以現今的科技想去遠 D 的地方無可避免都係要坐長途機,但應該好多Sis同小編一樣對長途機有 D 抗拒。機艙入面的冷氣,上機前食的快餐,甚至連捽眼都可以為皮膚帶來問題!

下次當你再準備搭長程機時,不妨參考下BloomMe為你準備的機上美容指南!

 

 

出發前

 

倒數開始!

出發前的一日,嘗試做個Facial等你的皮膚做好準備,愈滋潤效果會越好。如果你想慳番D錢留嚟旅行用,可以係呢度揀$500 或以下你喜愛的Facial 。

 

夠鐘執行李啦!

 

小編推介各位Sis記得帶定以下物品,令你的皮膚係長途飛行時一樣保持狀態。

 

你需要:

  1. 你最鍾意的收納袋(記得檢查你帶的液體係咪符合安全標準100ml以下,如果唔係隨時過海關時要掉左佢!)
  2. 面部精油或潤膚液
  3. 止汗劑
  4. BB Cream 或 CC Cream(如果是有色的保濕液都可以)
  5. 潤唇膏
  6. 眼藥水
  7. 遮瑕膏
  8. 香口膠
  9. 1個1L的空水樽

 

如果你係搭早機,記得要帶防曬,紫外光能透過窗射入機艙,影響你的皮膚。想了解多D關於防曬的資訊可以睇番我地之前的文章 謝絕雀斑!炎夏防曬大作戰

如果你係搭夜機,就記得帶Sleeping Mask嚟保持皮膚濕潤呀!

 

 

登機前準備(保安檢查後)

 

係時間保濕啦!

仲記得個1L的空樽嗎?你唔可以帶著裝滿水的水樽過關,但你可以帶空樽,係任何一部飲水機度將佢裝滿水,然後在上機前盡量飲一半的水。另一個秘密方法就係搵個化妝台然後大量咁揸保濕或其他的潤膚液。

 

 

係機上

 

當你登機後,如果有人唔小心Miss左班機或者咁啱你身邊的機位無賣到,你就好好彩咁可以霸晒成行的座位。避免俾冷氣直接吹係面上,因為咁會令你的皮膚好乾燥。同時小編都提提下可以試下係其他人瞓覺或睇電影的時侯敷番個Sleeping Mask! 對保濕好有作用㗎!

跟住你就可以坐好,放鬆,享受你的旅程!

 

降落前30分鐘

 

襯住安全帶燈號熄滅時,快D帶你的收納包去洗手間啦!

潑D水係塊面度,然後慢慢咁用毛巾印乾。(避免將水直接擦走,咁樣會傷害你的底層皮膚!)然後連同面部精油和潤膚液用手指頭打小圓圈咁按摩面部,最後塗上BB Cream或CC Cream。

係眼睛的底部搽番D遮瑕膏嚟遮蓋黑眼圈,但千祈要記得唔好搽係嘴角或者法令紋,咁會令你睇落去老左十歲! 如果需要的話,再搽埋潤唇膏或滴眼藥水,令你更加滋潤。

 

最後,噴D止汗劑,等落機後接機的人都可以開心熱情咁招待你,唔會因為你坐左好耐飛機產生的氣味而感到畏縮!

 

完成旅程後

 

咁樣你就成功挑戰坐完一程長途機啦! 其實唔需要做好多野係咪呢?

坐完長途機個人其實係會好攰,好好善待自己,Book番個按摩療程,俾按摩師將你的壓力煩惱統統按走啦!

 

以現今的科技想去遠 D 的地方無可避免都係要坐長途機,但應該好多Sis同小編一樣對長途機有 D 抗拒。機艙入面的冷氣,上機前食的快餐,甚至連捽眼都可以為皮膚帶來問題!

下次當你再準備搭長程機時,不妨參考下BloomMe為你準備的機上美容指南!