畫眉毛可以話係各位「無眉娘」喺每日嘅化妝程序入面最重要嘅一環,事關要畫到一對弧度啱、對稱嘅眉毛絕對唔容易!由於眉毛比較稀疏嘅關係,比起一般人係需要更多時間去雕琢堂眉先得。有時一趕時間求其畫下就出門口,但一出到街或者返到公司先發現自己D眉毛出晒事真係喊出嚟!為咗減低呢D咁尷尬嘅情況出現嘅機會,飄眉絕對係各位「無眉娘」一個絕佳嘅選擇,以下就等小編介紹下啦!

 

咩係飄眉?

 

飄眉係一種半永久技術,係「仿真眉」式嘅飄眉,過程會用上麻醉膏,但都可能會有少少刺痛嘅感覺,亦都會有少少血點滲出。美容師用刀片沾上顏料之後,會逐條咁順住眉毛生長嘅方向畫出線條,條條分明,同真嘅眉毛比較接近,所以效果亦都比較自然~

 

同霧眉、紋眉有咩分別?

 

霧眉都係半永久嘅技術,效果會比較似化咗眉粉嘅眉毛,如果話飄眉係線條分明而且自然嘅話,霧眉感覺就係比較片狀式同埋有妝感。而紋眉就係一種永久、亦都比較早期嘅技術,顏色會進入皮膚深層,所以效果可以維持好耐,但缺點係時間耐咗會變色,例如青色、藍色、啡紅色咁。

 

咩人適合做飄眉?

 

如果天生眉毛稀疏、有D部位嘅眉毛缺咗一忽、或者眉毛左右唔對稱嘅話,都好適合去做飄眉~不過孕婦、經期嚟緊、有疤痕增生問題、糖尿病、心臟病或者皮膚好易敏感嘅Sis都唔適合做飄眉。如果有其他疑慮嘅話,最好都係事前向資深美容師或者家庭醫生查詢一下!

 

效果可以維持幾耐?

 

飄眉過程會喺眉毛表面形成傷口,所以飄完眉之後嗰D部份會結焦,大約3-5日就會甩焦,但甩焦之前要盡量避免眉毛掂到水以免引致發炎,就算洗面時都要避開呀~由於每個人嘅新陳代謝速度都唔同,所以效果實際上可以維持幾耐係因人而異,而乾性肌膚嘅Sis又比油性皮膚嘅Sis可以維持到更耐嘅效果~但一般都可以維持到1-3年!好處係雖然飄出嚟嘅眉毛會隨時間比較淡色,需要定時補色,但一定唔會變咗其他顏色!不過飄完眉之後想keep得耐D,最好都係唔好喺眉毛位置用磨砂、去角質等嘅產品,因為會加快咗甩色嘅速度!

 

如果想試下飄眉嘅療程,又唔知去邊度搵好,不妨睇下小編以下嘅推介,全部都有質素保證,包保你飄到一堂又靚又自然嘅眉形!從此就唔驚畫眉失手唔知點見人啦~

 

C’est La Vie

 

位置喺中環,交通方便,除咗專業嘅美容師之外,亦都會採用優質嘅產品,更加會保持環境絕對衞生。唔少BloomMe用戶都讚嗰度地方乾淨,服務亦都夠晒專業,有BloomMe用戶更加認為係佢試過最好嘅Spa添!

 

BloomMe推介療程:韓式飄眉 $4,500

 

Renaissage Beauty Institute

 

亦都喺中環,為客人提供一站式嘅服務,例如纖體、激光去斑、隱型內眼線等等;選用醫學品牌嘅美容產品同埋有醫學實證嘅美容儀器。有BloomMe用戶親身試過飄眉服務話完全唔痛,甩焦之後隻色仲幾靚添!

 

BloomMe推介療程:飄眉 (6個月內包2次補色) $5,800

 

Poppyland Brows, Make Up & Eyelash Salon

 

鄰近觀塘大型商場,有睫毛延長、半永久紋眉、紋眼線等嘅服務。呢度嘅美睫師擁有日本美睫師嘅證書,亦都有受國際認可嘅半永久化妝技術。除咗嚴格跟從衞生同安全嘅最高標準之外,更加會使用優質嘅低敏產品,咁就更加安心啦!

 

BloomMe推介療程: 飄眉 $3,280

 

如果第一次經 BloomMe 預約,申請帳戶時入返優惠碼 TALK75 ,首次預約可以即減 $75!心動嘅話就快D行動啦!

畫眉毛可以話係各位「無眉娘」喺每日嘅化妝程序入面最重要嘅一環,事關要畫到一對弧度啱、對稱嘅眉毛絕對唔容易!由於眉毛比較稀疏嘅關係,比起一般人係需要更多時間去雕琢堂眉先得。有時一趕時間求其畫下就出門口,但一出到街或者返到公司先發現自己D眉毛出晒事真係喊出嚟!為咗減低呢D咁尷尬嘅情況出現嘅機會,飄眉絕對係各位「無眉娘」一個絕佳嘅選擇,以下就等小編介紹下啦!