話咁快又就嚟聖誕節啦~喺一個咁有曖昧氣氛嘅節日,一定想將自己最靚嘅一面畀心儀對象或者另一半睇~唔知點做好?跟住小編嘅攻略,一齊扮靚過聖誕啦!

 

畀肌膚叉電

 

冇靚靚嘅肌膚嘅話又點化靚妝引死人呢?嚟到聖誕節呢D咁重要嘅節日,梗係要去做返個facial,令個妝又貼又自然啦!

 

想畀肌膚叉足電,不妨去呢間位於中環嘅 Le Spa Caudalie

 

今年三月先以全新裝修示人,有四間獨立護理房,嚟到可以好寧靜又舒適咁享受護理~呢度亦唔會hard sell,等你可以安心選擇適合自己嘅療程,加上專業美容師一流嘅手勢,做完真係由內靚到外呀~

 

除此之外,仲可以揀去位於星街嘅 Spa L’Occitane

 

係L’Occitane品牌嘅延續,裝潢係低調嘅南法風情,加上傳統嘅普羅旺斯療程,令你好似置身於普羅旺斯咁舒適~喺呢個繁忙嘅都市都可以等你肌膚得到真正嘅放鬆。唔少客人試完佢哋嘅服務之後都話非常值得一試!

 

必備迷人電眼!

 

好多男仔第一眼望女仔都係望對眼,所以眼睫毛絕對係令雙眼吸引度倍升嘅要素!覺得痴假眼睫毛太假?又驚用睫毛膏化到曱甴腳咁太恐怖?咁就可以揀植睫毛啦,又自然又唔使日日落妝咁麻煩。就好似呢間位於中環嘅Fiori Eyelash Extensions

 

佢哋所有睫毛師都有日本JECA(前JLA)認可嘅專業資格,呢度仲有專利嘅睫毛卷翹技術,加埋嘅美睫師手勢,植植下隨時舒服到瞓著咗都唔知~效果自然,將真假睫毛完美融合,唔會覺得雙眼唔舒服,輕鬆令你有迷人大眼~

 

同樣位於中環嘅Canary Nail & Eyelash

 

亦都好受BloomMe用戶歡迎~簡單嘅裝修配上灰色同藍色嘅家具,營造到一種柔和嘅感覺,喺度做植睫毛夠晒relax~佢哋主打日式美甲同眼睫毛,有多種睫毛款式、長度同卷翹度揀,包你搵到一款滿意嘅睫毛款式!

 

完美髮型打造

 

完美嘅妝容當然要配搭上合適嘅髮型,等你可以從人群中突圍而出,想留意唔到你都幾難啦~呢間位於灣仔嘅Amour Hair Spa & Salon

 

曾經為2017年國際小姐香港代表王詠珩設計髮型,唔單止有專業嘅剪髮、染髮、造型服務,仲有專業嘅頭髮護理療程,做完treatment想擁有柔順嘅秀髮話咁易~佢哋仲周不時為公公婆婆義剪,為社會出一分力,咁有社會責任嘅店鋪非常值得支持!

 

而呢間位於上環嘅Emmanuel F Salon

 

好特別,係香港第一間環保salon,佢哋用100%有機同冇化學物質護髮美髮產品,咁就唔怕燙髮染髮而令到髮質受損啦!專業嘅髮型師再加上有機嘅頭髮護理療程,咁把秀髮就唔止靚咁簡單,仲好健康添!

 

指甲都要扮靚!

 

講到扮靚,點可以放過指甲!一對充滿聖誕特色或者配襯自己個性嘅美甲,絕對可以令你嘅氣質提升!呢間位於中環嘅Beauteous

 

主打手部同足部美甲,仲有特別畀孕婦同小朋友嘅美甲服務。呢度嘅裝修用上淺色家具配以花紋嘅牆紙,畀到人好安穩嘅感覺。客人可以自由配搭自己想要甲款,所以選擇非常之多!有唔少藝人,包括Stephy同Ella都成日去幫襯架~

 

一樣位中環嘅Nailone

 

有柔和嘅黑白灰及米色為主嘅裝修。美甲材料由日本、韓國及美國製造,不含化學成份嘅甲油令大家可以安心使用。而家仲有聖誕特別抽獎活動,去到不妨試下運氣!而且連謝安琪同Lisa S.都係佢哋嘅客人嚟架~

 

距離聖誕節仲有唔夠兩個星期,快D去做好準備,一齊扮靚過聖誕,將自己嘅氣質提升啦~如果第一次經 BloomMe 預約,申請帳戶時入返優惠碼 TALK75,首次預約可以即減$75!

話咁快又就嚟聖誕節啦~喺一個咁有曖昧氣氛嘅節日,一定想將自己最靚嘅一面畀心儀對象或者另一半睇~唔知點做好?跟住小編嘅攻略,一齊扮靚過聖誕啦!