日日化妝嘅Sis 喺夏天大部份都會遇到同一個問題,就係發現夏天特別容易溶妝!朝早化完個無瑕妝容,去到晏晝就油光滿面,D粉底仲溶到一撻撻咁,想個妝long lasting D?睇下小編以下嘅小tips啦~

先做補濕

好多Sis都以為夏天濕度高就唔使注意補濕,直接上底妝,咁就錯晒啦!其實溶妝嘅原因好多時都係由於皮膚乾到出油先導致,所以想個妝持久D,上妝之前就應該打好個底,搽定D高效補濕嘅面霜或者精華,搽完之後等幾分鐘,畀皮膚吸收下先上妝,咁就會發現冇咁易出油啦~

揀啱粉底

由於天氣狀況唔同,所以夏天同冬天用嘅粉底亦都應該唔同。夏天時,最好就係揀D輕薄,冇油份又具補濕成份嘅粉底。如果剩係T字位出油嘅話,就應該局部用上控油產品再上粉底,因為成塊面用嘅話就會太乾啦~如果發現自己其實係外油內乾嘅話,上粉底之前就要改為用上又補濕又鎖水嘅產品先啦~

碎粉定妝

而家bb cushion大行其道,好多Sis貪快就用完bb cushion同胭脂就出街,但咁樣亦都會令到溶妝機會大增!想個妝冇咁快溶,最好都係喺上完底妝之後掃上碎粉定一定妝,咁就可以提升妝容嘅持久度啦~

補妝注意

補妝嘅時候,最好就係用紙巾或者乾淨嘅化妝棉代替面油紙去輕輕印走面上嘅油脂先,因為用面油紙嘅話隨時會越吸越多油~印走多餘油份之後,噴上補濕噴霧,等皮膚吸收咗之後再補妝就得啦~記得補妝亦都係以輕薄為原則,唔好越補越厚!

 

如果發現平時出街好易溶妝嘅話,不妨跟住以上嘅tips嚟做,就會發現個妝比起平時更加持久啦~如果去沙灘玩都想個妝keep住,除咗跟住以上步驟之外,記得改用防水嘅化妝產品啦~

日日化妝嘅Sis 喺夏天大部份都會遇到同一個問題,就係發現夏天特別容易溶妝!朝早化完個無瑕妝容,去到晏晝就油光滿面,D粉底仲溶到一撻撻咁,想個妝long lasting D?睇下小編以下嘅小tips啦~ 先做補濕 好多Sis都以為夏天濕度高就唔使注意補濕,直接上底妝,咁就錯晒啦!其實溶妝嘅原因好多時都係由於皮膚乾到出油先導致,所以想個妝持久D,上妝之前就應該打好個底,搽定D高效補濕嘅面霜或者精華,搽完之後等幾分鐘,畀皮膚吸收下先上妝,咁就會發現冇咁易出油啦~ 揀啱粉底 由於天氣狀況唔同,所以夏天同冬天用嘅粉底亦都應該唔同。夏天時,最好就係揀D輕薄,冇油份又具補濕成份嘅粉底。如果剩係T字位出油嘅話,就應該局部用上控油產品再上粉底,因為成塊面用嘅話就會太乾啦~如果發現自己其實係外油內乾嘅話,上粉底之前就要改為用上又補濕又鎖水嘅產品先啦~ 碎粉定妝 而家bb cushion大行其道,好多Sis貪快就用完bb cushion同胭脂就出街,但咁樣亦都會令到溶妝機會大增!想個妝冇咁快溶,最好都係喺上完底妝之後掃上碎粉定一定妝,咁就可以提升妝容嘅持久度啦~ 補妝注意 補妝嘅時候,最好就係用紙巾或者乾淨嘅化妝棉代替面油紙去輕輕印走面上嘅油脂先,因為用面油紙嘅話隨時會越吸越多油~印走多餘油份之後,噴上補濕噴霧,等皮膚吸收咗之後再補妝就得啦~記得補妝亦都係以輕薄為原則,唔好越補越厚!   如果發現平時出街好易溶妝嘅話,不妨跟住以上嘅tips嚟做,就會發現個妝比起平時更加持久啦~如果去沙灘玩都想個妝keep住,除咗跟住以上步驟之外,記得改用防水嘅化妝產品啦~