小編自問都係一個貪靚嘅女仔,每隔兩至三個星期就想換下甲款或者顏色,咁樣心情先會靚架麻!出去搵指甲店整就梗係靚 D 同花巧 D 啦,但星期一至五就要返工,咁啱週末又約好哂姐妹出去 High Tea 行街,邊有時間?其實間中試下係屋企自己簡簡單單咁整下都係一個唔錯嘅建議!小編係讀書時期貪靚學過整指甲,今次就同各位 Sis 分享一下簡單三款基本又熱門嘅整甲心得啦!

 

基本指甲上色

 

其實只要幫指甲稍為換個顏色,感覺就已經可以完全唔同,簡單又方便!雖然通常剩係 keep 到 4-5 日,但就岩哂鍾意百變既 Sis 啦!

 

好多人以為指甲要上色剩係靠單單一支指甲油!但其實想整出嘅效果好啲嘅話,你需要工具包括需要指甲油、底油 (Base Coat) & 面油 (Top Coat)。

 

Step 1

先按自己喜好修好基本甲形 (如較方或較圓),在指甲面上先塗上底油,而底油嘅作用係為咗令指甲更平滑同埋令上色嘅時候更亮麗和持久。

 

Step 2

揀好喜歡嘅顏色指甲油,要令顏色實在啲就要分兩層上色。但要謹記,上第一層色時要由中間開始塗起,先再塗上左右兩側,等到第一層去到8成乾時左右再塗上第二層,咁樣就可以令顏色飽和 D,望落無咁浮。

 

Step 3

當顏色完全乾透時就可以塗上面油,面油嘅作用係令指甲油顏色持久同埋更鎖色,想令顏色不易脫落就記住指甲邊緣都要塗好,做一個密封邊緣嘅效果啊!

 

Soak Off Gel (QQ甲)

 

坊間簡稱 QQ 甲嘅其實就係 Soak Off Gel, 係 Soft Gel 其中一種!呢款就能夠保持大約二至三星期,Soak Off Gel同塗指甲油非常類似,但比普通甲油更持久耐用同立體感大好多,當然難度會較高同所需要既工具都比較多!

工具需要:甲鋤、QQ甲油、UV燈、底油 及 面油

 

Step 1

 

一樣先按自己喜好修好基本甲形,用甲鋤輕輕地打磨甲面,目的係為磨走指甲多餘嘅水分同埋油分,然後塗上底油,塗上一層就足夠啦!再照 UV 燈大約兩分鐘左右令佢快 D 乾 ,因為 QQ 甲油本身比較難乾 。( 註: UV 燈啖喺平時指甲用品店都可以搵到,香港價錢最平百幾蚊都有… )

 

Step 2

 

塗上選好左顏色嘅 QQ 甲油,塗嘅方法同上面介紹嘅普通指甲油一樣,塗完第一層時候先曬燈兩分鐘之後再塗上第二層,記得同樣都係照燈兩分鐘!

 

Step 3

 

乾左之後就可以做最後一步,喺指甲塗上面油,照燈大約兩分鐘左右,咁就大功告成!

 

法式指甲 (French Nails)

 

OL平時返工想簡單得來又帶點優雅就當然要整法式指甲,簡簡單單又唔誇張!

 

今次需要嘅工具:底油、Nude 色系列指甲油、法式美甲貼紙、白色指甲油或者專用嘅法式指甲油、面油

 

Step 1

 

都係一樣先按自己喜好修好基本甲形,塗上底油後待乾透就塗上跟自己鐘意嘅 Nude 色系指甲油,塗一層就足夠自然,如 Sis 鐘意實色小小就塗多一層。

 

Step 2

 

乾透後就可以貼上法式美甲貼紙,貼係塗白色指甲油嘅下方,因應你喜歡嘅孤度而貼上,咁就唔怕塗過界啦!將貼紙以外嘅指甲部分塗白色指甲油兩至三次,令顏色飽滿,待白色指甲油乾透後就可以把貼紙向外撕掉。

 

Step 3

 

最後就塗番上面油,塗多幾層都可以,令亮度更有光澤。

 

呢三款美甲都簡單易整,如果想再花巧小小就可以貼上花紋/圖案貼紙,又或者貼 D 閃石上去,簡單得黎又精緻,鐘意點樣 DIY 都得!不過如果鐘意畫花或者整得較特別嘅就當然要出去搵番美甲師幫幫手啦,即刻入我地BloomMe App睇下有無啱心水指甲店!如果係第一次預約,申請帳戶時記得入返優惠碼 TALK75,首次預約即減 $75 架!

 

小編自問都係一個貪靚嘅女仔,每隔兩至三個星期就想換下甲款或者顏色,咁樣心情先會靚架麻!出去搵指甲店整就梗係靚 D 同花巧 D 啦,但星期一至五就要返工,咁啱週末又約好哂姐妹出去 High Tea 行街,邊有時間?其實間中試下係屋企自己簡簡單單咁整下都係一個唔錯嘅建議!小編係讀書時期貪靚學過整指甲,今次就同各位 Sis 分享一下簡單三款基本又熱門嘅整甲心得啦!