唔少按摩店都提供香薰按摩,大家會點揀咩香薰呢?除咗依據氣味喜好嚟揀,其實仲可以留意吓身體狀態,睇吓邊隻香薰油有助改善身體狀況,咁按摩鬆弛肌肉同時,就可以享受埋香薰油帶嚟嘅功效,一舉兩得!小編今次就會介紹5隻較常見嘅香薰按摩油俾大家,以後就識點揀啦~

 

 

介紹功效之前,不如認識吓香薰油先啦!香薰油係萃取自各種植物唔同部份嘅精華,所以純正嘅香薰油係非常濃縮,絕對唔可以就咁直接搽喺皮膚,否則有可能灼傷皮膚。

 

同樣因為佢係濃縮嘅精華,所以用量唔需要太多,已經可以發揮佢嘅功效架喇!如果用喺嚟做按摩油,就要將香薰油同植物油混合好先用得,例如堅果油、椰子油、可可芭油等,混合好嘅香薰按摩油,就可以直接塗抹喺皮膚,香薰油嘅功效就可以直接經皮膚帶入身體。

 

唔同香薰油功效都各有不同,比較常見嘅有以下呢5種:

 

薰衣草

 

紫色嘅薰衣草香氣獨特,未必人人鍾意,但如果喜歡的話就會為之狂熱(就好似小編咁),但無論你鍾唔鍾意佢嘅香氣,薰衣草香薰油都有助鬆弛神經、抗菌消炎、舒緩痛症等功效,如果唔係太討厭陣味,而又有緊張、失眠等煩惱,不妨選用呀~

 

玫瑰

 

玫瑰果股香氣誘人,可以舒緩緊張情緒,根據品種,仲有細分唔同種類嘅玫瑰香薰油,如大馬士革、奧圖玫瑰咁,功效上可能略有輕微分別,但一般都有補濕、美白、平衡荷爾蒙等功效。

 

洋甘菊

 

相信應該都有唔少sis聽過洋甘菊,無論係護膚品,定係花茶,都好常見呢個名。佢嘅香氣甜美,好得人鍾意,而多數甘菊類製成嘅香薰油都有降紅、舒敏嘅功效,亦都有助入睡,所以敏感肌按摩果時,可以試吓~

 

茉莉

 

茉莉應該人人都識佢啦~佢嘅花香濃郁,聞到就已經令人開心d,所以佢對鎮靜情緒好有效架,特別適合容易緊張嘅朋友;加上佢滋潤度高,非常適合乾燥肌,或者成熟肌嘅sis用。

 

天竺葵

 

天竺葵可能比較少聽過,但其實佢氣味都幾清新架,同樣係有助安定情緒,同時可以平衡油脂分泌,如果皮膚稍為偏油嘅sis可以考慮吓佢。

 

香薰油當然仲有好多種啦,大家不妨喺揀之前問吓按摩師或香薰治療師嘅建議,睇吓邊隻最適合自己。小編仲搵咗4間提供全身香薰按摩嘅優質按摩店,俾大家享受一個整全嘅身、心療癒之旅。

 

Massada Spa

 

位於銅鑼灣嘅Massada Spa裝修真係好靚,景觀開揚又modern,入到嚟個人都已經放鬆咗唔少!佢哋嘅全身香薰按摩,提供3種香薰按摩油俾大家揀,分別有薰衣草、依蘭同天竺葵,可以揀60或90分鐘~

 

BloomMe推介療程:芳香療法按摩(60/90分鐘) $650/$950

 

Blossom The Secret Garden

 

同樣喺銅鑼灣嘅Blossom The Secret Garden提供來自泰國嘅3種香薰按摩油俾大家揀,分別有茉莉、玫瑰同葡萄柚,仲會附贈花茶添,等你由外鬆到內!全身按摩50分鐘,再連10分鐘牛奶足浴,60分鐘,全身鬆晒~按摩店環境真係同店名一樣,好似secret garden咁清新舒服,喺度做按摩夠晒relax~

 

BloomMe推介療程:芳香精油身體按摩(60分鐘) $420

 

Zen Massage

 

銅鑼灣真係好熱鬧,裝修好有古樸氣息嘅Zen Massage一樣選址喺呢度,裝修好雅緻架,心情都平和d。同樣提供全身嘅香薰按摩,提供嘅時間長度係呢幾間入面最多嘅,有45分鐘、60分鐘、90分鐘,想按長按短都可以彈性選擇~

 

BloomMe推介療程:芳香精油按摩(45/60/90分鐘) $388/$508/$688

 

Kamari Beauty

 

唔想過海的話,就可以試吓喺觀塘嘅Kamari Beauty,店仔細細但係服務一樣good!佢哋一樣提供全身香薰按摩,按摩油就採用來自意大利嘅品牌,天然滋潤,仲會提供玫瑰花茶俾大家添~

 

BloomMe推介療程:日式淋巴排毒芳香精油按摩 (全身) 45分鐘 $280

 

4間按摩店都係1人1房,唔會同陌生人share房架,一個人嚟按都可以安心;同朋友一齊嚟,就會俾間大房你哋,姊妹齊齊按摩都冇問題!

 

*資料搜集自網絡,如有任何疑問,請向香薰治療師查詢

唔少按摩店都提供香薰按摩,大家會點揀咩香薰呢?除咗依據氣味喜好嚟揀,其實仲可以留意吓身體狀態,睇吓邊隻香薰油有助改善身體狀況,咁按摩鬆弛肌肉同時,就可以享受埋香薰油帶嚟嘅功效,一舉兩得!小編今次就會介紹5隻較常見嘅香薰按摩油俾大家,以後就識點揀啦~