成日話唔得閒落街做gym做運動,其實統統都係藉口,因為雖然屋企未必有咁多位或者運動器材,但要做運動都唔一定要出街做,喺屋企時都可以做D簡單又有效嘅動作,就睇下小編介紹嘅幾種喺屋企都做到,又可以操靚線條嘅動作啦~

 

一、踢走副乳:掌上壓

 

掌上壓對各位Sis嚟講真係一個好好嘅運動,因為女仔唔多唔少都會有D副乳嘅出現,而掌上壓就正正幫到各位Sis收起副乳啦~如果覺得掌上壓太困難嘅話,其實可以用跪姿方式做掌上壓,做嘅時候如果好似平時咁將手指指尖指向前嘅話,就可以修飾手臂線條,但指向內嘅話,就會令胸型更加集中,所以想平衡D嘅,各做10下就最好啦~

 

二、修靚臀部:深蹲

 

深蹲可以鍛鍊到臀部同大腿嘅肌肉,如果啱啱開始做深蹲嘅話,最好都係做返普通深蹲,雙手向前伸,略略闊過膊頭嘅距離,挺起胸伸直腰向下深蹲,之後用腳跟發力推起個人起返身,每日喺屋企做3 組,每組15次嘅話,2-3個月左右就可以練到靚靚美臀啦~

 

三、雙腳消脂:雙腳踩單車、左右搖擺

 

瞓喺瑜珈墊度,微微屈曲雙腳,然後做出踩單車嘅動作,踩1分鐘左右就有助消除腿部嘅脂肪啦~當然最重要係要持之以恆日日做啦~另外仲可以喺瞓喺度嘅時候,將雙手平放臂部兩側,雙腳向上舉起左右搖擺,擺嘅時候唔好太快,亦都要留意腹部係有用少少力緊縮住,咁先可以喺修飾雙腳線條之餘仲可以消減腹部脂肪架~

 

四:收起肚腩:sit up

 

要收肚腩,當然唔可以唔提sit up啦,但咁簡單嘅運動又未必人人做得啱,做嘅時候記得係用腹部嘅力量支撐上半身向上,同埋做緊嗰陣條頸唔好用力,如果唔係就會搞到個下巴內擠,令雙下巴更加明顯!

 

以上樣樣運動都既簡單又方便,喺屋企唔使要咩工具輔助就做得,仲可以鍛鍊到唔同部位嘅線條添,想身形睇起嚟更fit嘅話點可能唔試?

成日話唔得閒落街做gym做運動,其實統統都係藉口,因為雖然屋企未必有咁多位或者運動器材,但要做運動都唔一定要出街做,喺屋企時都可以做D簡單又有效嘅動作,就睇下小編介紹嘅幾種喺屋企都做到,又可以操靚線條嘅動作啦~