好多人都以為包包面一定係天生嘅好難減,但原來包包面唔多唔少都係因為自己生活上一D壞習慣引起,只要搣甩D壞習慣,咁以後同人selfie就唔使左遮右遮自欺欺人啦!

鍾意食重口味食物

如果平時鍾意食重口味嘅食物,好大機會令過多鹽份積聚喺身體內,唔能夠排出毒素,自然就令脂肪更加容易積聚喺塊面上面,包包面就咁形成啦!想令塊面瘦D,個人又健康D,最好當然就係改食比較清淡嘅食物,唔好食咁多高鈉食物啦~

 

成日做低頭族

成日做低頭族做咗對條頸唔好之外,原來亦都係令包包面出現嘅元兇之一!經常低頭用電子產品,令雙下巴更加容易出現,久而久之就令塊面望落更加大!唔想咁樣,就要保持水平位置用電話啦!

 

經常香口膠

鍾意香口膠嘅Sis要注意啦,雖然香口膠可以令口腔清新,有時仲可以提升集中力,但得太多太密會令咀嚼肌發達,想塊面唔變大都好難啦!想塊面細返D,最好都係少D香口膠啦~

 

鍾意翹腳

翹腳經常被視為比較優雅嘅坐姿,但原來呢種坐姿長久會導致人嘅骨盆不正同脊椎側彎,唔止會令高低膊同頸椎嘅問題出現,仲好易令到兩邊面闊度唔平衡,所以為咗健康著想,小編強烈建議各位Sis搣甩翹腳嘅壞習慣!

 

唔做運動

唔做運動嘅話,血液循環自然比較差,肌肉亦都容易鬆弛,令塊面睇落越嚟越大!所以想擁有靚靚瘦面,做運動都係一個關鍵~放假嘅時候唔好再困住自己喺張梳化度煲劇打機啦,揀一樣自己鍾意嘅運動郁下啦~

 

以上5種壞習慣有唔少都會影響到健康,所以無論係為左靚定健康,都最好搣甩晒佢,咁就由內至外都可以散發懾人嘅美麗啦~

好多人都以為包包面一定係天生嘅好難減,但原來包包面唔多唔少都係因為自己生活上一D壞習慣引起,只要搣甩D壞習慣,咁以後同人selfie就唔使左遮右遮自欺欺人啦! 鍾意食重口味食物 如果平時鍾意食重口味嘅食物,好大機會令過多鹽份積聚喺身體內,唔能夠排出毒素,自然就令脂肪更加容易積聚喺塊面上面,包包面就咁形成啦!想令塊面瘦D,個人又健康D,最好當然就係改食比較清淡嘅食物,唔好食咁多高鈉食物啦~   成日做低頭族 成日做低頭族做咗對條頸唔好之外,原來亦都係令包包面出現嘅元兇之一!經常低頭用電子產品,令雙下巴更加容易出現,久而久之就令塊面望落更加大!唔想咁樣,就要保持水平位置用電話啦!   經常香口膠 鍾意香口膠嘅Sis要注意啦,雖然香口膠可以令口腔清新,有時仲可以提升集中力,但得太多太密會令咀嚼肌發達,想塊面唔變大都好難啦!想塊面細返D,最好都係少D香口膠啦~   鍾意翹腳 翹腳經常被視為比較優雅嘅坐姿,但原來呢種坐姿長久會導致人嘅骨盆不正同脊椎側彎,唔止會令高低膊同頸椎嘅問題出現,仲好易令到兩邊面闊度唔平衡,所以為咗健康著想,小編強烈建議各位Sis搣甩翹腳嘅壞習慣!   唔做運動 唔做運動嘅話,血液循環自然比較差,肌肉亦都容易鬆弛,令塊面睇落越嚟越大!所以想擁有靚靚瘦面,做運動都係一個關鍵~放假嘅時候唔好再困住自己喺張梳化度煲劇打機啦,揀一樣自己鍾意嘅運動郁下啦~   以上5種壞習慣有唔少都會影響到健康,所以無論係為左靚定健康,都最好搣甩晒佢,咁就由內至外都可以散發懾人嘅美麗啦~