個個女仔都想自己嘅皮膚可以天生麗質,一D瑕疵都冇,可惜唔係人人都可以得天獨厚,所以話保養自己嘅皮膚一定係每個Sis嘅終身任務!而毛孔粗大又係唔少油性或者混合性肌膚嘅Sis最想KO嘅皮膚問題,想知可以點樣解決毛孔粗大嘅問題?咁就即刻袋好以下嘅tips啦~

 

一、好好清潔肌膚

 

毛孔粗大唔多唔少係因為油脂分泌過盛,搞到角質層同污糟嘢積聚,塞住毛孔而形成,所以要收細毛孔嘅話,就一定要好好咁清潔肌膚!除咗每日要徹底卸妝、用溫和潔面產品洗面、定期去角質之外,要留意返用緊嘅化妝掃同粉撲都要定期洗!最好就係2星期洗一次,如果唔係幾勤力洗面都會因為呢D污糟嘅化妝工具搞到皮膚積聚污垢架!

 

二、適當呵護肌膚

 

雖然話清潔肌膚好重要,但記得凡事都要適可而止,過多過密嘅清潔同去角質反而會損害肌膚架~所以一星期去一兩次角質就夠架啦,日日去嘅話會破壞肌膚水油平衡,仲令肌膚變得脆弱添!如果時間許可嘅話,日日敷mask都可以幫助收細毛孔架,如果揀D含火山泥、黏土等成份嘅面膜會更加有效~

 

三、注意面部補濕

 

由於皮膚會喺缺水嘅時候出油,所以有毛孔粗大問題嘅Sis要隨時隨地注意補濕,除咗平時洗完面搽下補濕面霜之外,仲可以帶定支補濕噴霧出街,有需要嘅時候就拎出嚟噴一噴,方便快捷~平時亦都要注意飲多D水,補充身體嘅水份,尤其冬天天氣咁乾燥,更加要由內做起,否則搽幾多補濕產品都冇用!

 

四、用毛孔遮瑕產品

 

如果想即刻急救粗大嘅毛孔嘅話,最好就係用返D 毛孔遮瑕產品。而家市面上都有唔少遮毛孔嘅產品選擇,揀返D透薄D嘅就更好,而且記得呢種方法都係暫時急救用,所以都唔好太依賴呢類產品,用完之後謹記徹底卸妝,如果唔係塞住毛孔就得不償失啦~

 

想告別粗大毛孔,令皮膚睇上去白白滑滑,就記得跟住以上嘅方法做啦~不過唔好諗住可以一步登天呀,要持之以恆先有效果架~只要乖乖哋咁跟住做,就會發現幾粗大嘅毛孔都因為勤力護膚嘅自己避走!

個個女仔都想自己嘅皮膚可以天生麗質,一D瑕疵都冇,可惜唔係人人都可以得天獨厚,所以話保養自己嘅皮膚一定係每個Sis嘅終身任務!而毛孔粗大又係唔少油性或者混合性肌膚嘅Sis最想KO嘅皮膚問題,想知可以點樣解決毛孔粗大嘅問題?咁就即刻袋好以下嘅tips啦~