唔知各位Sis會唔會有時番工番到頭昏腦漲的感覺,有時工作壓力大容易頭痛,收工去做番個頭部按摩舒緩下壓力都係唔錯的選擇! 今次小編就揀左 6 間頭部按摩的Spa 推介俾大家,當中有平有貴,總會揀到一間啱你心水的!

 

Zen Massage

 

位於灣仔的正宗泰式按摩,小編以前都有推介過佢地,地點方便、師傅專業同服務貼心唔在講,佢地的按摩服務有多種組合可供選擇,包括有孕期按摩、泰式草球按摩、足部按摩等,當中頭部按摩更加有 15 分鐘同 30 分鐘 2 種選擇,令到各位 Sis 係放 Lunch 時間都可以過嚟按下舒緩下!  佢地係BloomMe 的用戶評價當中都係一面倒地得到正評,加上昏暗的環境容易令人放鬆心情,絕對係工作壓力大的 Sis 放鬆心情的好地方!

 

BloomMe推介療程: 頭部按摩 (15分鐘) $88、30分鐘頭部按摩 $168

 

輕足適 Relaxone Massage

 

有2間分店分別位於西營盤觀塘,觀塘分店於今年2月剛剛開業,環境非常新淨舒服! 佢地主打中式養生保健的按摩,當中最有名的就係頭、肩、頸按摩服務!  佢地的頭、肩、頸按摩有15、30、45同 60 分鐘可以選擇,各位 Sis 可以輕易就番自己的時間選擇! 而且佢地的按摩服務價錢貼地,如果係西營盤或者觀塘番工的 Sis 絕對值得一試!

 

BloomMe推介療程: 15分鐘頭、肩、頸按摩 $88

 

舒適方

 

位於荃灣眾安街,主力中藥薰蒸同埋中式按摩服務,開業左未夠一年,可以係荃灣的樓上街坊小店。 亦由於係做居民生意多,佢地的價錢亦都較相宜,如果你想按下頭之餘做埋其他中式療程例如刮痧、拔罐、中式推拿呢D就啱晒!

 

BloomMe推介療程:50分鐘肩頸頭按摩 $178

 

Chill Steam

 

位於中環皇后大道中,雖然店面唔大但最正的係佢地有得揀薰蒸再加按摩的服務,非常適合時間較充裕又想Relax下的Sis! 佢地的薰蒸有得揀全身或者足部,而按摩就可以選擇頭肩、足部等,Sis們可以自由配搭自己最鍾意的組合!

 

BloomMe推介療程:足部薰蒸+頭肩按摩 (90分鐘) $368

 

Soul Feet

 

同樣位於中環,環境似足泰國的高級Spa,佔地大又光猛,置身其中真係唔會覺得自己位於中環鬧市! 有唔少幫襯過的BloomMe用戶都大讚話佢性價比高,似足酒店 Spa 但價錢係中環來講算好親民! 如果各位Sis本身就鍾情環境優美而Budget又鬆動少少的話呢間絕對係必試!

 

BloomMe推介療程:頭部按摩 (30分鐘) $258

 

Looks Beauty & Ayurveda

 

鍾意異國風情的Sis亦都可以考慮試下呢間位於尖沙咀的印度Spa,佢地的療程採用傳統的印度草藥,重點療程Shirodhara (熱油淨化療法)會將溫暖的草藥油持續滴係額頭,暖油會慢慢從頭髮流到頭皮,再配合埋頭部按摩令身心得以放鬆。 Sis們唔鍾意呢種傳統療法的亦可以選擇基本的頭部按摩,配合埋按摩師專業的手法舒緩下工作的壓力。 不過需要留意的係呢度只係招呼女賓,如果要同男性朋友一齊按的話就要揀過第二間了!

 

BloomMe推介療程:頭部按摩 (30分鐘) $150、印度草藥身體護理療程 (Shirodhara熱油淨化療法+頭部按摩+全身按摩) 120分鐘 $624

 

各位Sis如果未經BloomMe預約過的話,記得係申請帳戶時填番個優惠碼TALK75,除左享有折扣優惠外首次預約仲可以扣$75! 咁樣就可以慳住荷包做番個Relax的頭部按摩啦!

唔知各位Sis會唔會有時番工番到頭昏腦漲的感覺,有時工作壓力大容易頭痛,收工去做番個頭部按摩舒緩下壓力都係唔錯的選擇! 今次小編就揀左 6 間頭部按摩的Spa 推介俾大家,當中有平有貴,總會揀到一間啱你心水的!