香港嘅夏天真係令人又愛又恨。你會期待係周末去海邊嘆住靚境、曬個日光浴。同時,你又難以忍受香港接近 98% 濕度下嘅笠痴痴。但係,呢個絕對唔係我地偷懶唔保養皮膚嘅藉口!就等小編分享幾招比各位Sis,等大家係炎炎夏日之下皮膚依然容光煥發。

 

第一點:去角質

 

香港嚴重嘅空氣污染對我地皮膚極之有害。就算好多時候肉眼睇唔到,啲污垢其實己經痴左係皮膚之上,令到佢地乾旱同暗淡。記得每星期都需要去角質,將壞死嘅皮膚細胞同污垢徹底去除啊!

 

第二點:適度防曬

 

係香港不論任何日子,我地都絕對唔可以低估太陽嘅威力。我地每日都應該搽防曬去保護皮膚。要知道特別係最熱嘅夏天,曬傷同患上皮膚癌嘅機會大大增加,所以記得跟番防曬產品的指示搽適量的防曬啊!不過亦都要留意番自己皮膚可以忍受到的防曬份量,小心搽過多反而堵塞毛孔啊!

 

第三點:唔好化厚妝

 

夏天化厚妝實在係攞苦嚟辛! 先唔講成日會擔心溶妝,要經常Check住同補妝,皮膚係厚妝之下亦難以出汗,仲會引致雀斑同堵塞毛孔。各位 Sis 不妨試下用具備防曬功能嘅有色保濕霜代替粉底,減輕大家夏天嘅負擔。

植眼睫毛都係各位 Sis 夏天嘅救星,等大家有又長又密嘅睫毛同時,唔洗擔心睫毛膏會痴左係眼皮到,又或者去完party後啲眼妝化開晒,每朝一起身對眼就己經ready見人!即刻睇下點樣令雙眼明艷照人啦!

 

第四點:飲多啲水

 

雖然飲多啲水係人都知係好,但係又有幾多人真係做到呢?水份唔單只對身體有益,對皮膚健康亦都極為重要。係夏天皮膚極之容易乾旱,特別係你BBQ同海邊玩嘅時候,切記要飲水,等皮膚可以維持柔軟。

 

第五點:唔好怕流汗

 

香港嘅夏天實在好易令人流好多汗。雖然有唔少人覺得流汗係一件污糟同唔靚嘅事,但其實流汗對身體同皮膚都好有益。汗水中的礦物質有助擴張毛孔,以排出有毒物質 ─ 例如會刺激皮膚嘅物質,同時亦可以舒緩瘙癢。不過,流足成日汗,特別係做運動,好容易令皮膚乾旱。要緊記每日為皮膚最少保濕兩次嚟保養返啊!

 

第六點:做Facial

 

如果你平時唔太護膚嘅話,夏天做個 Facial 就實無錯啦。一個專業 Facial 能夠徹底清潔皮膚同保濕。小編建議大家最少三個月做一次 Facial,幫皮膚做個基本保養。

擔心做 Facial 要好多錢? 其實 $500 樓下都可以搵到質素相當唔錯嘅Facial。簡單方便啲,各位 Sis 可以去我地嘅App BloomMe,選擇 Facial 後再揀右上角的篩選(Filter)功能,設定價錢範圍嚟搵啱你心水嘅服務!

小編誠意推介 The Salt Spa尊貴奇妙死海泥面部護理原價要成$1200,不過經 BloomMe 預約嘅話就有獨家優惠,只需$480!睇完下面條片,你就知道點解佢係今個夏天咁受歡迎!

希望以上嘅tips可以幫助大家唔洗擔心炎炎夏日帶來嘅一系列皮膚難題啦!

 

你可能感興趣:

凍飲雪糕好傷身?4個對付冰品誘惑小貼士

跳出5個減肥陷阱 減出健康體態

極速叉電 1小時以下平價按摩精選

 

仲未有BloomMe? 立刻下載

香港嘅夏天真係令人又愛又恨。你會期待係周末去海邊嘆住靚境、曬個日光浴。同時,你又難以忍受香港接近 98% 濕度下嘅笠痴痴。但係,呢個絕對唔係我地偷懶唔保養皮膚嘅藉口!就等小編分享幾招比各位Sis,等大家係炎炎夏日之下皮膚依然容光煥發。