喺香港,我地嘅頭髮有無好好休息過?

我們平時由得佢喺冷氣吹乾,夏天出汗又焗住哂,然後冬天喺暖爐前吹呀吹,真係睇到都心疼!秋天就快完,冬天又就快到,係時候出招護理下你嘅頭髮,我地嘅秘密武器就係….髮油!!

 

一直以來,油既功用包括可以用喺烹飪、 保濕、軟化物質、製作所有油性美容相關嘅產品等,而且佢係修復髮質上亦擔當住一個重要嘅角色,髮油更加擁有神奇嘅魔力!

 

髮油應該點樣用?

 

呢四個情況都可以用髮油:

 

1)沖涼之前:用手掌捽勻少少髮油再搽係頭皮上等佢慢慢滲入。喺用洗頭水前先搽一搽髮油係頭皮可以話喺對保護頭皮來講就最理想,因為佢可以幫助你嘅頭部皮膚保持水分。

 

2)沖涼之後:用毛巾擦到頭髮稍乾而唔會有水滴出來,喺頭髮兩端用少少髮油,然後用寬齒梳梳到平均,最後用風筒吹乾,咁頭髮就可以得到保護嘅效果。

 

3)乾燥頭髮:以少量髮油塗到頭髮嘅兩端,然後均勻塗抹,咁樣不單止可以馴服毛躁,仲可以令頭髮有健康嘅光澤!但要注意,盡量唔好令太多髮油沾到髮根,咁樣係為左避免過份嘅油膩感。

 

4)晚間睡眠:對付唔守規矩的頭髮,晚間訓覺時使用嘅髮油 Mask 就可以幫到你。使用充足嘅髮油,再順住頭髮由頂端到髮根按摩頭皮。但記得要將頭髮固定好或者使用髮帽,咁就可以避免枕頭因為髮油而變得油笠笠,喺朝早訓醒既時候沖走佢就可以。

 

有咩油可以選擇?

雖然每款髮油既使用原理都差唔多, 但亦都會有針對唔同問題而誕生既髮油!

 

摩洛哥堅果油  Argan Oil

 

摩洛哥堅果油原產自摩洛哥堅果樹,常用於烹飪美食同浸泡麵包。但係呢種神奇嘅油唔單止美味,而且應用喺化妝品方面都表現得非常出色,摩洛哥堅果油喺頭髮用品市場上係最暢銷嘅產品。市場上出售嘅摩洛哥堅果油相關嘅產品數量由2007年嘅2款增加到2011年嘅100幾款!由於摩洛哥堅果油喺頭髮非常好嘅保濕劑,呢款產品就非常適合好容易有毛躁既人士使用。

 

橄欖油  Olive Oil

 

地中海人都知道橄欖油有神奇嘅力量。呢種神奇嘅油對超級乾性髮質嘅人來講係非常好,因為呢種油對缺乏彈性同光澤嘅頭髮就擁有好好嘅治療效果。除左烹飪之外,係你嘅頭髮上用少少橄欖油會令你更吸引! 但喺記住,如果細長或纖幼嘅頭髮用左橄欖油就可能會有反效果啦。

 

椰子油  Coconut Oil

 

椰子油一直喺 BloomMe 用家嘅最愛,佢除左係煮食上口感美味同令人有種去旅行嘅感覺之外,仲因為椰子油既應用性非常廣泛。從烹飪到卸妝佢都非常出色,而且佢仲有一個好奇妙嘅用處:就係修復你一天外出而受損頭嘅髮!椰子油仲可以深入滲透到毛囊同幫助加強薄弱嘅頭髮,而且佢嘅維生素同脂肪酸可以有助滋養你嘅頭皮,令你嘅頭髮保持強壯。

 

酪梨油 Avocado Oil

 

酪梨即係我地平時食嘅牛油果,呢個名係唔係非常吸引呢?但不幸嘅係,佢唔似其他油咁多用途,亦唔可以用來做足部按摩,但佢除左可以成為美食外,他們仲可以修復我地破損嘅頭皮!佢含有豐富嘅維生素A,B-5 同 E,以及抗氧化劑,另外酪梨油非常適合頭髮抵抗熱力造成嘅傷害,仲可以防止頭髮變得彎曲!

 

用埋髮油頭髮都未夠好? 可以睇埋呢篇了解更多洗頭護髮Tips!

喺香港,我地嘅頭髮有無好好休息過?

我們平時由得佢喺冷氣吹乾,夏天出汗又焗住哂,然後冬天喺暖爐前吹呀吹,真係睇到都心疼!秋天就快完,冬天又就快到,係時候出招護理下你嘅頭髮,我地嘅秘密武器就係….髮油!!

一直以來,油既功用包括可以用喺烹飪、 保濕、軟化物質、製作所有油性美容相關嘅產品等,而且佢係修復髮質上亦擔當住一個重要嘅角色,髮油更加擁有神奇嘅魔力!