一到夏天大家都會成日講排毒(Detox),因為之前冬天食多咗都無問題,著多啲衫就唔會覺肥,但係去到夏天就無得遮,無得唔減!所以好多人都想排毒瘦身,打造bikini body 。 不過,大家又知唔知排毒對我地身體有咩影響? 排毒的確係對健康有益,但事實上身體係會自己排毒。腎臟,肝臟同結腸會努力分解緊你身體嘅毒素,然後排走。 所以,即使你飲咗好多健康排毒果汁,係短時間內唔會對身體有大幫助。因為你嘅身體已經習慣咗你嘅生活模式。 以下呢 3 個問題大家係進行排毒前都應該要了解!

 

所有排毒都對身體有害?

 

當然唔係所有排毒都對身體唔好,如果你最近生活作息好差,又成日飲酒同夜睡,仲食好多油膩食物,排毒能夠幫助進行體內清潔,並補充營養。

不過 「排毒」呢個名稱成日被人濫用,簡單咁食得健康同戒菸酒都被稱為排毒。 雖然現今社會越來越重視健康。市面上有好多果汁、茶同補充劑都聲稱可以排毒,不過佢地其實無科學根據,有時甚至危害健康!

排毒產品普遍偏貴,所以買之前一定要望下產品有無(美國)食品藥物管理局認證。如果無,一切其實都只係銷售策略!

 

排毒-傷身又傷心?

 

撇除排毒產品嘅昂貴價錢,成效可疑外,通常亦對身體有害!當你決定想透過果汁排毒時,實際上反而令你嘅身體缺乏好多營養,例如蛋白質等。結腸灌洗比起排毒產品更加危險,後果比起營養不良亦更加嚴重。 定期結腸灌洗係用水強行將糞便清除,而唔係透過自然嘅方法。嚴重嘅話,更有可能引致致命嘅敗血病。所以,若果身體有咩事,最好就搵醫生,唔好自己亂搞啊!

 

點先係正確的排毒方法?

 

其實無任何排毒茶同排毒果汁可以神奇幫身體排毒。排毒過程其實好簡單,只要減少食加工食物,食多啲蔬菜同水果,戒菸酒同做多啲運動,持之而恆,一定好過食好多排毒產品!所以唔好再浪費金錢去買排毒產品啦!排毒可能聽落好悶,不過可以睇下 Funtox guide ,入面有好多有趣嘅排毒方法!大家記得留意:如果運動量增加咗,要做返身體按摩,鬆返啲肌肉啊!

 

你可能感興趣:

唔好再上當!7 種唔健康的「健康食品」!

凍飲雪糕好傷身?4個對付冰品誘惑小貼士

一到夏天大家都會成日講排毒(Detox),因為之前冬天食多咗都無問題,著多啲衫就唔會覺肥,但係去到夏天就無得遮,無得唔減!所以好多人都想排毒瘦身,打造bikini body 。 不過,大家又知唔知排毒對我地身體有咩影響? 排毒的確係對健康有益,但事實上身體係會自己排毒。腎臟,肝臟同結腸會努力分解緊你身體嘅毒素,然後排走。 所以,即使你飲咗好多健康排毒果汁,係短時間內唔會對身體有大幫助。因為你嘅身體已經習慣咗你嘅生活模式。 以下呢 3 個問題大家係進行排毒前都應該要了解!