天氣開始熱又開始潮濕,代表我地就快脫離冬天正式步入春天了! 春天的來臨意味著又係時候減番冬天時增加左的體重! 今次小編就準備左幾個簡單建議,大家齊齊減重迎接春夏的換季!

 

節食減肥

講減肥大家第一樣諗到要做的野都一定係節食! 不過節食還節食,都需要注意唔好影響到健康! 各位減肥的 Sis 可以考慮下以菜代飯,盡量係正餐時減少食飯的量,但就以菜或者瓜呢D高纖維的食物代替米飯,飽肚之餘又唔會吸收左太多澱粉質!

記得晚飯要係臨訓前4小時要食完呀,如果唔係消化唔切都一樣會致肥的! 專業少少的Sis亦都可以留意住自己食的野的卡路里總和對比日常所需的卡路里,食得比一般要求少體重就會慢慢減輕!

小編的一個小小建議係早餐時可以食豐富少少,令到自己一日有足夠的能量工作同活動,午餐都可以正常食用,不過晚餐就要食少D啦!

 

做帶氧運動

 

除左節食外做運動亦都對減肥非常重要! 近年好流行的 7 minutes workout 同跳鄭多燕都好Work,而且只需要係屋企做唔需要外出,啱晒鍾意宅係屋企的 Sis ! 如果唔想留係屋企,落下街跑步都好幫助到減肥,一般來講做帶氧運動要做起碼30分鐘先開始有消脂的效果! 如果嫌跑步辛苦或者唔係跑開步的Sis,都可以試下急步行,一樣有減肥效果!

 

日常生活習慣

 

除左節食同做運動之外,其實日常生活習慣都會好影響到我地的肥瘦! 工作期間記得唔好食咁多零食,如果要食都要揀一d健康d低脂d的,例如無添加的果乾、果仁等! 而且記得多飲水,飲得水多個人新陳代謝都會好D,如果嫌水無味,可以飲下綠茶,不過要注意唔好飲過量,每日1 – 2 杯綠茶已經係最多的了! 仲有好緊要,記得要有充足睡眠,每日最少訓夠7個鐘,研究顯示訓得太少係會令身體更容易吸收脂肪,特別容易肥!

 

希望各位 Sis 今個春天都減肥成功! 齊齊著靚衫晒下美好身材啦!

 

你可能感興趣:

無濕一身輕 踢走濕氣3大法

Monday不再Blue:4個朝氣扮工小動作

4招消滯解膩 復活腸胃

天氣開始熱又開始潮濕,代表我地就快脫離冬天正式步入春天了! 春天的來臨意味著又係時候減番冬天時增加左的體重! 今次小編就準備左幾個簡單建議,大家齊齊減重迎接春夏的換季!