頭髮可以話係唔少Sis嘅靈魂,但頭髮經過燙染,唔多唔少都會有D傷害,但下下出去做hair treatment又貴,咁就等小編介紹下幾種又平,又可以喺屋企做到嘅頭髮護理方法,等大家可以用經濟又實惠而且天然嘅方法令把頭髮變靚啦~

 

蛋白護髮

如果把頭髮比較乾旱,可以試下喺平時用開嘅洗頭水入面加入一隻蛋白撈一撈,然後同平時洗頭嘅方法一樣咁洗頭。不過記得最好係用凍水洗,因為蛋白遇熱會變熟,到時洗到個頭有一粒粒蛋白痴住就唔好啦!而加入蛋白喺洗頭水嘅話,會令頭髮更加順滑,亦都可以滋潤頭髮~

 

椰子油護髮

講起椰子油一定冇人唔識,可以話係近年大熱嘅護膚新貴,功效非常多之餘價錢又唔貴~洗完頭之後用冷壓椰子油搽上個頭度,再好似平時用護髮膜咁將椰子油停留喺頭髮上面10-15分鐘,之後再用溫水洗乾淨就得啦,如果想效果更好,喺搽完椰子油之後用毛巾或者浴帽包住個頭,就可以令成份更加深入頭髮~

 

牛油果護髮

牛油果除咗可以用嚟影相呃like夠晒靚之外,原來用嚟護髮都好有用,特別可以用嚟對抗毛燥嘅頭髮添!將半個牛油果加上一匙橄欖油、杏仁油或者椰子油,再加半杯牛奶撈勻然後搽上個頭,等10-15分鐘之後用清水沖洗,就會發現自己把頭髮變得柔軟有光澤㗎啦~

 

啤酒護髮

原來平時飲唔晒嘅啤酒,仲可以用嚟護髮!啤酒嘅蛋白質同酵母可以幫助修補受損嘅髮質,做法係將半杯咗右嘅啤酒放一晚,等入面嘅二氧化碳揮發晒,之後加入一匙葵花籽油同一隻生雞蛋撈勻,搽喺頭髮之後10-15分鐘洗乾淨就得啦~

 

以上4種方法,唔止非常天然,仲價錢相宜,想幾時整都得,唔怕去salon護髮護得多會太貴~不過記得以上嘅方法唔好日日做,好似普通護髮膜咁,一個月做2-3次就夠㗎啦~

頭髮可以話係唔少Sis嘅靈魂,但頭髮經過燙染,唔多唔少都會有D傷害,但下下出去做hair treatment又貴,咁就等小編介紹下幾種又平,又可以喺屋企做到嘅頭髮護理方法,等大家可以用經濟又實惠而且天然嘅方法令把頭髮變靚啦~   蛋白護髮 如果把頭髮比較乾旱,可以試下喺平時用開嘅洗頭水入面加入一隻蛋白撈一撈,然後同平時洗頭嘅方法一樣咁洗頭。不過記得最好係用凍水洗,因為蛋白遇熱會變熟,到時洗到個頭有一粒粒蛋白痴住就唔好啦!而加入蛋白喺洗頭水嘅話,會令頭髮更加順滑,亦都可以滋潤頭髮~   椰子油護髮 講起椰子油一定冇人唔識,可以話係近年大熱嘅護膚新貴,功效非常多之餘價錢又唔貴~洗完頭之後用冷壓椰子油搽上個頭度,再好似平時用護髮膜咁將椰子油停留喺頭髮上面10-15分鐘,之後再用溫水洗乾淨就得啦,如果想效果更好,喺搽完椰子油之後用毛巾或者浴帽包住個頭,就可以令成份更加深入頭髮~   牛油果護髮 牛油果除咗可以用嚟影相呃like夠晒靚之外,原來用嚟護髮都好有用,特別可以用嚟對抗毛燥嘅頭髮添!將半個牛油果加上一匙橄欖油、杏仁油或者椰子油,再加半杯牛奶撈勻然後搽上個頭,等10-15分鐘之後用清水沖洗,就會發現自己把頭髮變得柔軟有光澤㗎啦~   啤酒護髮 原來平時飲唔晒嘅啤酒,仲可以用嚟護髮!啤酒嘅蛋白質同酵母可以幫助修補受損嘅髮質,做法係將半杯咗右嘅啤酒放一晚,等入面嘅二氧化碳揮發晒,之後加入一匙葵花籽油同一隻生雞蛋撈勻,搽喺頭髮之後10-15分鐘洗乾淨就得啦~   以上4種方法,唔止非常天然,仲價錢相宜,想幾時整都得,唔怕去salon護髮護得多會太貴~不過記得以上嘅方法唔好日日做,好似普通護髮膜咁,一個月做2-3次就夠㗎啦~