邊個唔想對眼時時刻刻睇落都咁精神?最好就襯埋好似漫畫少女咁靚嘅眼睫毛,就算嗰日個人不在狀態,對眼都仲吸引到人!要擁有迷人大眼,最方便都係做電/植眼睫毛,但應該點揀先最啱自己?即刻留意以下介紹啦!

 

電、植眼睫毛有咩分別?

 

電眼睫毛同電髮嘅原理差唔多,都係用專用嘅藥水,將棉捲緊貼睫毛根部,再用膠水逐條睫毛癡上棉捲度固定。由於成個過程要分幾次落定型藥水,所以大概需要一個鐘左右嘅時間去電~而植眼睫毛同電眼睫毛最唔同嘅地方就係需要喺真睫毛上面加D嘢,逐條將假睫毛接上去真睫毛度。由於而家植睫毛嘅技術已經發展得好好,所以完全唔使將假睫毛貼住真睫毛嘅根部,而係會距離根部1.5mm左右接上去,咁睇落就自然得嚟又減輕對真睫毛嘅負擔~

 

電、植眼睫毛維持到幾耐?

 

電眼睫毛一般維持到一個月,如果想維持得耐D嘅話,就記得唔好成日捽眼同埋每日搽mascara,咁就隨時keep到兩個月架啦~而植眼睫毛一般都維持到一至三個月,不過要根據返唔同人眼睫毛嘅生長週期而定~

 

電、植眼睫毛啱咩人?

 

電眼睫毛係依靠真睫毛嚟做捲曲效果,所以會比較適合本身睫毛濃密同長嘅Sis去做,咁樣效果會突出同明顯D~相反,眼睫毛比較短同稀疏嘅Sis就啱做植眼睫毛,增加返眼睫毛嘅豐盈程度,等對眼有神D~由於電眼睫毛嘅過程會用到定型藥水,所以如果眼部紅腫或者有其他眼部疾病嘅人就唔啱電住啦!而植眼睫毛就適合大部份人去做,但如果皮膚好易敏感嘅話都係要小心D,問下美容師嘅意見先!

 

其實一般嚟講電眼睫毛嘅價錢會比植眼睫毛低,所以揀嘅時候都可以跟返自己budget去選擇架~小編以下嘅4間推介就又有電睫毛又有植睫毛,揀到想試邊樣不妨book嚟獎自己一對洋娃娃咁靚嘅睫毛!

 

Fiori Eyelash Extension

 

位於中環嘅佢哋係一間植眼睫毛嘅專門店,好多客人第一次去植眼睫毛都會好緊張,不過呢度嘅細心服務同態度完全可以令你放鬆!唔少人植完睫毛之後都大讚手勢好好,對眼唔會感到任何不適,唔使夾睫毛對眼都咁明亮有神!

 

BloomMe推介療程: 韓式睫毛延長(80+80) $880

 

Blanc Eyelash Salon

 

位於銅鑼灣,佢哋本身係一間日本嘅大型美睫專門店,所以用嘅全部都係日本進口嘅產品,入面嘅美睫師更加需要接受眼睫毛美容專門課程,通過嚴格考核後先可以成為正式美睫師添,非常有信心保證!

 

BloomMe推介療程:日式上睫毛80 (40+40) $850

 

Skin Renew

 

喺中環嘅呢間Spa專為城市人提供全面嘅面部同埋身體美學護理,所以佢哋有多種唔同嘅服務選擇,例如按摩、脫毛,甚至消脂療程都有!裝修簡約舒適,有BloomMe用戶試完佢哋嘅服務都話地點方便,服務亦都好好!

 

BloomMe推介療程:電睫毛 $480

 

Bare Essentials

 

亦都係喺中環,佢哋最出名嘅服務就係蜜蠟脫毛。而佢哋嘅美容師全部都擁有多年嘅經驗,一定可以為客人帶嚟滿意嘅服務,唔少人去完之後都覺得員工親切到好似同屋企人傾偈咁,呢度嘅facial都好多BloomMe用戶讚,值得一試!

 

BloomMe推介療程:電眼睫毛 $400

 

想慳返D化妝時間就唔好拖喇,即刻去試下以上嘅電/植睫毛療程啦,包你發掘到眼睛美麗嘅新一面!如果第一次經 BloomMe 預約,申請帳戶時入返優惠碼 TALK75 ,首次預約可以即減 $75!

 

邊個唔想對眼時時刻刻睇落都咁精神?最好就襯埋好似漫畫少女咁靚嘅眼睫毛,就算嗰日個人不在狀態,對眼都仲吸引到人!要擁有迷人大眼,最方便都係做電/植眼睫毛,但應該點揀先最啱自己?即刻留意以下介紹啦!