堅果好味又方便,一路以嚟都被認為係保持健康同吸收充足營養嘅秘訣。無論係返工定係行山嘅時候,堅果都可以作為充飢嘅小食。唔少人欣賞佢嘅味道,但係就忽視左佢巨大嘅健康效益。以下就等小編介紹唔同種類嘅堅果,等你可以選擇最切合自己需要嘅堅果!

 

巴西堅果 (Brazil Nuts)

 

巴西堅果比起一般堅果含有更多嘅維生素同營養素,令佢係一眾堅果入面跑出。巴西堅果入面有好豐富嘅硒 (Selenium) 。呢一種微量礦物質對身體嘅認知同生育能力非常有益,仲可以預防甲狀腺問題、心血管疾病等等。想食得更加好味,可以加埋奶嚟食用。巴西堅果除左就咁食外,Sis 們亦可以考慮下係蛋糕上面加巴西堅果㗎!

關心健康嘅你唔需要食好多,每日食 4 至 5 粒就可以啦。佢地嘅飽和脂肪含量非常高,所以你要小心唔好過量,間唔中食下就好。

 

杏仁 (Almonds)

 

講起堅果,唔少人都會即刻諗起杏仁!佢地唔單只對身體有益,更可以保持皮膚、頭髮同牙齒健康,好適合作為運動期間嘅小食。佢地時常比人用作對付腸道問題、便秘、呼吸障礙同貧血。杏仁亦含有相當豐富嘅蛋白質、 ω−3 脂肪酸同 ω-6 脂肪酸。

大家通常都生食杏仁,有時佢地亦都會出現係蛋糕同沙律到。連嚟自澳洲嘅名模 Miranda Kerr 都係杏仁嘅粉絲,出街一定會將杏仁放係佢嘅袋入面。唔少唔食奶類製品嘅人亦都會用杏仁代替牛奶。

覺得堅果太硬好難咬?有啲人會建議將杏仁浸過夜,等佢變軟而更易入口,同時增加佢對健康嘅益處。呢個諗法源於有部份人相信杏仁皮含有酶抑製劑,用嚟保護杏仁,直到有足夠嘅水同陽光嘅時候幫助佢開花。下一次食杏仁覺得困難嘅時候,不妨放佢地係雪櫃浸過夜。

 

腰果 (Cashews)

 

腰果因為佢嘅高脂肪含量,所以一直被人覺得佢唔太健康。其實呢個諗法可以話係謬誤。我地唔可以單單因為腰果嘅高脂肪含量,而忽視左佢其他對健康極為有益嘅地方。

事實上,腰果比起其他堅果含有更少脂肪。同時,佢地含有不飽和脂肪,有助降低膽固醇水平同維持心臟健康。

佢地更加係人體礦物質嘅絕佳來源,含有人每日理想銅吸收量嘅 31% 、鎂吸收量嘅 20% (有益於認知功能同醫治偏頭痛)同維他命 K 吸收量嘅 12% (有助於凝血)。唔少人更會建議每星期至少食一安士腰果,可以降低 25% 患膽結石嘅風險。

下次煮飯嘅時候,不妨考慮下用呢種有益健康嘅堅果一齊煮啦!

 

合桃 (Pecans)

 

來自美國嘅合桃係餡餅愛好者嘅最愛,唔少人都會覺得合桃餡餅配埋熱朱古力係最夾!雖然佢地含有好多脂肪,但呢種牛油果同橄欖之中都會發現嘅脂肪係對身體有益。此外,合桃更充滿左纖維、鎂、維他命 B 同鐵。如果將佢地放入焗爐入面,佢地仲會有一種好好味嘅焦糖味添!

佢地嘅高纖維含量有益於心臟健康,並且能夠促進消化系統運作,從而幫助你更快咁將食物消化。

合桃對消炎非常有用,兩種維他命 E 能夠阻止細胞損傷而導致身體受刺激。若果你有朋友關節唔太好,下次見面就醒佢食啲合桃啦!

堅果可以話係完美嘅健康小食,配搭大部份食譜都依然相當好食。下次出街,確保你袋入面有一細包堅果,等你無論返工、行街定係行山運動,都有健康有營養的堅果傍身啦!

 

你可能感興趣:

唔好再上當!7 種唔健康的「健康食品」!

凍飲雪糕好傷身?4個對付冰品誘惑小貼士

跳出5個減肥陷阱 減出健康體態

堅果好味又方便,一路以嚟都被認為係保持健康同吸收充足營養嘅秘訣。無論係返工定係行山嘅時候,堅果都可以作為充飢嘅小食。唔少人欣賞佢嘅味道,但係就忽視左佢巨大嘅健康效益。以下就等小編介紹唔同種類嘅堅果,等你可以選擇最切合自己需要嘅堅果!