雖然話夏天個人行動力高D,又特別多嘢玩,尤其係水上活動,但就算唔係日日出戶外同陽光玩遊戲,就咁行出街都可以畀猛烈嘅太陽曬到皮膚黑咗幾度!唔想過咗個夏天先嚟慢慢美白,到出年夏天又再黑返,不停循環?咁就要學識以下嘅美白防曬小技巧,做足預防措施啦!

 

美白食物

想皮膚冇咁易曬黑,原來可以由內做起!咁食咩食物先可以美白?原來食含有豐富維他命C嘅食物就可以幫助皮膚變得青靚白淨,例如可以食多D橙、奇異果、番石榴、士多啤梨、黑加侖子等,當中又以番石榴嘅維他命C含量最高!維他命C可以幫助抗氧化、抵抗黑色素嘅形成,仲可以改善皮膚暗沉嘅情況,對身體亦都好好,梗係要食多D啦!

 

注意補濕

咦,明明講緊美白防曬,關補濕咩事先?原來又真係關事㗎!如果皮膚缺水,再畀太陽曬一曬,特別大機會令D色斑、敏感等等走晒出嚟,所以要美白防曬,最基本就係要幫皮膚補濕先,而水潤嘅皮膚更加可以令美白效果提升,為咗擁有靚靚美白肌,就要記得經常為肌膚補水!

 

正確防曬

好多人以為要長時間喺戶外工作或者玩先至要搽防曬,但其實普通日光都對皮膚有一定程度嘅影響,例如加速皮膚衰老、令皮膚變黑、出現色斑等等,所以最正確嘅做法係每日都要為身體外露嘅地方,例如面部、手手腳腳等搽上防曬。而平時普通外出嘅話,可以選用SPF15 、 PA++ 嘅防曬產品,而去戶外工作或者玩嘅話就要用 SPF30 或以上,同PA+++或以上嘅防曬,仲要記得出門口之前15-20分鐘就搽好防曬,畀皮膚吸收一下,同埋每隔2-3個鐘就補搽一次,而且個嘴都要用埋有防曬功效嘅潤唇膏,確保做到全面保護啦!

 

做齊以上3樣嘢,即使平時皮膚有幾易曬黑,都一定見到效果!不過又唔好當防曬係萬能,大搖大擺、毫無畏懼咁長期企喺猛烈嘅陽光之下,需要長期喺戶外工作或者活動嘅話,謹記定時定候補充身體水份,亦都要適當時候企去陰涼位置抖一抖,以防中暑呀!

雖然話夏天個人行動力高D,又特別多嘢玩,尤其係水上活動,但就算唔係日日出戶外同陽光玩遊戲,就咁行出街都可以畀猛烈嘅太陽曬到皮膚黑咗幾度!唔想過咗個夏天先嚟慢慢美白,到出年夏天又再黑返,不停循環?咁就要學識以下嘅美白防曬小技巧,做足預防措施啦!   美白食物 想皮膚冇咁易曬黑,原來可以由內做起!咁食咩食物先可以美白?原來食含有豐富維他命C嘅食物就可以幫助皮膚變得青靚白淨,例如可以食多D橙、奇異果、番石榴、士多啤梨、黑加侖子等,當中又以番石榴嘅維他命C含量最高!維他命C可以幫助抗氧化、抵抗黑色素嘅形成,仲可以改善皮膚暗沉嘅情況,對身體亦都好好,梗係要食多D啦!   注意補濕 咦,明明講緊美白防曬,關補濕咩事先?原來又真係關事㗎!如果皮膚缺水,再畀太陽曬一曬,特別大機會令D色斑、敏感等等走晒出嚟,所以要美白防曬,最基本就係要幫皮膚補濕先,而水潤嘅皮膚更加可以令美白效果提升,為咗擁有靚靚美白肌,就要記得經常為肌膚補水!   正確防曬 好多人以為要長時間喺戶外工作或者玩先至要搽防曬,但其實普通日光都對皮膚有一定程度嘅影響,例如加速皮膚衰老、令皮膚變黑、出現色斑等等,所以最正確嘅做法係每日都要為身體外露嘅地方,例如面部、手手腳腳等搽上防曬。而平時普通外出嘅話,可以選用SPF15 、 PA++ 嘅防曬產品,而去戶外工作或者玩嘅話就要用 SPF30 或以上,同PA+++或以上嘅防曬,仲要記得出門口之前15-20分鐘就搽好防曬,畀皮膚吸收一下,同埋每隔2-3個鐘就補搽一次,而且個嘴都要用埋有防曬功效嘅潤唇膏,確保做到全面保護啦!   做齊以上3樣嘢,即使平時皮膚有幾易曬黑,都一定見到效果!不過又唔好當防曬係萬能,大搖大擺、毫無畏懼咁長期企喺猛烈嘅陽光之下,需要長期喺戶外工作或者活動嘅話,謹記定時定候補充身體水份,亦都要適當時候企去陰涼位置抖一抖,以防中暑呀!