天氣一熱,係時候出動小背心啦~乜話?一著上身發現冬天大吃大喝嘅後遺症仲喺度,尤其是個肚腩突晒出嚟勁礙眼?唔緊要,等小編介紹大家幾樣收腰又收腹嘅簡單運動,等大家輕輕鬆鬆搵返消失咗嘅腰線條!

 

一、坐低挺胸收腹

 

首先坐直個人,雙腳掂到地面,然後一路吸氣一路挺胸收腹,keep住 15-20 秒左右,跟住就呼氣放鬆。呢個動作就算平時長期坐喺 office 嘅 Sis 都做到~每日抽少少時間,重覆以上動作 5次就得架啦,既簡單又方便,不過做嘅時候記得唔好駝背~做 2 星期至 1 個月就會慢慢見到效果!

 

二、升級版 Sit Up

要收胃腩嘅話,最好就係做升級版sit up,首先個人屈膝攤平喺瑜珈墊上面,雙手手掌叠埋咁向前伸直,記得腳板要貼住墊面,然後就輕輕、慢慢咁用腹部嘅力帶起sit up嘅動作,每次做30秒就得架啦~

 

三、抬腿搖擺

 

要收腰就梗係要重點鍛鍊下腰部嘅肌肉~將成個人平瞓喺瑜珈墊上面,雙手打開平放,雙腳合埋伸直抬起,然後向左向右搖擺,逢係去返中間位時都停一停,重覆呢組動作1分鐘左右就可以鍛鍊到腰部嘅肌肉,令條腰線慢慢出返嚟~

 

四、平板支撐

 

成個人面向瑜珈墊,用前臂支撐同腳尖做支撐點,做嘅時候要留意腰、背同臀部都要成一直線,keep住呢個姿勢10秒左右就得啦~不過呢個動作對平時冇做開運動嘅Sis會比較吃力,啱啱開始做可以用10秒作為目標,同埋如果做嘅時候姿勢唔正確嘅話好有可能對身體有傷害,所以搵個人喺隔離幫下眼睇下姿勢啱唔啱就最好啦!

 

得閒做下以上4個收腰又收腹嘅簡單運動,夏天就可以放膽著靚靚衫,唔怕畀人話做咩條腰粗咗,個肚腩仔又突晒出嚟咁啦~搵返腰線就係咁簡單,仲唔即刻做低部電話做下運動?不過記得,做咩運動都要適可而止呀~

 

天氣一熱,係時候出動小背心啦~乜話?一著上身發現冬天大吃大喝嘅後遺症仲喺度,尤其是個肚腩突晒出嚟勁礙眼?唔緊要,等小編介紹大家幾樣收腰又收腹嘅簡單運動,等大家輕輕鬆鬆搵返消失咗嘅腰線條!   一、坐低挺胸收腹   首先坐直個人,雙腳掂到地面,然後一路吸氣一路挺胸收腹,keep住 15-20 秒左右,跟住就呼氣放鬆。呢個動作就算平時長期坐喺 office 嘅 Sis 都做到~每日抽少少時間,重覆以上動作 5次就得架啦,既簡單又方便,不過做嘅時候記得唔好駝背~做 2 星期至 1 個月就會慢慢見到效果!   二、升級版 Sit Up 要收胃腩嘅話,最好就係做升級版sit up,首先個人屈膝攤平喺瑜珈墊上面,雙手手掌叠埋咁向前伸直,記得腳板要貼住墊面,然後就輕輕、慢慢咁用腹部嘅力帶起sit up嘅動作,每次做30秒就得架啦~   三、抬腿搖擺   要收腰就梗係要重點鍛鍊下腰部嘅肌肉~將成個人平瞓喺瑜珈墊上面,雙手打開平放,雙腳合埋伸直抬起,然後向左向右搖擺,逢係去返中間位時都停一停,重覆呢組動作1分鐘左右就可以鍛鍊到腰部嘅肌肉,令條腰線慢慢出返嚟~   四、平板支撐   成個人面向瑜珈墊,用前臂支撐同腳尖做支撐點,做嘅時候要留意腰、背同臀部都要成一直線,keep住呢個姿勢10秒左右就得啦~不過呢個動作對平時冇做開運動嘅Sis會比較吃力,啱啱開始做可以用10秒作為目標,同埋如果做嘅時候姿勢唔正確嘅話好有可能對身體有傷害,所以搵個人喺隔離幫下眼睇下姿勢啱唔啱就最好啦!   得閒做下以上4個收腰又收腹嘅簡單運動,夏天就可以放膽著靚靚衫,唔怕畀人話做咩條腰粗咗,個肚腩仔又突晒出嚟咁啦~搵返腰線就係咁簡單,仲唔即刻做低部電話做下運動?不過記得,做咩運動都要適可而止呀~