應該好多人都同意「日本製」呢個字係有魔力~大家都認為日本嚟嘅嘢特別有信心保證,所以一聽到任何關於日本嘅產品、服務、技術等等都趨之若鶩,急不及待去試一試!近年喺日本又傳嚟一股新風潮——岩盤浴,聽講功效多多,對女士們身體仲好好添喎,好好奇係咩嚟?有咩功效咁巴閉?咁就要睇下以下嘅介紹啦!

 

功效一:去水腫

 

POCCA POCA SPA(@poccapocawpg)分享的貼文 張貼

 

就咁聽個名真係會以為岩盤浴係要浸喺水入面嗰 D 浸浴嚟~其實唔係架,岩盤浴係要個人瞓喺加咗熱、溫度大約係 40℃ 左右嘅礦石上面,濕度會維持喺 50 – 70% 之間,瞓 15 – 20 分鐘左右身體就會開始不停流汗~流汗可以帶走身體嘅鹽份,對於去水腫好有幫助,特別係對面部同對腳嘅輕微水腫寧舍有效!但如果水腫問題比較嚴重嘅話,效果就冇咁明顯啦~

 

功效二:排毒

 

POCCA POCA SPA(@poccapocawpg)分享的貼文 張貼

 

身體排出嘅汗除咗可以有助去水腫之外,仲可以排埋毒!因為人嘅身體積聚咗唔少毒素同廢物,想排出毒素嘅話,排汗就係其中一個幾有效嘅方法~不過作為一個 OL ,真係未必有咁多時間去透過做運動排出大量嘅汗,呢個時候,岩盤浴就係一個好好嘅選擇啦!岩盤浴用嘅岩盤石係一 D 天然嘅特殊礦石,會釋放天然嘅負離子,可以活化淋巴系統,排毒就更加暢通無阻啦!

 

功效三:增加血液循環

 

⛓Yu Jing Lee🐰(@abjing)分享的貼文 張貼

 

岩盤浴嘅特殊礦石岩盤除咗可以釋放天然負離子之外,仲有發放遠紅外線嘅功能,而遠紅外線可以促進血液循環,加速人體嘅新陳代謝。如果有手腳冰冷嘅Sis就更加要留意啦,因為岩盤浴可以透過熱能同遠紅外線,雙管齊下咁改善手腳冰冷呢個問題,所以持之以恆咁做岩盤浴嘅話,虛寒體質一定大大改善!

 

邊 D 人啱做岩盤浴?

 

Shoko Yoshida(@shoko1881)分享的貼文 張貼

 

因為岩盤浴溫度會維持喺 40℃ 左右,所以比起浸溫泉同焗桑拿,對人嘅心肺負擔比較細,所以適合大部份人去做~但一星期都唔好多過兩次,同埋去做之前都要補充足夠嘅水份,避免中途脫水。不過如果有心臟病、懷孕或經期期間、有嚴重皮膚病、慢性疾病同高血壓嘅人士就唔建議去做,如果有疑問嘅話最好都係問一問家庭醫生先。

 

如果想親身體驗一下點樣瞓住嚟爆汗,同埋岩盤浴咁神奇嘅功效,不妨跟住小編以下呢兩間推介啦!質素一定有保證,又唔使盲中中四圍搵邊間好~

 

美妍坊 Me Beauty

 

位於旺角,呢度嘅岩盤浴係採用嚟自日本九州鹿兒島縣嘅櫻島火山石,仲持有日本優良製品認定書,質素自然有返咁上下。唔少客人試完之後都反映話唔止消除到疲勞,而且真係幫助促進到血液循環,冇咁氣虛血弱添~

 

BloomMe推介療程:  50 分鐘日本火山岩盤浴 $268

 

養身殿能量美容中心 Yang Beauty

 

鄰近荔枝角港鐵站,宗旨係致力由內到外幫客人打造美麗同健康,特別注重幫助客人排走身體內嘅毒素。有 BloomMe 用戶去過都大讚呢度環境乾淨舒適,服務態度都好親切。嚟到呢度,治療師會好似家人咁關心你嘅健康,感覺特別窩心!不過要注意佢只係招待女賓㗎咋!

 

BloomMe推介療程:  100 分鐘岩盤浴 + RF 面部緊緻提升療程 $808

 

如果第一次經 BloomMe 預約,申請帳戶時入返優惠碼 TALK75 ,首次預約可以即減 $75! 想試埋其他唔同嘅身體護理療程,例如薰蒸、刮痧、拔罐、纖體排毒療程等等,即刻上 BloomMe App 就可以搵返晒!靚唔單止係外在,內在都好重要,所以唔好等,立即行動啦!

 

 

應該好多人都同意「日本製」呢個字係有魔力~大家都認為日本嚟嘅嘢特別有信心保證,所以一聽到任何關於日本嘅產品、服務、技術等等都趨之若鶩,急不及待去試一試!近年喺日本又傳嚟一股新風潮——岩盤浴,聽講功效多多,對女士們身體仲好好添喎,好好奇係咩嚟?有咩功效咁巴閉?咁就要睇下以下嘅介紹啦!