脂分泌,食多D橙黃色嘅蔬果,例如南瓜、木瓜、紅蘿蔔等就啱晒喇!而維他命C嘅食物就可以有助製造骨膠原,皮膚唔會咁乾,奇異果,橙、士多啤梨等都含有豐富嘅維他命C架!不妨食多D!

 

二、外敷

 

除咗內服之外,仲要配合埋外敷先全面!咁點樣由外在去滋潤肌膚呢?首先,需要揀返隻溫和嘅洗面產品,因為成分溫和嘅潔面產品先唔會喺洗面嘅同時帶走埋肌膚嘅水分,所以秋冬嘅時候最好揀溫和嘅潔面產品!而喺護膚產品方面,應該揀D含油分嘅補濕產品,因為呢類補濕產品先可以keep住D水分喺皮膚,唔係就會好快就消散晒!而且秋冬嘅時候會比較容易積聚老廢嘅角質層,要定期角質先令到補濕產品嘅成分可以好好咁滲入肌膚,所以秋冬嘅候記住唔好懶,如果唔係買返嚟嘅護膚品就會因為老廢角質嘅阻擋而達唔到應有嘅效果啦~

 

不過想補濕,最重要都係飲水,唔好飲咁多茶同咖啡,因為茶同咖啡都利尿,會帶走身體嘅水分,所以飲水就最理想啦!

 

三. 做保濕Facial

 

除左內服外敷雙管齊下外,想極速幫已經好乾燥嘅肌膚補水,回復水嫩潤澤嘅感覺,交畀專人去處理都係一個唔錯嘅選擇,一於睇下小編嘅2間推介啱唔啱自己啦!

 

Mind Nature Art Beauty

 

位於中環,呢度好重視帶畀客人最自然嘅享受,所以用嘅都係全天然嘅產品,有Sis去過都大讚服務好細心,而且做護理嘅過程唔馬虎,會好細緻咁做好每一個步驟,崇尚天然產品又講求服務質素嘅Sis一定要去試下!

 

BloomMe推介療程: 有機葡萄籽 – 抗氧化保濕面部護理 $680

 

Smart Swiss Care Beauty

 

呢間喺尖沙咀嘅Spa雖然係一間小店,但店主經驗豐富,仲有專業嘅美容資格,而且會採用法國品牌嘅產品,既優質又不含防腐劑。有BloomMe用戶去過之後都話價錢合理,職員又親切,喺附近返工嘅Sis點可以錯過?

 

BloomMe推介療程: 特效水漾保濕面部護理療程  $580

 

如果之前未經BloomMe預約過就記得入番優惠碼TALK75,咁第一次預約即減$75!

一踏入秋天,意味住冬天好快就嚟!到咗秋冬,唔單止個人會容易覺得唇乾舌燥,連皮膚都dry爆咁!唔想咁樣,可以點樣?咁就要袋定D秋冬補濕妙法,乖乖哋跟住做,就唔使個人由內到外都好似「人乾」咁啦!