踏入12月,氣溫已經跌到20度左右,你記得要著多件衫唔好冷親呀!除左溫度之外,連濕度都一直跌。如果唔好好保濕,皮膚就好易失去水份。如果你有手部乾燥既煩惱,不妨參考下BloomMe為你準備既手部護理方法啦!

 

減少使用高濃度酒精產品

 

唔少人為左保持乾淨,都會帶定一枝消毒液傍身,以備不時之需。但係高濃度酒精既產品係冬天反而會損害皮膚。所以,為左令對皮膚傷害減到最低,最好減少使用消毒液,又或者係必要時候先用啦!

另外,洗手液亦都會對皮膚有好大影響。當你選擇洗手液既時候,最好選擇有保濕成份既產品,咁就可以達到清潔同滋潤既效果!

 

多用保濕產品

 

擁有水潤既皮膚,應該係大部份女仔既目標,而一切都係在於保濕。你可以試下準備定細細枝潤手霜係袋道,當你覺得乾既時候,就可以攞出黎補充皮膚水份。好多美容和化妝品店都有推出迷你版hand cream, 就算揹細手袋都唔怕啦!至於指甲邊緣好乾,指緣修護滋養油就幫到你。佢會修補皮膚既裂痕,仲會令你既指甲閃令令添!如果想額外滋潤雙手,可以購買修護霜,臨訓之前搽就得架啦。

 

帶手套

 

帶手套係咪好老套?當然唔係啦,依家市面上有好多唔同款式既手套,襯番你既outfit,絕對唔過氣。冷空氣對皮膚傷害好大,會令水份流失,而好多時人都為左方便用電話而唔帶手套,令到雙手愈黎愈乾。唔想再咁乾燥?帶手套係其中一個方法。手套款式有皮革,羊毛,花邊等等,總有一款可以滿足你。而經常做運動既你,都可以選擇專為運動而設既手套,為雙手提供額外保護。如果雙手特別凍既話,可以買暖包放入手套。好多個人用品店例如係Bonjour,萬寧,莎莎都有賣,價錢仲好平。但小心唔好比過熱既暖包燙傷,如果唔係就適得其反。

 

做手部護理Treatment

 

平時我地會用雙手做好多野,去到冬天我地就要好好保護番佢地。修甲除左可以改善美觀,仲令雙手可以更健康。現時修甲舖唔單止有修甲服務,更提供磨砂同按摩,有助去死皮,雙手就更白滑啦!以下呢2間 Nail Salon 的修甲同手部護理服務都備受BloomMe用戶好評,想錫住雙手的Sis不妨幫襯下:

 

Nail One

 

位於中環荷里活道,係BloomMe中得到超過 60 個好評,通常都係讚佢地位置方便服務質素高,而佢地的星級水療修甲會包埋磨砂、熱膜同按摩,係修甲同時可以放心等美甲師幫你護理雙手!

 

BloomMe推介療程: 星級水療修甲 (75分鐘) $390

 

Nu Nail and Beauty

 

位於尖沙咀地鐵站旁,環境乾淨光猛而且座位間隔亦都坐得好舒服,佢地的尊貴修甲服務會包晒磨砂、手膜、按摩同修甲! 好適合冬天去做嚟呵護雙手!

 

BloomMe推介療程: 尊貴修甲服務 $380

 

如果你擔心修完甲之後指甲斷裂,亦都可以考慮下做gel甲,強化指甲之餘仲可以令佢地生得長啲添!

 

各位Sis如果未經BloomMe預約過,就記得下載BloomMe,登記帳戶時入埋個優惠碼TALK75,咁除左有BloomMe提供的折扣優惠外首次預約仲可以即減$75!

 

踏入12月,氣溫已經跌到20度左右,你記得要著多件衫唔好冷親呀!除左溫度之外,連濕度都一直跌。如果唔好好保濕,皮膚就好易失去水份。如果你有手部乾燥既煩惱,不妨參考下BloomMe為你準備既手部護理方法啦!