今年個夏天真係好快到,剛過去嘅五月已經咁熱,之後點算?講到消暑,大家一定諗到開冷氣同飲凍飲食雪糕,但日日咁食法,對各位Sis嘅身體點都會帶嚟負擔。想健康養生D?即刻睇下小編介紹嘅6種消暑食物啦~

 

1. 西瓜

 

相信唔少Sis都知西瓜對消暑寧舍有效,天口熱時食返啖冰涼嘅西瓜都咪話唔爽~作為含水量最高嘅水果,食西瓜除咗可以消暑,都仲有唔少好處架。西瓜有豐富嘅維他命A同C,有助抗氧化;西瓜汁可以令皮膚增加光澤,增加彈性;而且喺口渴煩躁嘅時候,一食完西瓜就會覺得好好多~不過西瓜始終屬於性寒嘅食物,所以脾胃虛嘅Sis就唔好食咁多啦~

 

2. 苦瓜

 

苦瓜又叫半生瓜,唔鍾意食嘅人會覺得好苦,但鍾意食嘅就會覺得佢味道甘甜~苦瓜可以清熱解毒、明目滋陰、消除疲勞,夏天食返D 苦瓜仲可以令食慾大增~如果熱得滯搞到冇咩胃口嘅話,最好就係食D苦瓜啦!苦瓜亦都含有豐富嘅維他命C,而且脂肪同糖含量都極低,最適合減肥嘅Sis!不過留意返苦瓜亦都係性寒食物,食嘅時候要適可而止!

 

3. 綠茶

 

綠茶含有豐富嘅鉀,而鉀係人體必需嘅礦物質營養素,所以飲綠茶既可以消暑,又可以補鉀,綠茶入面嘅茶多酚仲可以有助抗氧化,簡直係女性恩物~要對健康好D嘅話,當然最好就係飲熱嘅綠茶啦,而且記得唔好將綠茶當水飲,因為茶會利尿,飲太多反而令身體缺水,所以一兩杯就夠架啦!

 

4. 冬瓜

 

冬瓜消暑利尿,所以對於想去水腫嘅Sis就最啱~仲有助降血脂同膽固醇,亦都可以滋潤肌膚,仲係一種好好嘅防癌食物~所以如果屋企煲開冬瓜湯嘅話就記得食埋入面D冬瓜啦~而且煲湯嘅話,連皮煲效果會更加好!

 

5. 綠豆

 

綠豆可以消暑解渴、清熱清心,仲可以降低膽固醇、增加食慾~佢含有無機鹽同礦物質,可以補充返人體出汗所缺少嘅物質,而且綠豆仲含有維他命B1、B2、同維他命E添~夏天最好就係食返碗綠豆沙,又甜又消暑,仲可以補充返人體所需嘅唔同維他命!不過正值經期嘅Sis就唔好食用啦!

 

6. 醋

 

醋帶有酸味,所以一樣可以增進食慾,仲可以殺菌同調節腸胃功能。無論係食加入咗醋嘅食物,例如咕嚕肉、沙律醋等,定飲用果醋,都可以有相同嘅效果,所以總有一種啱各位Sis食用!不過記得本身有低血壓同胃酸分泌過多嘅Sis就唔好食啦!

 

以上6種消暑食物比起飲凍飲食雪糕一定係更加健康嘅選擇!不過當中有唔少都係屬於性寒嘅食物,食嘅時候記住唔好食太多,以免適得其反啦!

今年個夏天真係好快到,剛過去嘅五月已經咁熱,之後點算?講到消暑,大家一定諗到開冷氣同飲凍飲食雪糕,但日日咁食法,對各位Sis嘅身體點都會帶嚟負擔。想健康養生D?即刻睇下小編介紹嘅6種消暑食物啦~   1. 西瓜   相信唔少Sis都知西瓜對消暑寧舍有效,天口熱時食返啖冰涼嘅西瓜都咪話唔爽~作為含水量最高嘅水果,食西瓜除咗可以消暑,都仲有唔少好處架。西瓜有豐富嘅維他命A同C,有助抗氧化;西瓜汁可以令皮膚增加光澤,增加彈性;而且喺口渴煩躁嘅時候,一食完西瓜就會覺得好好多~不過西瓜始終屬於性寒嘅食物,所以脾胃虛嘅Sis就唔好食咁多啦~   2. 苦瓜   苦瓜又叫半生瓜,唔鍾意食嘅人會覺得好苦,但鍾意食嘅就會覺得佢味道甘甜~苦瓜可以清熱解毒、明目滋陰、消除疲勞,夏天食返D 苦瓜仲可以令食慾大增~如果熱得滯搞到冇咩胃口嘅話,最好就係食D苦瓜啦!苦瓜亦都含有豐富嘅維他命C,而且脂肪同糖含量都極低,最適合減肥嘅Sis!不過留意返苦瓜亦都係性寒食物,食嘅時候要適可而止!   3. 綠茶   綠茶含有豐富嘅鉀,而鉀係人體必需嘅礦物質營養素,所以飲綠茶既可以消暑,又可以補鉀,綠茶入面嘅茶多酚仲可以有助抗氧化,簡直係女性恩物~要對健康好D嘅話,當然最好就係飲熱嘅綠茶啦,而且記得唔好將綠茶當水飲,因為茶會利尿,飲太多反而令身體缺水,所以一兩杯就夠架啦!   4. 冬瓜   冬瓜消暑利尿,所以對於想去水腫嘅Sis就最啱~仲有助降血脂同膽固醇,亦都可以滋潤肌膚,仲係一種好好嘅防癌食物~所以如果屋企煲開冬瓜湯嘅話就記得食埋入面D冬瓜啦~而且煲湯嘅話,連皮煲效果會更加好!   5. 綠豆   綠豆可以消暑解渴、清熱清心,仲可以降低膽固醇、增加食慾~佢含有無機鹽同礦物質,可以補充返人體出汗所缺少嘅物質,而且綠豆仲含有維他命B1、B2、同維他命E添~夏天最好就係食返碗綠豆沙,又甜又消暑,仲可以補充返人體所需嘅唔同維他命!不過正值經期嘅Sis就唔好食用啦!   6. 醋   醋帶有酸味,所以一樣可以增進食慾,仲可以殺菌同調節腸胃功能。無論係食加入咗醋嘅食物,例如咕嚕肉、沙律醋等,定飲用果醋,都可以有相同嘅效果,所以總有一種啱各位Sis食用!不過記得本身有低血壓同胃酸分泌過多嘅Sis就唔好食啦!   以上6種消暑食物比起飲凍飲食雪糕一定係更加健康嘅選擇!不過當中有唔少都係屬於性寒嘅食物,食嘅時候記住唔好食太多,以免適得其反啦!