每個人都希望可以擁有一把秀髮,唔會想自己把頭髮油笠笠、開晒叉、或者頭頂插晒天線咁,所以頭髮嘅護理係好重要!無論係長髮定短髮嘅Sis,都應該好好咁打理自己把秀髮,預防秀髮折斷、乾旱等等嘅問題。不過原來好多人連洗頭呢個步驟都未做得好,即睇以下三大重點護髮無難度!

 

重點一: 揀啱洗頭水

 

要正確洗頭,首要就係要揀啱一隻啱自己嘅洗頭水!最近消委會嘅報告都令大家驚覺,原來無矽洗頭水同含矽嘅洗頭水實際上係冇太大分別,矽化合物好難會留喺頭皮度,有矽嘅洗頭水唔會特別容易阻塞毛孔~不過如果係比較容易生頭瘡嘅Sis,都建議揀返無矽嘅洗頭水,將矽靈留喺頭皮上嗰少少機會都杜絕埋!

 

如果容易敏感嘅Sis就要注意,究竟洗頭水有冇含有致敏防腐劑MIT 、CMIT同二噁烷呢D成份。不過有時廠商喺產品度唔會標示晒所有嘅成份,所以有需要嘅Sis可以睇返消委會嘅檢測報告嚟揀洗頭水,咁洗頭先洗得安心!

 

另外就係要根據返自己頭皮類型揀返適合嘅洗頭水。如果洗完頭一日,頭髮已經扁塌,頭皮亦都係油嘅,就即係油性頭皮;如果洗完頭兩日,頭髮亦仍乾爽唔油,即係中性頭皮;洗完頭三日都依然係咁乾爽嘅話,就即係乾性頭皮。跟住自己頭皮嘅類型,再加埋其他要求,例如想去屑、防掉髮定增加頭髮光澤等等,就會揀到最啱自己嘅洗頭水啦~

 

重點二:正確洗頭方法

 

揀啱洗頭水之後,就要知道正確嘅洗頭方法,令洗頭之餘同時可以護埋髮!

 

1. 洗頭前先梳頭

洗頭之前梳頭先,可以幫助頭皮血液循環,亦都可以梳走部份頭髮上嘅污垢。如果頭髮頗亂嘅話就更加要梳頭先,因為亂住把頭髮去洗頭,只會越洗越亂,D頭髮會更易打結添!

 

2. 徹底整濕頭髮先落洗頭水

有D Sis成日會輕輕整濕少少頭髮就急不及待落洗頭水,其實落洗頭水之前,應該用溫水徹底整濕頭髮,最好沖大約1分鐘水先,等頭皮嘅毛孔可以張開,而頭髮上嘅灰塵都可以洗一洗走先,咁就唔會因為灰塵未沖走而越洗越唔乾淨!

 

3. 洗頭水要起咗泡先

直接將洗頭水倒落頭度其實會增加刺激性,因為洗頭水未加水稀釋嘅話,其實濃度都幾高,所以最好就係將洗頭水倒落掌心,加水稀釋起咗泡之後先用落頭髮度!

 

4. 用指腹輕柔按摩頭皮

洗頭嗰陣,千祈唔好用指甲起勢咁抓頭皮,以為咁樣就可以抓走D頭皮屑,但其實係好傷害頭皮㗎,隨時會抓損頭皮添!正確方法應該係用指腹輕柔咁按摩頭皮,除咗可以好好咁清潔頭皮之外,經過按摩亦都可以促進頭皮嘅血液循環,咁頭髮都生長得靚D啦~

 

5. 護髮素唔好接觸髮根

為咗令把頭髮柔順,好多Sis都會用護髮素,不過記得護髮素只可以用喺頭髮中段至髮尾部份,千祈唔好搽落髮根度,亦都要徹底沖洗乾淨,唔係就會阻塞毛孔,越用越多頭皮屑同頭瘡!

 

重點三:勤做護髮Treatment

 

學啱以上嘅正確洗頭方法之後,相信各位Sis都識好好咁喺洗頭嘅同時護理自己把秀髮!但如果你把頭髮已經損傷得比較嚴重,想搵專業人士好好咁護理下自己把秀髮,又或者想換一個新形象,不妨睇下小編以下嘅推介啦,保證你把頭髮可以煥然一新!

 

Hair Cute Salon

 

位於灣仔,使用高品質嘅天然有機產品,髮型師同美容師都有豐富經驗,喺BloomMe App入面拎到5星評價,自然有質素保證。唔少BloomMe用戶都大讚呢度嘅服務夠專業細心,一定會再幫襯添!

 

BloomMe推介療程:Milbon頭髮深層修護療程 $588 / Aveda草本頭皮護理療程 $688

 

2DO Nido Japanese Hair & Eyelash Salon

 

位於銅鑼灣,係一間私人經營嘅小型日式美容中心,為客人提供舒適、自在、輕髮嘅環境享受美容服務,而且一律使用高質嘅日本美容產品。有BloomMe用戶體驗完之後,因為美容師超卓嘅美髮技術,做埋老顧客添!

 

BloomMe推介療程:護理 (包頭皮水療及特色護理+洗吹) $800

 

Bar Salon La Hair

 

亦係位於銅鑼灣,有一站式嘅髮型設計同美甲服務,髮型師擁有超過十年嘅經驗,會就住客人想剪嘅髮型,再根據客人嘅面形提供最好嘅髮型意見,務求每位客人都可以剪到一個最適合自己嘅髮型!值得一試!

 

BloomMe推介療程:頭髮護理 (連剪髮及造型) $900

 

如果第一次經 BloomMe 預約,申請帳戶時入返優惠碼 HAIR75 ,首次預約可以即減 $75!今日開始對自己把頭髮好D啦!

每個人都希望可以擁有一把秀髮,唔會想自己把頭髮油笠笠、開晒叉、或者頭頂插晒天線咁,所以頭髮嘅護理係好重要!無論係長髮定短髮嘅Sis,都應該好好咁打理自己把秀髮,預防秀髮折斷、乾旱等等嘅問題。不過原來好多人連洗頭呢個步驟都未做得好,即睇以下三大重點護髮無難度!