夏日熱辣辣!香港嘅夏天又熱又潮濕,加上生活忙碌,粉刺、暗瘡、毛孔粗大等問題又再來襲!近年來,海藻矽針成為唔少混合性皮膚姐妹嘅福音,主打有助皮膚角質更新、疏通毛孔,更可加快消除暗瘡,但究竟咩嘢係海藻矽針呢?

BloomMe 今次為各位愛美嘅姐妹準備咗「海藻矽針3分鐘懶人包」,為你逐一拆解海藻矽針嘅常見問題。

 

👧 1. 海藻矽針適合邊類人做? 👧

 

海藻矽針對經常生暗瘡,皮膚油水不平衡嘅姐妹特別有幫助。透過海藻矽針療程,可以減少粉刺、解決因角質層過厚而造成的皮膚暗啞、暗瘡等問題。對於經常捱夜OT生暗瘡嘅姐妹,海藻矽針更能加快修復痘印,並且減淡皺紋!

 

🤔 2. 咩係海藻矽針? 🤔

 

海藻矽針

 

就咁聽個名好多人都會以為真係一支針嚟,咁就畀佢個名呃晒啦!海藻矽針係近年熱門嘅天然換膚術,主要係從蘊含豐富礦物質嘅矽藻中提煉出來,透過冷凍嘅萃取技術,造成細細枝嘅針狀結晶,長度約50-200um。

 

✨ 3. 海藻矽針功效 ✨

 

主打治療粉刺、美白肌膚,同時加快修復痘印,可以改善毛孔粗大、深色素,同埋達到減淡皺紋效果。相對一般使用化學原料、或者入侵性嘅注射式療程,海藻矽針相對溫和天然。

 

👩 4. 過程係點? 👩

 

海藻矽針

 

做海藻矽針其實同做普通facial冇咩分別,過程好簡單,美容師會將海藻矽針加埋美容液,搽喺面上按摩10-20分鐘(但會避開眼周嘅脆弱肌膚),之後再敷埋補濕面膜就完成。但過程會有D痛,就好似畀D微針拮緊面部肌膚咁。雖然同做微針感覺會相似,但唔會見血,所以海藻矽針又叫做「唔見血嘅滾輪微針」。

 

👩 5. 痛唔痛? 有冇咩副作用? 👩

 

有啲美容blogger就話海藻矽針痛到飆冷汗,又話會紅紅地,究竟點解會咁呢?做海藻矽針嘅過程中,為咗刺激膠原蛋白再生,免不了都會有啲痛。副作用方面,開頭1-2日皮膚會較紅腫,進行換膚時,會有甩皮情況,之後皮膚就如猶如BB肌一樣,煥然一新。

海藻矽針適合大部分人使用,但由於佢嘅副作用比較明顯,所以皮膚容易敏感嘅Sis就要小心考慮,要仔細諮詢美容師意見之後先好做,以免因為皮膚承受唔到D副作用而得不償失!

 

⌚ 6. 海藻矽針療程多久可進行一次 ⌚

由於海藻矽針係比較天然嘅療程,想keep住最佳效果,一般建議3-4星期做一次,連續8次效果最為顯著。

 

👩 7. 事前準備及事後護理 👩

 

海藻矽針

 

一般嚟講,做海藻矽針之前都冇咩特別需要準備,當然如果皮膚有傷口或敏感就唔好去做住。而為安全起見,不論做之前同做之後都唔好用含有果酸嘅護膚品,咁就唔會為肌膚帶嚟太大嘅負擔。做完海藻矽針之後記得勤敷補濕面膜同加強防曬,如果做完頭幾日可以唔上妝就更加好,而且一星期之內都唔好用去角質同磨砂產品呀!

 

 

💁‍♀️💖 8. 小編推介 💖💁‍♀️

海藻矽針

 

而家市面上有唔少海藻矽針嘅產品可以畀各位Sis喺屋企DIY,呢個當然係一個比較慳錢嘅方法,但由於海藻矽針要配合按摩手法先有更佳效果,所以畀專業美容師做嘅效果當然會好D啦~有興趣試下嘅不妨睇下小編以下呢三間推介啦~

1. CL Workshop

位於太子,超過10年專業經驗,主打控油、敏感修復護理、暗瘡肌護理療程。由美容專家主理,多年嚟獲大量真實好評認證,提供全面嘅美容服務。

BloomMe推介療程:70分鐘 酵素潔淨海藻保濕護理 $310

 

2. Younger By Design Medical Center

位於中環,主打抗老化療程,由醫療保健人員提供美容服務。最特別嘅係,呢間美容中心有提供「基因定制」全方位美容方案,為你提供基於DNA分析嘅諮詢,提供最適合你嘅護膚產品。

BloomMe推介療程:LipoDermis 海藻磨皮& 煥膚面部護理 $480

 

3. Perfect Skin Center

位於旺角,設有多款美容療程,如仙人掌活膚保濕療程、人氣無針水光槍、緊膚V面療程等。

BloomMe推介療程:Si-tox-peels 海藻矽針 加強version {細毛孔之選}$198

BloomMe當中有接近 2,000 間唔同的Spa & Salon,折扣最多仲高達 7 折!用優惠碼 Talk88 就可以係第一次預訂中享有 $88 現金優惠!

 

****👓 想睇多啲 👓****

 

5 間 BloomMe 用戶大推的 Facial

 

花少錢高享受 6 間品牌高質 Facial 推介

 

BloomMe嚴選15間人氣好評Spa

 

點解要用 BloomMe 做預約? 話你知 7 個好處!

 

海藻矽針係近年美容界嘅大熱,相信好多Sis都聽過,但係咪真係清楚知道係咩嚟?究竟海藻矽針有咩效果、適合咩人使用、可唔可以自己喺屋企做?等小編一一話你知!