一講到日本,細心、認真、精緻、時尚、服務好等等幾乎所有正面嘅形容詞都好啱用,簡單總結就係夠.高.質~所以年年都咁多人去日本,相信好多姊妹都唔例外!其實香港都有唔少由日本人主理嘅Spa & Salon,小編就揀咗5間介紹俾大家,希望大家喺香港都歎到日本嘅高質美容體驗,由頭靚到落腳~

 

Canary Nail & Eyelash

Canary Nail & Eyelash 實景

 

 

第一間係位於中環蘭桂芳嘅Canary Nail & Eyelash,先講環境,裝修清新優雅,柔和嘅配色令小編睇見都覺得好舒服,仲有幾張靚靚梳化俾大家等做美甲,上到嚟個人即刻relax晒!服務仲非常好——開始前先有3款茶俾大家揀,一邊歎住茶一邊俾專業美甲師(近一半來自日本)幫你修甲、gel甲、卸甲等,店內提供美甲雜誌同唔少又新又靚嘅設計sample俾大家參考同選擇,亦歡迎大家自攜心儀嘅指甲款式相片同美甲師仔細傾吓點整,過程中細心呵護你嘅指甲就不在話下,完成後仲會提供抗衰老嘅cream俾大家滋潤雙手/腳,十分貼心。

 

Carte Blanche

Carte Blanche 實景

 

另一間同樣有美甲美睫服務,兼具髮型設計嘅Carte Blanche致力推廣日本美容潮流,想緊貼日本beauty trend,真係要嚟搵佢哋!店家更秉承住日本人做事認真細心嘅風格,除咗所有髮型師、美甲師同美睫師傅都通過日本政府或當地美容機構認可(好多仲係日本人),擁有豐富經驗,仲特意由日本引入獲得美國NSF認證嘅商業級濾水器,務求Salon入面用嘅每一滴水都可以做到接近日本富士山週邊嘅天然泉水咁優質,帶嚟最貼近日本嘅極緻體驗。店家位於尖沙咀K11附近,離港鐵站都好近,非常方便。

 

Sozo Hair Design

Sozo Hair Design 實景

 

 

整完甲,不如剪埋個日系髮型啦!大家都知日本潮流多變,一般髮型屋未必跟得上。想剪個適合自己嘅潮流日系髮型,真係要試吓位於中環蘭桂芳嘅Sozo Hair Design,由來自日本嘅Yoko Hisatomi Lane創辦,技藝高水準之餘仲有無窮創意,係好Top嘅髮型設計師。店內仲有其他擁有多年經驗嘅髮型師,全部都好有潮流觸覺,技巧一流,亦好細心聆聽客人嘅意見。唔少幫襯過嘅客人都大讚佢哋設計嘅髮型同用色,以至頭皮按摩同優質、細心、周全嘅服務。順帶一提,呢度裝修典雅亮麗,入到嚟都feel到陣貴氣,喺度剪髮真係同喺日本一樣咁舒服。

 

2DO Nido Japanese Hair & Eyelash Salon

2DO Nido Japanese Hair & Eyelash Salon 實景

 

 

鍾情小店的話,不妨試吓喺銅鑼灣嘅2DO Nido Japanese Hair & Eyelash Salon,一睇名都知係日本人開,雖然店仔細細,但就好有日本家庭式果種溫馨舒適感,乾淨企理,私隱度又夠高。店內有兩名髮型師,分別係店主Yumiko同Takenori Takahashi(高橋武德)先生,兩位同樣有豐富經驗,提供一對一嘅髮型設計服務,確保會專注聆聽你嘅需要,好多客人都好like佢哋剪嘅髮型同友善嘅態度架。而且小店保證選用優質日本產品,絕對係高質又貼心嘅salon!留意高橋先生只識講日文,預訂之前要留意。

 

Sakura Beauty

Sakura Beauty 實景

 

整完甲又整頭,係時候要照顧埋個body~如果大家想安全甩走贅肉,可以嚟中環嘅Sakura Beauty一試,簡潔瑰麗嘅粉紅x白色裝潢,行甜美可愛嘅路線,好kawaii呢!店如其名,由中山櫻花小姐創辦,佢曾經為咗減肥而瘋狂節食導致患上多個疾病,本住親身惡劣嘅經歷,所以佢更加著緊要用溫和而有效嘅方法去達到減肥效果。店內提供被醫學推薦嘅日本國產無線電波Incurativer Pro纖體療程,可以溶解身體深層脂肪,將細胞活性化,加速新陳代謝,令你瞓緊覺都可以瘦身。

 

*療程資料摘自店方網站,如有疑問,請向店家查詢。

 

未去到日本住,一於就嚟呢幾間濃濃和風嘅Spa & Salon享受日式精緻優質嘅美容體驗啦!立即Download BloomMe App預約~首次預約記得輸入優惠碼「TALK88」,即減$88!

 

你可能感興趣:

香港 4 間必試正宗泰式按摩

極速叉電 1小時以下平價按摩精選

夏日清爽感-必看 5 款簡約美甲

一講到日本,細心、認真、精緻、時尚、服務好等等幾乎所有正面嘅形容詞都好啱用,簡單總結就係夠.高.質~所以年年都咁多人去日本,相信好多姊妹都唔例外!其實香港都有唔少由日本人主理嘅Spa & Salon,小編就揀咗5間介紹俾大家,希望大家喺香港都歎到日本嘅高質美容體驗,由頭靚到落腳~