除咗眼睛係靈魂之窗之外,相信各位Sis都同意眼睛對上嘅眉毛都好緊要~唔少Sis直頭係咩妝都唔化都得,剩係堂眉唔畫唔得!既然眉毛咁重要,又點可以亂畫呢?臨近新一年,最好就係畫返款啱自己又提升運氣嘅開運眉,新年開幾圈之前記得修一修佢大殺三方~

 

有咩眉要修一修?

 

喺相學嚟講,眉毛係會影響到一個人嘅家庭、健康、人際關係等等嘅運勢,非常之重要!所以要修開運眉,首先要知道自己堂眉會唔會中咗以下嘅問題,中咗嘅話對症下藥修一修佢就方便好多啦~

 

一、眉毛散亂:依相學所講,眉毛雜亂又散嘅話,代表個人特別衝動,唔諗後果就行動,容易同人發生衝突,是非特別多!如果係眉頭散亂嘅話,仲容易有感情上嘅問題同唔清唔楚嘅男女關係。

 

二、眉心多雜毛:眉心多雜毛嘅話代表個人特別鍾意諗嘢,但通常都會諗錯隔離做錯決定,更加好容易會蝕底畀人!

 

三、眉毛稀疏:眉毛稀疏代表個人冇乜上進心,做嘢又冇咩計劃,健康亦都會比較差。眉尾稀疏就代表容易招惹口舌是非。

 

四、眉毛短:眉毛短嘅話代表性格比較急躁,同身邊嘅人,例如家人、朋友、同事等等關係都會比較差。

 

修開運眉要訣

 

認清自己眉毛嘅問題之後,就可以開始修開運眉啦!首先係要將眉毛嘅雜毛修走,雙眉中間距離一隻半至兩隻手指位就最好,太闊代表容易散財~2018年就比較流行自然嘅眉型,即係眉峰唔會太突出,自然咁樣彎落去,眉尾亦唔會畫得太粗,Angelababy同Janice Man都係最好嘅示範!

 

A post shared by Angelababy (@angelababyct) on

A post shared by Janice Man (@janice_man) on

 

驚自己手殘整彎堂眉影響運勢?咁就睇下小編以下嘅3間推介啦,包你修到一堂又靚又自然嘅開運眉!

 

Elvis + Elvin

 

喺金鐘同中環都有分店,呢個品牌源自美國紐約,創辦人Victoria更加係紐約嘅註冊美容理療師。品牌理念係用純天然有機嘅材料同方法去調配唔同嘅美容、護髮、彩妝產品,以免客人對產品產生任何敏感情況~如果係皮膚比較容易敏感嘅Sis,絕對可以放心嚟試一試佢哋嘅修眉服務,順便睇下有冇護膚品適合自己用!

 

BloomMe推介療程: 普通修眉 $198

 

Maxka Eye Beauty

 

位於尖沙咀,專做關於眼部嘅眉睫美容服務,佢嘅店主都特登學過關於呢方面嘅美容知識,鋪面都貼晒有關嘅證書~佢嘅植睫毛同紋眼線服務都好有口碑,唔少客人試完都話手勢好又自然,慳返唔少化妝時間~

 

BloomMe推介療程:蜜蠟修眉 $200

 

Sense of Touch

 

佢哋喺中環、數碼港、將軍澳、愉景灣同淺水灣都有分店,梗有間就腳,喺中環嘅旗艦店更加係樓高五層,仲有希臘風格嘅天台,真係大到好似去咗鬧市之中嘅世外桃園咁!佢哋除咗修眉之外,當然仲有按摩、瘦身療程等等嘅服務,最特別係佢哋有以葡萄酒、啤酒同清酒等做治療嘅特色護理,嚟到可以逐一發掘!

 

BloomMe推介療程: 修眉 $180

 

快D趁新年之前去修一修條眉,個人輪廓即刻突出D、五官立體D,話唔定桃花運都旺D!如果係第一次預約,申請帳戶時入返優惠碼 TALK75,首次預約仲可以即減$75!

 

除咗眼睛係靈魂之窗之外,相信各位Sis都同意眼睛對上嘅眉毛都好緊要~唔少Sis直頭係咩妝都唔化都得,剩係堂眉唔畫唔得!既然眉毛咁重要,又點可以亂畫呢?臨近新一年,最好就係畫返款啱自己又提升運氣嘅開運眉,新年開幾圈之前記得修一修佢大殺三方~