係女仔都想要一把柔順亮澤既秀髮,但係有時候無論用幾貴既護髮產品,把頭髮永遠好似差咁啲嘢。如果你都有呢個問題,可能你已經不知不覺間犯左以下幾個傷頭髮既毛病:

 

洗頭次數太頻密

 

你可能覺得好奇怪,洗頭唔係對頭髮同頭皮都健康咩?但係其實洗頭次數太頻繁係好傷頭皮同頭髮架!好多人見到自己把頭髮毛躁扁塌嗰陣,好自然就會想洗走啲頭油,但你又知唔知呢個習慣其實好傷頭髮呢?當你洗完頭啲頭髮濕左嗰陣,髮絲會吸水漲大,同埋變得更加容易斷裂。洗頭水除左會刺激頭皮之外,仲會洗走一層用黎保護頭髮既天然頭油,令到把頭髮毛躁同缺乏光澤。

 

解決方法

減少洗頭既次數。當頭髮乾旱同缺乏光澤既時候,不妨試下唔好洗頭幾日,等自然既頭油令頭髮恢復光澤。如果你接受唔到油淋淋既頭髮,不妨買番幾支dry shampoo去令把頭髮乾爽啲.(想知道更多關於打理頭髮既方法?不如睇下我地呢個小提示)而如果你真係堅持用每日洗頭,不妨買番支溫和啲既洗髮露保護番頭髮同頭皮啦!

 

梳濕既頭髮

 

好多人都有係頭髮濕個陣梳頭既習慣,但係頭髮濕嗰陣梳頭真係好傷頭髮架.想像下把梳啲齒不斷拉扯打結既頭髮,令到髮絲斷裂,就知道梳濕既頭髮有幾傷頭髮啦。

 

解決方法

頭髮係濕左嗰陣係最脆弱既,所以溫柔啲咁對待你把頭髮啦. 如果係頭髮濕左嗰陣真係好想梳順啲頭髮,不妨試下買一把梳齒疏落啲既梳,又或者用手指梳順啲頭髮.

 

用毛巾抹乾頭髮

 

頭先都講左,濕既頭髮係最脆弱既. 所以係打理濕頭髮既時候記住一定要溫柔啲.有啲人習慣用毛巾不斷抹乾頭髮,而呢個話習慣其實會令到髮絲斷裂同毛躁架. 想像下如果你不斷用毛巾拉扯頭髮,髮絲又點會柔順呢?

 

解決方法

抹乾頭髮最好既方法係用毛巾印乾頭髮上面既水,而一條吸水既大毛巾就最適合不過啦. 如果想比頭髮最高級既享受,不妨花買返條納米毛巾用黎抹乾頭髮啦!

 

吹頭

 

洗完頭頭髮濕答答咁,係人都覺得唔舒服。而吹頭咁方便快捷,相信好多人都有洗完頭吹頭既習慣. 但你又知唔知吹頭其實好傷頭髮,仲會令到頭髮乾旱呢?係吹頭嗰陣,熱力會令髮絲裡面既水分蒸發,頭髮亦會變得乾旱易斷。再配合埋捲髮直髮器既高溫,頭髮又點會健康柔順呢?

 

解決方法

最好既方法一定係比頭髮自然咁乾.自然乾髮唔單止可以令頭髮保持濕潤,仲可以令頭髮睇落健康亮澤. 當然自然吹乾頭髮花費好多時間,係未必最方便所有人既方法. 但趕時間既場合真係冇可能自然吹乾啲頭髮. 如果你真係一定要用風筒吹乾頭髮,不妨試下用防熱噴霧去保護番頭髮. 防熱噴霧既原理就好似防曬咁,比啲頭髮抵抗風筒同直髮捲髮器既熱力,仲可以為頭髮增加香氣添!

係女仔都想要一把柔順亮澤既秀髮,但係有時候無論用幾貴既護髮產品,把頭髮永遠好似差咁啲嘢。如果你都有呢個問題,可能你已經不知不覺間犯左以下幾個傷頭髮既毛病: