按摩呢就有好多種,但唔係種種按摩都啱所有人心水,等小編俾多d指導大家,一齊享受按摩嘅樂趣啦!以下來自5個地方嘅按摩各有特色,你又對邊款有興趣呢?

 

夏威夷Lomilomi按摩

 

先介紹一個比較特別嘅,係來自夏威夷嘅Lomilomi按摩!Lomilomi源自傳統夏威夷語Lomi,今時今日,Lomilomi解作按摩師或者夏威夷按摩。按摩手法主力會利用前手臂唔同部位去進行按摩,力度比較大,有時甚至會用膝頭或者腳。

 

傳統夏威夷按摩會喺家庭成員之間進行,所以比較著重按摩進行期間要夠私隱、寧靜,以至擺設上都有家庭feel;按摩師亦唔淨止集中喺按摩手法,更可能融合冥想同祈禱等形式,希望舒緩身體之外亦幫客人改善情緒,甚至可能要求客人改善飲食習慣等,務求客人擁有更整全嘅健康。

 

傳統泰式按摩

 

一講到泰國,就好自然諗起按摩,原來傳統泰式按摩源起自印度同中國醫學,以往被視為醫療手法之一。好多人都知道佢有唔少伸展、屈曲、扭轉嘅動作,動作幅度比較大,其實就係透過呢d動作提升身體柔軟度、關節靈活性、改善血液循環,配合埋喺全身穴位同筋絡搓揉、推拉、按壓等,唔需要用任何油同乳霜,就能夠令全身氣血通暢,得到深層鬆弛,令身體回復健康。基於動作大,又需要大家互相配合,所以一般都會喺地板上進行。

 

泰式草藥球按摩

 

至於泰式草藥球按摩同樣源遠流長,按摩師一般會根據古方調配多種天然草藥,以棉布包好後加熱,等草藥嘅精華同療效滲晒出嚟,再透過熱敷,按勻全身,令草藥嘅天然療效直接滲透入皮膚,可以舒緩肌肉痛、改善身體疲勞,草藥嘅天然香氣亦可以令人放鬆心情。

 

中式推拿

 

中式按摩嘅代表應該大家都聽過,就係推拿,咁究竟推拿又有咩特色呢?推拿係來自中國古代嘅按摩技術,主要係透過喺肌肉上面唔同穴位推、揉、捏、按等唔同手法,達到疏通經絡、暢通氣血嘅效果,從而治療疾病,係一種具有醫療作用嘅按摩手法。

 

日式指壓按摩

 

日式指壓按摩源自中醫推拿,經過多年吸收同演變,慢慢自成一家,有咗自己一套指壓按摩理論,主張運用體重喺唔同穴位施壓,目的係調和氣血同能量,從而改善身體毛病同痛症,手法比較溫和同慢。不過暫時就未有確切嘅醫學證據證實呢種按摩手法有醫療效用,但如果想舒緩身體痛楚,都不妨一試。

 

瑞典式按摩

 

瑞典式按摩有傳係源自瑞典籍嘅生物學家,但亦有表示係誤傳,實際上只係代表一種典型嘅按摩手法——透過揉捏、劈打、敲打等動作刺激身體血液循環,亦會進行伸展、屈曲關節等動作,從而改善關節問題、深層舒緩痛症。有醫學研究表示瑞典式按摩能有效減輕下背痛,有相關健康問題嘅朋友不妨試試。BloomMe都有店家提供瑞典式按摩,大家可以參考吓呢3間推薦店啱唔啱你~分別有The Hermitage SpaINDULGENCEThe Feel Good Factor,三間都位於中環,地點都好方便架!

 

睇過咁多種按摩手法,肌肉係咪都蠢蠢欲動好想去按吓鬆一鬆呢?唔好等喇~即刻download BloomMe App,入面有過千間按摩店俾大家選擇,想專揀任何一種特定按摩的話,可以喺filter度篩選咗先,咁就更加方便啦!首次預約輸入「TALK88」優惠碼,仲可以即減$88添~

 

 

你可能感興趣:

香港 4 間必試正宗泰式按摩

嚴選優質$350樓下全身按摩

極速叉電 1小時以下平價按摩精選

 

仲未有BloomMe? 立刻下載

 

按摩呢就有好多種,但唔係種種按摩都啱所有人心水,等小編俾多d指導大家,一齊享受按摩嘅樂趣啦!以下來自5個地方嘅按摩各有特色,你又對邊款有興趣呢?